Kapelle-de-Groote

Kapelle-de-Groote Cappelle-la-Grande

Kapelle in't arroundissement Duunkerke 50° 59' N, 2° 21' E
Geografie
Regio	Hauts-de-France
Departement	Noorderdepartement
Arroundissement	Duunkerke
Kanton	Koudekerke
Coördinoatn	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	5.46 km²
Inweuners
Inweuners Bevolkiengsdichtheid	7865 (2022) 1497 inw./km²
Andere
Burgemêester	Sophie Agneray 2024-2026
Postcode	59180
Webadres	Officiëln site

Kapelle-de-Groote^[1] (Frans: Cappelle-la-Grande) es e gemêente in Vrankryk in't Noorderdepartement. 't Ligt in Frans-Vloandern in't Blootland, binn'n de steedelyke agglomeroasje van Duunkerke. 't Grenst an de gemêentn Tetegem-Koukerke, Koudekerke, Bieren, Armboutskapelle en Duunkerke.

Tout an de neegnde êeuw lag 't groundgebied van d'uudige gemêente bikkans hillegansn ounder woater. 'Tnes mo vanaf den tiendn êeuwe dat de Nôordzêe em begoest trug te trekkn en da dankzy inpolderienge der mienschn begoestn te weun'n in't gebied. Byst de middelêeuwn en den Nieuwn tyd wos Kapelle mo en klêen boeregehuchtje da êerst in't Groafschap Vloandern lag en derachter in Fransche handn kwam. Byst d'Industriële revoluusje begoest 't inweunersantal te stygn mo nwos mo vanof de joarn 1960, deur de grôote economische ountwikkelienge van Duunkerke van zyn hoavns, da 't dorp serieus uutgroeide tout e redelyk anzienlyk veurstadje van Duunkerke. In zyn recente geschiedenisse tracht de gemêente em ôok ip culturêel vlak te profileern me de bouw van't Palais des Arts in 1980 en van't Palais de l'univers et des sciences in 2009.

De gemêente et byst zyn geschiedenisse verschillige noamn g'ed: Azemboustcapel in 1793, Arembout-Cappel Cappelle in 1801 en sinsn 1921 noemt de gemêente officiël in't Frans Cappelle-la-Grande.