Karajiebn

Van Wikipedia

De Karajiebiesche Ploate.

De Karajiebn is e streeke die bestoat uut de Karajiebiesche Zêe, eur eilandn (sommigte in de Karajiebiesche Zêe en sommigte ip de grenze van die zêe en de nôordlikke Atlantiesche Oceoane), en d' oemriengnde kustn. 't Gebied ligt in 't Zuudôostn van de Golve van Mexico en van 't nôord-amerikoans vasteland, ôostlik van Centroal-Amerika, en nôordlik van Zuud-Amerika.

Grôotndêels geleegn ip de Karajiebiesche Ploate bevat de streeke mêer of 700 eilandn, eilandjes, riffn en koroal-eilandjes. Die eilandn liggn dikkers in boogvormige groepn zodoanig da ze d' ôostlikke en de nôordlikke grenzn van de Karajiebiesche Zêe oflynn [1].

De Karajiebiesche eilandn, die bestoan uut de Grôote Antieln in 't Nôordn en de Klêene Antieln in 't Zuudn en 't Ôostn, zyn dêel van 't e bitje grotre West-Indje dat ook de Lucayan-Archipêl (die de Bahamas en de Turks- en Caicos-Eilandn insluut) te Nôordn van de Grôote Antieln en de Karajiebiesche Zêe. In e bridre betêeknisse wordn ook de landn Belize, Guyana, en Suriname inbegreepn.

Eirdrykskundig-polletetiek wordn de Karajiebiesche eilandn geweunlik bekeekn lik 'n oendredêel van Nôord-Amerika[2][3][4][5] en ze bestoan uut 30 landstreekn woaroendre zelfstandige stoatn, oovrezêesche provinsjes, en ofanklikke gebiedn. Van 15 decembre 1954, toe 10 oktoobre 2010 wastr e gebied da gekend was lik de Needrlansche Antieln soamngesteld uut vuuf stoatn die Needrlansche ofanlikke gebiedn woarn[6] .

Zied ook noa[bewerkn | brontekst bewerken]

Wikimedia Commons

Verwyziengn[bewerkn | brontekst bewerken]

<references>

  1. (en) Assan, Ridvan 2007 : A Brief History of the Caribbean, Revised edition, Facts on File, Inc, New York, p. 3 ISBN 0-8160-3811-2
  2. Standard Country and Area Codes Classifications (M49), United Nations Statistics Division
  3. North America Atlas National Geographic
  4. "North America". Britannica Concise Encyclopedia; "... associated with the continent is Greenland, the largest island in the world, and such offshore groups as the Arctic Archipelago, the Bahamas, the Greater and Lesser Antilles, the Queen Charlotte Islands, and the Aleutian Islands."
  5. The World: Geographic Overview, The World Factbook, Central Intelligence Agency; "North America is commonly understood to include the island of Greenland, the isles of the Caribbean, and to extend south all the way to the Isthmus of Panama."
  6. (en) The Netherlands Antilles: The joy of six, The Economist Magazine, April 29, 2010