Katlynepôorte

Van Wikipedia
Naar navigatie springen Naar zoeken springen
De Katlynepôorte in 1831.

De Katlynepôorte was e stadspoorte in Brugge. De poorte was gelegen an 't ende van de Katlynestroate. De naame van de poorte wordt nog oltyd gebruukt voe de platse wo da ze vroeger lag. An de Katlynepôorte lig nu nog een droaibrugge over de Riengvoart, de Katlynepoortbrugge.

De Katlynepôorte was de platse wo da je Brugge verliet richtienge Kortryk. 't Was éene van de poort'n die deel uutmakten van de twidde vesten, gerealisird in 1297. De pôorte lidde in dien tyd no de Sinte-Katarina parochiêe, worvan dat de kerke buut'n de stadsmeuren lag. Die kerke wierd ofgebrôoken in 1578.

Ol in 1401 was de Katlynepôorte bouwvallig. Achter 't ofsmyten wier ze direct herbouwd. In 1782 wierd de binnenpôorte ofgebroken; de reste van 't complex volgde in 1862. De vôorpôorte is bôovendien pas in 1753 herbouwd. Ip 't fotôotjie zie j'ôak nog de Gentse barge, die regelmoatig de verbiendienge makte mé Gent; een dienst die bestoend tusschen 1624 en 1911.

Zied ook noa[bewerkn | brontekst bewerken]