Knopgalle
Knopgalle | |||||||||||||
---|---|---|---|---|---|---|---|---|---|---|---|---|---|
![]() Cyanea capillata en Pleurobrachia pileus | |||||||||||||
Taxonomische indêlienge | |||||||||||||
| |||||||||||||
Sôorte | |||||||||||||
Pleurobrachia pileus Müller, 1776 |
E knopgalletje (Pleurobrachia pileus) is e bêeste die dêel uutmakt van de rebbekwallen (Ctenophora). E rebbekwalle is gin nittelbêeste lik de schyfkwalle.
Uutzicht
[bewerkn | brontekst bewerken]Knopgalletjes wordn 2 tout 3 cm grôot. Hêel 't joar deure spoeln z' an ip 't strange moa surtout in de lente en de zomer. Ze zien der uut lik zochte deurzichtige marbeltjes.
Knopgalletjes hen acht verticoale rebbn woarip dat er klêne platte zwemploatjes zittn me trilhartjes die ritmisch ip en nere beweegn en woamee dan z' hunder vôortbeweegn. In lucht van e lampe of van de zunne krygn ze 't effect van e bewegende regenboge.
Vanboovn hen z' een evenwichtsorgoan en hunder mound zit vanounder.
Voedienge
[bewerkn | brontekst bewerken]Knopgalletjes eetn planktonbêestjes, visjes en zelfs hunder eign sôorte. Ze vangn ze me twi lange tentoakels die kunnen ingetrokkn wordn en die e plakkerige stoffe uutscheidn. Os 't bêestje an de tentoakel bluuft hangn, wordt 't noa de moundopenienge gebrocht.
Vôortplantienge
[bewerkn | brontekst bewerken]Knopgalletjes zyn twislachtig en ze briengen zowel zoadcellen of eitjes vôort. Eicellen wordn in 't vôorjoar in 't woater bevrucht. In 't begun zwemmn de larvn tusschn 't plankton.
Leefgebied
[bewerkn | brontekst bewerken]Knopgalletjes leevn in oundiep woater, dichte by de kust an weerskantn van de nôordelikkn Atlantischn Oceoan.
Toaln
[bewerkn | brontekst bewerken]- West-Vlams:
- Blanknbergs: Knopgalletje
- Heists: Roldertje (azo genoemd omda z' in de visnettn weg en were rolln tusschn de vis)
- Ostends: Teirlinkgalletje of gallebolle
- Nederlands: Zeedruif
- Iengels: Sea gooseberry
- Frans: Groseille de mer
- Duuts: Seestachelbeere
Externe koppeliengn
[bewerkn | brontekst bewerken]![]() |
Ofbeeldiengn die ier by passn ku je vien in de categorie Pleurobrachia pileus van Wikimedia Commons. |