Kritisch leezn

Van Wikipedia
Naar navigatie springen Naar zoeken springen
Verschillige boekn vergelykn es belangryk.

Kritisch leezn es 't leezn, woaby da je rekenienge oudt me de juustigheid van de tekste.

Hierby goa je nie ollêne kykn oe betrouwboar en volledig den tekst wel es, moa goa je ôok noagoan ofdat den auteur wel betrouwboar es.

Deur te kykn noa de bronn, mêer informoatie te zoekn over den auteur, noa te goan wie dat den uutgever es en ip te lettn oe oud da den tekst es, ku je weetn of dat den tekste in zyn gehêle of gedêeltelik wel de moeite weird es om uutendelik studeernd te leezn.

Den inhoud zelve moe neffnst den inhoud van andre tekstn over da onderwerp weirdn geleid, om te kunn uutmoakn ofdat olles wel overêen komt, en surtout te weetn wuk dan de verschilln zyn en woarom dan de verschillige auteurs over dazelfste onderwerp verschilln van mênienge. Deur jen eign ervoarienge met da onderwerp ku je ton uutmoakn wie dat 'r uutendelik zyn and in den juustn kabbas stikt.