Liar

Liar is e West-Vlamschn metalcoreband die tope met Congress de belangrykstn verteegnwôordiger van de H8000-hardcorescene wos. Z'en bestoan toet in 2006 en sedert september 2008 zyn ze were actief.

Noame[bewerkn | brontekst bewerken]

De noame komt van 't numer Liar van de Henry Rollins Band en z'en 't ekoozn omda 't over totetrekkery goat. De tekstn en doar ossan over egoan, over de moatschappy die je by 'n buk doet en over religieuze groeperiengn die menschn aar menschn loatn vermôordn in de noame va nundern god. Vaneigns giengn der oek numers over straight edge.

Geschiedenisse[bewerkn | brontekst bewerken]

Liar ountstound uut de asschn van Wheel Of Progress verre up 't zeste moment lik Congress. Tope met dienn groep zyn ze de groundleggers van de edgemetal (hardcore met thrash-, black- en deathmetalinvloedn en woavan dan de leedn straight edge woarn). Congress et dadde upegeevn achter êentige joarn (deur de gastn die dadde voun de mode dein), mo de gastn van Liar zyn ossan ezô ebleevn.

Nundern êestn CD wos uutebrocht in 1995 en noemde Falls of Torment. Ze shockeerdn ol rechtet deur nundern muziek ('t rôok nogol ferme no metal), mor oek deur 'n vorkant van nundern CD, die emakt wos deur 'n zestn die de vorkantn van de blackmetalgroepn Immortal en Marduk emakt adde. E masse hardcoreboeksjes noemdn 't kiezig en dadde wos wuk an ze wuldn en: aandacht en shockeern deur etwot aars te doen.

In 't joar derup gienkn ze voun 'n êeste kêe echt up tour, in en ottobuus tope me Congress e Blindfold. Oundertusschn an ze e nieuwn drummer Bert, die van Sektor kwam en zyn êestn uptreedn wos up Dragons Blaze, woa dan ze tope me Cradle of Filth speeldn.

In februoari van 1997 kwaam Invictus uut, e ploate die nog ossan 't beste van Liar ôois enoemd is. 't Is oek nog ossan e vôorbeeldploate voun de hêle metalcorescene. Ze mustn verre overol speeln, in verre hêel Europa en in Japan.

't Deurde toune were nie ol te lange vôorn at er were e CD uutkwaam: Deathrow Earth. E trok nog mêer no metal en 't woarn mêer en mêer metalheads die Liar begustn checkn. Organisatôorn van metalfestivals begustn nunder oek te vroagn en ze mustn oundermêer speeln in 't vôorprogramma van Bolt Thrower en up Dour.

In 2001 brochtn ze Liar's Hell uut, die van ol nunder ploatn 't mêeste slichtn kritiek krêeg. Doarachter dein ze nog e hêeln oop uptreedn, mo 't wos voun vele menschn dudelik da Liar nunder bestn tyd at adde.

Tout in 2005, toune an ze Murder Manifesto maktn, e ploate woamei da Liar bewêes dan ze were woarn en die indeliksche goeie kritiekn krêeg. 't Is uuteindelik wel nunder latste ploate ewist, want in 2006 schêedn ze dermei uut, achter dan ze oundermêer nog up Ieperfest espeeld en. Nundern latstn show wos in Yzegem.

September 2008 zin ze were twoope gekomn en nu spelen ze were shows.

Van de muzikantn zyn 'n zanger Hans en 'n bassist UxJx der van in 't begun by ewist.

Novembre 2019:

Liar é n paar joar stille gelegen, maar omda ulderen cd falls of torment 20 jaar es, gaan ze nog ne keer spelen in kortrijk op 23 novembre, tope mee sektor, dr goa ook nen boek zijn over den h8000.

Ze hebben al ne keer geoefend in deinze op 7 novembre 2019 in den café elpee aant statie. Onder de naam FALLS OF TORMENT.

liar 2019 was hans, joost, uj, bert en matthias