Planktong

Van Wikipedia
Naar navigatie springen Naar zoeken springen
Verschillige sowrt'n planktong

Planktong is e verzoamelynge van organismn die surtout zweevnd in 't woater (of lucht) leevn en die vor hunder te verplatsn ofhankelyk zyn van stromyngn (of wynd). In zeien en oceoann zyn z' e belangryke voedselbronne vo vele kleene en growte woaterorganismn, lyk twèekleppige beist'n, visn en walvisn.

Mariene planktong omvat bacteriën, archaea, algn, protozoa en dryvnde beist'n. Zoewtwoaterplanktong leeft in meern en riviern. Planktong wordt geweunlyk anzien lyk organismn die in 't woater leevn, moa aeroplanktong dryft roend in d' atmosfere en 't omvat plantespoorn, poln, zoad'n en micro-organismn die deur de wynd verspreid word'n. Vele planktongsowrt'n zyn microscopisch kleene moa ze bestoan in verschillige grottes, woaroender growte organismn, lyk kwaln.

Planktong wordt ingedeild in verschillige groep'n:

  • Phytoplanktong, ofhankelyk van fotosynthese, woaroender algn en bacteriën
  • Zoöplanktong, zweevnde of dryvnde organismn die leevn van phytoplanktong of bacteriën
  • Mycoplanktong, schimmels of zwamn
  • Bacterioplanktong, bacteriën en archaea
  • Virioplanktong, virusn