Pulitzerprys
| Pulitzerprys (Pulitzer Prize) | |
|---|---|
.png) Vôor- en achterkant van de goudn medaille vo de Pulitzer Prize for Public Service, ountworpn deur beeldhouwer Daniel Chester French in 1917 | |
| Uutgereikt vo | Uutzounderlikke prestoaties in krantnjournalistiek, letterkunde, en muzikale compositie |
| Uutgereikt deur | Columbia University |
| Land | Verênigde Stoatn |
| Êeste uutreikienge | 4 juni 1917 |
| Website | pulitzer.org |
De Pulitzerpryzn (Iengels: Pulitzer Prizes)[1] (uutgesprookn ols PULL-it-ser)[2][nota 1] zyn 23 joarlikse pryzn die uutgereikt wordn deur Columbia University in New York City vo prestoaties in de Verênigde Stoatn ip 't gebied van "journalistiek, kunstn en letteren". Z' zyn in 1917 ipgericht via 't testament van Joseph Pulitzer, die zyn fortuun ad gemakt als een uutgever van gazettn.[3]
In 2024 wierdn de pryzn in de volgende categorieën uutgereikt, woarby dat er vo iddere categorie drie finalistn wierdn benoemd:[4]
- Audio Reporting (Audio Verslaggevienge)
- Biography (Biografie)
- Breaking News Reporting (Breaking News Verslaggevienge)
- Breaking News Photography (Breaking News Fotografie)
- Commentary (Commentoar)
- Criticism (Kritiek)
- Drama
- Editorial Writing (Editorioal Schryvn)
- Explanatory Reporting (Uutleggende Verslaggevienge)
- Feature Photography (Feature Fotografie)
- Feature Writing (Feature Schryvn)
- Fiction (Fictie)
- General Nonfiction (Algemêne Non-fictie)
- History (Geschiedenisse)
- Illustrated Reporting and Commentary (G'illustreerde Verslaggevienge en Commentoar)
- International Reporting (Internationoale Verslaggevienge)
- Investigative Reporting (Ounderzoeksjournalistiek)
- Local Reporting (Lokoale Verslaggevienge)
- Memoir or Autobiography (Memoires of Autobiografie)
- Music (Muziek)
- National Reporting (Nationale Verslaggevienge)
- Poetry (Poëzie)
- Public Service (Openboare Dienstverlênienge)
Iddere winnoare ountvangt e certificoat en $15.000 in cash geld,[5] uutgezounderd in de categorie vo Openboare Dienstverlênienge (Public Service), woar da d'r e goudn medaille wudt uutgereikt.[6][7]
Geschiedenisse
[bewerkn | brontekst bewerken]
Gazettenuutgever Joseph Pulitzer gaf in zyn testament geld an Columbia University om e school vo journalistiek ip te richtn en de Pulitzerprys in 't leevn te roepn. Hy voorzag $250.000 voor de prys en vo studiebeurzn.[8] He specifieerde "viere pryzn in de journalistiek, viere in de letteren en drama, êen in d' eduoctie, en viere reisbeurzen".[3]
Achter zyn dôod ip 29 oktober 1911 wierdn de êeste Pulitzerpryzn ip 4 juni 1917 uutgereikt; tegenwôordig wordn ze in meie angekoundigd.[bronne nôdig] De Chicago Tribune, ounder leidienge van Kolonel Robert R. McCormick, vound da de Pulitzerprys nie mêer was of e "verênigienge vo wedezydse bewounderienge" en nie serieus mocht wordn gepakt; de gazette weigerde binst de regeerperiode van McCormick (tout 1961) mee te doen an de prys.[9][10]
Inzendienge en prysbeoordêelienge
[bewerkn | brontekst bewerken]
De Pulitzerprys overweegt nie automatisch alle toepasselike werkn in de media en de kunstn, moar ollêne dedie die expliciet zyn ingezounden en d'r deure zyn gereviewd ip administratieve rehels deur 't personeel. Inzendiengn moetn passen in minstens êen van de specifieke pryscategorieën, en kunn nie zômoar in anmerkieng kommn louter omdat ze literair of muzikaal zyn. Werkn kunn in maximaal twêe relevante categorieën ingediend wordn, oungeacht under eignschappen.[11] Teegnwoordig moetn inzendrs in de categorieën Boekn, Drama en Muziek Amerikoansche stoatsburgers zyn, een permanente verbluufplekke in de VS (green card) hen, of menschn zyn die de Verênigde Stoatn aanzien als nunder lankdurig êeste thuus; 't verkiesboare werk moe wel uutgebrocht zyn deur e bedryf da gevestigd is in de V.S.[12] Dêelnemers in de categorieën Journalistiek wordn nie beperkt deur nationaliteit, up voorwaarde dan uunder ingezounde werkn gepubliceerd zyn in e publicoatie die gevestigd is in de VS.[13]
Idder joar wordn d'r mêer of 100 juryleden (jurors) geselecteerd deur 't Pulitzer Prize Board om te zeteln in 22 ofzounderlikke jury's vo de 23 pryscategorieën; êen jury makt anbevelingn vo de twêe fotografiepryzn. De mêeste jury's bestoan uut vuuf leedn, met uutzounderienge van de jury's vo Public Service, Investigative Reporting, Explanatory Reporting, Feature Writing, Commentary en Audio Reporting, die der zeven tell'n; moar, oalle boek-jury's hen wel vuuf leedn.[3] Vo iddere pryscategorie makt e jury drie nominoaties. 'T bestuurscomité (The Board) kiest de winnoare by mêerderheid van stemmn uut de nominoaties, of zy passeert de nominoaties en kiest in de plekke doarvan een andre inzendienge met e 75 percent mêerderheidsstemme. 'T comité kan ôok stemmn om hêtegansn gin prys uut te reikn. 'T bestuur en de journalistiekjury's wordn nie betoald vo under werk; echter, juryleden in de letteren, muziek en drama krygen wel een honorarium voor 't joar.[3]
Verschil tusschn dêelnemers en genomineerde finalistn
[bewerkn | brontekst bewerken]Iedereen wies da zyn werk is ingezonden wudt een dêelnemer (entrant) genoemd. De jury kiest e groep van genomineerde finalistn (nominated finalists) en koundigt die an, tohoope met de winnoare in iedere categorie. Moar sommigte journalistn en schryvers die inkel moar ingediend woarn, en dus nie als finalist genomineerd zyn, beweirn in promotiematerioal tovh da ze Pulitzer-genomineerdn zyn.
'T Pulitzer-bestuur eêt inzendrs gewoarschuwd oem underzelvn nie as genomineerdn te bestempeln. De rubriek Veelgestelde Vroagn (FAQ) op de website van de Pulitzerprys beschryft under beleid as volgt: "Nominated Finalists wordn geselecteerd deur de Nominating Juries vo iddere categorie als finalistn in de competitie. De Pulitzer Prize Board kiest over 't algemêen de Pulitzer Prize Winners uut de drie genomineerde finalistn in iddere categorie. De noamen van genomineerde finalistn wordn nog moa sedert 1980 bekendgemakt. Werk da wierd ingezounden ter overwegienge voor de prys moa nie wierd gekoozen als ofwel genomineerde finalist ofwel winnoare, wordt gekenmerkt as een inzendienge (entry of submission). Der wudt gin info gegeevn over dêelnemers. Sinds 1980, ton we begosten met 't aankoundigen van genomineerde finalistn, hewwe wyden den term 'nominee' gebruukt vo dêelnemers die finalist wierden. We roaden 't te sterkste af da iemend zegt dat em of zy 'genomineerd' was voor e Pulitzer inkel omda d'r een inzendienge na uus wierd gesteurd."[13]
Bill Dedman van NBC News, d'n ountvanger van de 1989 prys voor ounderzoeksjournalistiek, wees er in 2012 ip da financieel journaliste Betty Liu wierd beschreevn als "Pulitzer Prize–Nominated" in eure Bloomberg Television recloame en ip de cover van heur boek, binst dat National Review-schryvere Jonah Goldberg gelykoardige claims miek van "Pulitzer nominoatie" om zyn boeken te promootn. Dedman schreef: "Oem zo'n inzendienge e Pulitzer 'nominoatie' te noemn, is zjuust lyk zeggn dat Adam Sandler een Oscar-genomineerde is on Columbia Pictures That's My Boy insteurt voor d' Academy Awards. Vele lezers beseffen da d' Oscars azoo nie werken—de studio's kiezn de genomineerden nie zelve. 'T is geweun e truucje oem 'Academy Awards' in e biografie te smokkelen. De Pulitzers werkn ôok nie azoo, moar vele miendere menschn weetn da."[14]
In theorie wudt de Pulitzer Prize for Public Service inkel an nieuwsorganisoaties uutgereikt, en nie an individuen. In uutzounderlyke gevolln wordn de medewerkers an de inzendienge wel expliciet vermeld in de citotie ip een maniere gelykig an individuele winnoars.[15][16] Journalistiekpryzn meugen gegeevn worn an individuen, gazettn of krantenredacties; ni idder kêer, moar soms maken de prys-citaties van de redactie ôok onderscheid in 't werk van prominente medewerkers.[17]
Ountvangers
[bewerkn | brontekst bewerken]Zie ôok de categorie: Winnaars van een Pulitzerprijs
Categorieën
[bewerkn | brontekst bewerken]| Pulitzerprys |
|---|
|
| Joseph Pulitzer • Columbia University Pryzn per joar • Winnoars Specioale Citaties en Pryzn |
| Journalistiek |
| Openboare Dienstverlênienge |
| Verslaggevienge |
| Internationaal • Nationaal • Breaking News • Ounderzoeksjournalistiek • Lokoal • Uutleggend • Audio |
| Schryvn |
| Editorioal • Feature |
| Fotografie |
| Feature • Breaking News |
| Andere |
| Commentoar • Kritiek • G'illustreerde Verslaggevienge en Commentoar |
| Vroeger |
| Verslaggevienge • Correspondentie • Fotografie • Beat Verslaggevienge |
| Letteren • Drama • Muziek |
| Biografie • Memoires of Autobiografie • Geschiedenisse • Algemêne Non-fictie • Fictie • Poëzie • Drama • Muziek |
Pryzn wordn uutgedêeld in categorieën die verboanden zyn me journalistiek, kunstn, letterkunde en fictie. Versloagen en fotogroafie van in de VS-gevestigde krantn, tydschriftn en nieuwsorganisoaties (waarounder nieuwswebsites) die "regelmoatig publiceren"[18] zyn verkiesboar voor de journalistiekprys. Vanaf de Pulitzerpryzn in 2007 "is een assortiment an online elementn toegestoan in alle journalistiekcategorieën, uutgezounderd in de twêe fotocategorieën van de competitie, die inzendiengh'n bluven beperkn toet stilstoande beelden."[19] In december 2008 wierd der angekoundigd da vo den êestn kêe inhoud gepubliceerd ip online-allêene nieuwsbronn'n zou overwoogn wordn.[20]
Oewel sommigte winnoars me banden an tydschriftn (mêest noemenswoardig Moneta Sleet Jr.) wierdn toegeloatn om me te doen an de wedstryd wegens toeghlote partnerschappen of tegelyktydige publicotie van under werk in gazettn, heêft d'n Pulitzer Prize Advisory Board en d'n uuteindeliken Pulitzer Prize Board in 't verleedn assan under vërzet tgen de toelatieng van tyddschriftn (magazines) tot d'n competitie. Da leidde tott d'iprichtienh van d' National Magazine Awards an d' Columbia Journalism School in 1966.
In 2015 wierdn tydschriftn vo den êestn kêe in twêe categorieën (Ounderzoeksverslaggevienge en Feature Schryvn) toegeloaten. Teegn 2016 wierd deze bëpoalienh yütgebriëd nâ drie aàndëre caätegooriëen (Internationoale Verslaggevienge, Kritiek en Editoriale Cartoons).[21] Da joar wierdn Kathryn Schulz (Feature Schryvn) en Emily Nussbaum (Kritiek) van The New Yorker d' êerste verteegnwoordigers van e tydschrift die de prys wonn'n ounder d'n uutgebreiden acceptoatie-regel.[22]
In oktober 2016 wierd d' accessibiliteit voor tydschriftn verruumd na aolle journalistiekcategorieën.[23] De categorie Breaking News Verslaggevienge, die tout vôortien beperkt was toet de lokoale verslaggevienge van breaking news, wierd in 2017 uutgebreid om oalle binnenlandsche breaking news gebeurtenissen t'omvatten.[24]
Defenities van de Pulitzerprys-categorieën liek gepresenteerd in 't December 2017 Plan of Award:[25]
- Openboare Dienstverlênienge (Public Service) – vo een uutstekend vôorbeeld van verdienstelikke openboare dienst deur e gazette, tydschrift of nieuwssite via 't gebruuk van zyn journalistieke middeln, waaronder 't gebruuk van verhoaln, hoofdartikels, cartoons, foto's, groafiekn, video's, databases, multimedia of interactieve presentoties of aâr visueel materioal. Dikkers anzien as de ôofdprys, en as êerste vernoemd in lystn van de journalistiekpryzn; d' Openboare Dienstverleningprys wudt inkel toegekend an de winnende nieuwsorganisoatie. Ols ênigste van aolle Pulitzerpryzn, wudt 't in de vorme van e goudn medaille uutgereikt.
- Breaking News Verslaggevienge (Breaking News Reporting) – vo een uutstekend vôorbeeld van lokoale, nationale of stoat-verslaggevienge van breaking news da zo rap meugelik en nauwkeurig gebeurtenissn vastlegt binst da ze gebeurn, en, o de tyd verstrekt, dudelikheid, context en e vôortbouw ip de initiële verslaggevienge briengt.
- Ounderzoeksjournalistiek (Investigative Reporting) – vo een uutstekend vôorbeeld van ounderzoeksverslaggevienge, met behulp van aolle beschikboare journalistieke middeln.
- Uutleggende Verslaggevienge (Explanatory Reporting) – vo een uutstekend vôorbeeld van uutleggende verslaggevienge da e belangryk en complex ounderwerp verheldert, en bliek getuugt van mêesterschap over 't ounderwerp, helder schryven en dudelikke presentotie, met behulp van aolle beschikboare journalistieke middeln.
- Lokoale Verslaggevienge (Local Reporting) – vo een uutstekend vôorbeeld van verslaggevienge over belangryke kwestjes van lokoal belang, da originaliteit en e goeie proktijkkennis an de dag leit, met behulp van aolle beschikboare journalistieke middeln.[19]
- Nationale Verslaggevienge (National Reporting) – vo een uutstekend vôorbeeld van verslaggevienge over nationale zoaken, met behulp van aolle beschikboare journalistieke middeln.
- Internationale Verslaggevienge (International Reporting) – vo een uutstekend vôorbeeld van verslaggevienge over internationale zoaken, met behulp van aolle beschikboare journalistieke middeln.
- Feature Schryvn (Feature Writing) – vo uutstekend feature-schryvn woarby de mêeste andacht uutgoat noar de kwaliteit van 't schryvn, originaliteit en beknoptheid, met behulp van aolle beschikboare journalistieke middeln.
- Commentoar (Commentary) – vo uutstekend commentoar, met behulp van aolle beschikboare journalistieke middeln.
- Kritiek (Criticism) – vo uutstekende kritiek, met behulp van aolle beschikboare journalistieke middeln.
- Editorioal Schryvn (Editorial Writing) – vo uutstekend editorioal schryvn, woarby de tescht voe uutmuntendheid bestoat uut helderheid van styl, e morêel doel, gëgronde redeneerienge, en de mocht om d' openboare menienge in e richtienge te sturen die de schryver as de goeie aanziet, met behulp van aolle beschikboare journalistieke middeln.
- Editoriale Cartoons (Editorial Cartooning) – vo een uutstekenden cartoon of portfolio van cartoons, gekenmerkt deur originaliteit, editoriale doeltreffendheid, kwaliteit van de têkeningn en beeldend effect, gepubliceerd as e stilstoande têkenienge, animoatie of olletwêe.
- Breaking News Fotografie (Breaking News Photography), eêrder de Spot News Photography prys genoemd – vo een uutstekend vôorbeeld van breaking news fotografie in zwart-wit of in kleur, da kan bestoan uut êne of mêerdere fotto's.
- Feature Fotografie (Feature Photography) – vo een uutstekend vôorbeeld van feature fotografie in zwart-wit of in kleur, da kan bestoan uut êne of mêerdere fotto's.
In 2020 wierd de categorie Audio Verslaggevienge toegevoegd. D'êeste prys in deze categorie wierd toegekend an "The Out Crowd", een ofleverienge van 't openboar radioprogramma This American Life. In 't twidde joar wierd de Pulitzer uutgereikt an de NPR podcast No Compromise.[26]
Der zyn zeven categorieën in de letteren en drama:
- Biografie – vo een uutstekende biografie, autobiografie of memoire deur een Amerikoanschn auteur.
- Drama – vo een uutstekend tonêelstik deur een Amerikoanschn theâterschryver, by vôorkeur origineel uut d'n bronne en g'ënt ip 't Amerikoansche leevn.
- Fictie – vo uutstekende fictie deur een Amerikoanschn auteur, by vôorkeur g'ënt ip 't Amerikoansche leevn.
- Algemêne Non-fictie – vo een uutstekend en correct gedocumenteerd non-fictieboek deur een Amerikoanschn auteur da nie in anmerkienge komt in eender wukke andere categorie.
- Geschiedenisse – vo een uutstekend en correct gedocumenteerd boek over de geschiedenisse van de Verênigde Stoatn.
- Memoires of Autobiografie – vo een uutstekende en feitelikke memoire of autobiografie deur een Amerikoanschn auteur.
- Poëzie – vo een uutstekende bundel van originele verzen deur een Amerikoansche dichter.
Der wordt êen prys uutgedêeld vo muziek:
- Muziek – vo een uutstekende muzikale compositie deur een Amerikoan die in de loop van 't joar vo d'n êestn kêe uutgevoerd of opgenomen is in de Verênigde Stoatn.
Er zyn in d' loop der joarn oôk tientallen Specioale Citaties en Pryzn uutgereikt: mêer of tien telkens in de Kunstn, Journalistiek en Letteren, en vuve voe Pulitzerprys dienstverlenienge, meest recent nog an Joseph Pulitzer, Jr. in 1987.
Doarneviest wordn d'r an vier uutblinkende studentn van de Graduate School of Journalism, gekoozen deur d' faculteit, oôk de Pulitzer Traveling Fellowships tougekend (reisbeurzen).
Veranderiengn in categorieën
[bewerkn | brontekst bewerken]In d'n loop der joaren zyn er pryzn stopgezet; ofwel oemda 't vaktërein van de prys breêd genoeg hermaakt is om d'andre domeinen derin t' omvattn; ofwel omda de prys êen of aâr andere noame heêt gekreegn tegehwoôrdig; ofwel wud de prys als achterhaald anzien, liek de pryzn vo telegrafische reportoages.
E typisch voorbêeld van een g'expandeerde rubriek was d'oude Pulitzerprys vo de Roman (uutgereikt in de joarn 1918–1947), die wierd veranderd noar de Pulitzerprys vo Fictie, wa da nu zowèl korte verhoalen, novelles, novelettes as poëzie en romoans omvat.
Chronologie van Pulitzerprys-categorieën
Legende
Ipmerkienge: De Pulitzerprys vo Lokoale Verslaggevienge wierd in 1948 in twêe categorieën ipgesplitst die nog ossan bestoan as Breaking News Verslaggevienge en Ounderzoeksjournalistiek. De categorie Lokoale Verslaggevienge wierd in 2007 nieuw leevn in'ebloazn ols e nieuwe categorie ter vervangienge van de categorie Beat Verslaggevienge.
Bestuur (Board)
[bewerkn | brontekst bewerken]_-_01.JPG)
D'n neegntienkoppige Pulitzer Prize Board[27] vergadert halfjoarliks, traditjoneêl in de Joseph Pulitzer World Room in Columbia University's Pulitzer Hall. 't Bestoat uut de grôtste eêrsteredacteurs, columnisten en directeurs uut de mediawerêld tegoare mè zèsse leedn die direct uut d'n academie en de kunstweireld komen, inclusief den president van Columbia University, de doyen (dean) van de Columbia University Graduate School of Journalism en de beheerder (administrator) van de pryzn zelve, die as secretoaris van 't bestuur optreedt. Den administrator en de doyen (die tûschn d'iprichtienge van 't bestuure en 1954 diende, e doarna ahl weere vanaf 1976) doen mee an de beroadslagiengn ols ex officio leedn, moar meugn nie stemmen. Buutn den president en de doyen (die ols vaste leedn tsieven zolange under ambt deurt) en d' administrator (die elken joar wêere gekoozen wordt), kiest 't bestuur ze eign leedn vor e termyn van drie joar; leedn meugen ne maximum van drie termynen invullen. Leedn van d'n bestuursroad en de jury's wordn geselecteerd met andacht vo "professionele uutmuntendheid en affilioatie, evenzeer ols diversiteit op 't vlak van geslacht, etnischen achterground, geogroafische spreidienge en grôte van de nieuwsorganisôatie."
Eerdere Associated Press en Los Angeles Times redactiveuze Marjorie Miller wierd benoemd toet administrator in april 2022.[28] Z' is d' ipvolgster va vroêgere New York Times senior-redactrice Dana Canedy, die van 2017 tout 2020 de rolle ip neur naêm aht. Canedy was d' allereêste vrouwe én d' êeste persôon van kleur die de pozitie uutoefende.[29][30] Edward Kliment, de langdierige vicedirecteur van 't programma, wierd in juli 2020 als woarnêmend administrator benoemd on Canedy senior vicepresident en uutgever wierd van de flagship boekenreêkse van Simon & Schuster.[31] Je koos der vôorn om zelve gihnen kandidoat te zyn vo de job e keêrde weere noar zyn oûde roale ton at Miller wierd oangesteld.[28]
Neviêst Canedy bestoan d' eerdere administrators ounder mêer uut John Hohenberg (d'n jounhgstn oem t'ambt ooit g'had të zyn; 1954–1976), meêdeproffe an de Graduate School of Journalism Richard T. Baker (1976–1981), vroegerge Newsweek eêrsteredacteur Robert Christopher (1981–1992), vroêgere New York Times beheernd redacteur Seymour Topping (1993–2002), voormalige Milwaukee Journal redacteur Sig Gissler (2002–2014) en vroêgere Concord Monitor redacteur Mike Pride (d'n ênihste oûde bestuurslid dien 't ambt vôort ûtvoerden tout ip deén dag van vandahhe; 2014–2017). Vôordat Hohenberg wierd in'ezet, wierd 't programma tohoope bestierd deur leden van de proffeïen van d' Journalism School (veural de langduurige doyen Carl W. Ackerman) én officiële verteenwoordigers van de centoale bestuursroad van Columbia, dedîe veural ounder leydingh aën Frank D. Fackenthal stoêhnn.
Achter de pênšioenêeringe van Joseph Pulitzer Jr. (een kleinzeune van d'n oersprounklïk'n fundèûr die 31 joar an e stik zot in de bestuursroäd) in 1986, rouleêrde den tieytël van vôorzitter over 't olhemêene joarliks na't moêst siënieûr lid (oef leêd'n, in e heval van tegëlikę ronkiesziengn).[32]
Sedert 1975 pakt 't bestuür oôk olle bezlissienghën wat dă de prÿzėn betreft; voordîen wjèrden d'ambèvelïenghën van d'bêstûüürsroàd latr nog aàngeveärd met nen mjîrdereydś-stemmeh van d' Trustees of Columbia University.[33] Hoewel da de burooks van d'n aàdmiyniîšşţtréúûr èn 't perrshõneel huûsvésth zjijn an de Graduate School of Journalism uyt Columbia's Pulitzer Hall eën dät vrëschilende bestûurders têgëliêjke volletyydshe' off àànvụlendé lęrôraèrsfünnctĩyes hiêlpėn bìh de Journalism School, wérkéh het bestûur êen administrôatie ol vannăáf 1950 aârtieśtyèeek ònôàffānkkẽlik va d'n schộölê zelven.[34]
Controverses
[bewerkn | brontekst bewerken]- 1921 Fictieprys (Fiction Prize): 't Bestuur van Columbia negeerde de rekommandoatie van de jury en gof de prys an Edith Wharton vo The Age of Innocence in plekke van d' anbevelienge van Sinclair Lewis vo Main Street.[35]
- Oproep vo d' intrekkienge van de Pulitzerprys uut 1932 van journalist Walter Duranty.
- 1941 Romanprys (Novel Prize): D' adviesroad (advisory board) besliste oem de jury te passeren en stelde For Whom the Bell Tolls van Ernest Hemingway vôorn. Moa de president van Columbia University, Nicholas Murray Butler, smêekte 't comité oem da te herbekykn oemda t'ie bange wos vo de meugelikke assoasjoatie tusschn d' universiteit en de nogal oopnlikke seksuele inoud van de roman; in plekke doarvan wierd er gin prys uutgereikt.[36] Twoof joar loater krêeg Hemingway d'n Fictieprys van 1953 vo The Old Man and the Sea.
- 1957 Biografieprys (Biography Prize): 't Wierd angenoomn dat de verounderstelde schryver van Profiles in Courage, d'n Amerikoanschn senateur John F. Kennedy, 't grotste stik van 't boek woarvoorn dat em de Pulitzer krêeg, eêt loatn schryvn deur ne ghostwriter.[37] Journalist Drew Pearson beweirde in een ofleverienge van The Mike Wallace Interview in december 1957[38] da "John F. Kennedy d'n ênigste man in de geschiedenisse is die ik kenne die e Pulitzerprys won voor e boek dat em eêt loatn ghostwriten" en da zyn speechschryver Ted Sorensen d'n echtn auteur was. Loater wierd die beweringe ingetrokken deur d'n uutzender van de show, ABC, achter da Kennedy zyn voader dreigde me een rechtszoake.[37] Ôok Herbert Parmet stelde vast dat 't boek voornoamelik g'ghostwrited wos, in zyn boek uut 1980 Jack: The Struggles of John F. Kennedy. Je schreef da Kennedy wel d' overzienienge dêe en de richtienge en de booschap van 't boek bepoalde, moar da 't eignlyk Sorensen wos die 't mêeste werk in 't eindproduct eêt gestookn.[39] Sorensen zelve gaf loater in zyn autobiografie uut 2008, Counselor: A Life at the Edge of History, toe dat em inderdoad "den êeste kladversie van de mêeste hoofstikkn" aht geschreevn en "hielp by 't kiezn van de woordn van vele zinn'n".[40][41] Neviest de ghostwriting-controverse wierd er ôok ountdekt da twêe van de achte Amerikoansche senateurn die in 't boek wierdn geprofileerd, Edmund G. Ross en Lucius Lamar, in de realiteit nie overêenkwammn met oe da 't boek under verheerlikte.[42][43]
- 1960 Fictieprys: 't Jurycomité stelde vôorn oem de prys an Henderson the Rain King van Saul Bellow te geevn, moar d' adviesroad passeerde die rekommandoatie en gof 't an Advise and Consent van Allen Drury.[44][45][46][47]
- 1962 Biografieprys: Citizen Hearst: A Biography of William Randolph Hearst van W. A. Swanberg wierd voorgesteld deur de jury en d' adviesroad, moar wierd ofgekeurd deur d' administroators van Columbia University (die ton belast woarn me de finale bekrachtigienge van de pryzn) omda zyn ounderwerp, Hearst, gin "eminent vôorbeeld van de biograaf zyn kunste wos lik gespecifieerd in de definitie van de prys."[48]
- 1963 Dramaprys: Who's Afraid of Virginia Woolf? van Edward Albee wierd geselecteerd deur de dramajury, moar d' adviesroad van de prys makte bezwoar teegn 't gevloek en de seksuele thema's, passeerde de jury, en reikn in 1963 helegansn gin Pulitzerprys vo drama uut.[49]
- 1974 Fictieprys: Gravity's Rainbow van Thomas Pynchon wierd vôorgesteld deur de driekoppige fictiejury, moar d' adviesroad draaide die beslissienge teegn en er wierd gin prys toegekend deur de board.[50]
- Kort achter dat em e Specioale Citoatie krêeg vo Roots: The Saga of an American Family in de lente van 1977, wierd Alex Haley in twêe ofzounderlikke rechtszoakn deur Harold Courlander en Margaret Walker Alexander beschuldigd van plagioat. Courlander, nen antropoloog en romanschryvere, beweirde da Roots grofweg gekopieerd wos uut zyn roman The African (1967). Walker eiste da Haley plagioat ad gepleegd uut eur roman uut de Amerikoansche Burgeroorloge, Jubilee (1966). De juridische processn woarn round 't ende van 1978 ofgehandeld. Courlander zyn zoake wierd buutn de rechtbank geregeld vo $650.000 (wa da in uze tyd overêenkomt me zô'n goeie 3 miljoen dollar) en een erkennienge van Haley da bepoalde stikkn uut Roots gekopieerd waarn uut The African.[51] Walker eure zoake wierd deur 't gerecht geseponeerd, die in e vergelykienge tusschn den inoud van Roots en Jubilee concludeerde da "der gin anvechtboare gelykenissen bestoan tusschn de werkn."[52][53]
- 1981 Feature Schryvn Prys: Washington Post schryfster Janet Cooke gaf de prys weere achter dat een ounderzoek van de gazette had uutgeweezen da z' heur winnende verhoal "Jimmy's World", e profiel van een achtjoarige heroïneversloafde in Washington, D.C., helegansn aht gefabriceerd.
- 1994 Geschiedenisse: Gerald Posner zyn Case Closed: Lee Harvey Oswald and the Assassination of JFK, Lawrence Friedman zyn Crime and Punishment in American History en Joel Williamson zyn William Faulkner and Southern History wierdn unaniem genomineerd voor de prys; d'r wierd echter gin prys toegekend.[54] De beslissienge om gin prys te geevn an êen van de drie boekn zorgde voor e grôte publieke controverse. Êen van de 19 leedn van de Pulitzer Board, John Dotson, zei da olle drie de genomineerde boekn "ip d' êen of d' andere maniere mankementn han." Moar een aâr bestuurslid, Edward Seaton, redacteur van The Manhattan Mercury, was 't doarmeê oneens en noemde 't "spytig" da der gin prys wos uutgereikt.[55]
- 2010 Dramaprys: De musical Next to Normal (die ôok e Tony won) krêeg de prys,[56] oewel da 't stik nie by de genomineerdn zat die deur de jury woarn vôorgesteld.[57][58]
- 2020 Feature Fotografie: De nominoatie van Channi Anand, Mukhtar Khan en Dar Yasin van d' Associated Press lokaasde nogol wa controverse uut.[59][60][61] 't Wierd deur sommigte aanzien lik een in-vroage-stellienge van "India zyn legitimiteit over Kashmir" omda 't woord "oenofhankelikheid" wierd gebruukt in verbaand met d' intrekkienge van 't specioale statuut van Jammu en Kashmir (Article 370).[61]
- 2020 Commentoar Prys: E verênigienge van conservatieve academici riept ip tout d' intrekkienge van Nikole Hannah-Jones eure prys vo "The 1619 Project" achter dat d' New York Times de claims, die zeiden da de primêre motivoatie achter d' Amerikoansche Revolutie 't bewaarn van de slavernije was, aanzienlik aht ofgezwakt noar anleidienge van publieke kritiek uut d'n hoek van historici.[62][63] Leslie M. Harris, e fact-checker voor 't project, schreef in een artikel vo Politico da z' heur zörgn had g'uut over Hannah-Jones eure "overdreevn claim" by de redacteurs van de Times vôor de publicoatie van 't project.[64] Harris verkloarde da "d' argumenoatie by d'historici, hoewel reëel, verre van zwart-wit is."[64]
- 2020 Internationoale Verslaggevienge: De Russische journalist Roman Badanin, d'n hoofdredacteur van 't oenofhankelik Russisch media-outlet Proekt (Project), zei da minstens twêe New York Times artikels in d' inzendienge exact dezèlfste bevindienghn herhaaldn als d' artikels van Proekt die al e poar moandn idder woarn gepubliceerd.[65]
Kritiek en studies
[bewerkn | brontekst bewerken]Sommigte critici van de Pulitzerprys hen d' organisoatie d'r van beschuldigd da ze menschn die progressieve/liberoale doeln steun'n vôortrekkn en conservatieve doeln teegnwerkn. De conservatieve columnist L. Brent Bozell Jr. zei da de Pulitzerprys e "liberoale erfenisse" (liberal legacy) eêt, vôoroal in ulder prys vo commentoar.[66] Hy wees op e periode van 31 joar woarin da d'r inkel moa vuuf conservatievn pryzn wonn'n vo under commentoar. Winnoaresse van de Pulitzerprys vo commentoar in 2010, Kathleen Parker, schreef: "'t Is inkel oemda'kik a conservatieven-basher (conservative basher) zyn da'kik nu erkend worde."[67] Alexander Theroux beschryft de Pulitzerprys als "een uutermoate belachelikke prys, [die] dikkers is uutgedêeld gewist als resultoat van connecties en politiek gemanoeuvreer (log-rolling), en da vôoroal an d' allergrotste bedriegers en zotten gelyk."[68]
Een academische studie uut 2012 deur journalistiek-proffn Yong Volz van de Universiteit van Missouri en Francis Lee van de Chinese Universiteit van Hong Kong vound "dat er mor 27% van de Pulitzer-winnoars sinds 1991 vrouwn waarn, binst da de redacties zô'n 33% vrouwelik zyn."[69] De researchers concludeerden da vrouwelikke winnoars idder een traditionele academische achterground han, lyk 't byweunen van Ivy League-schooln, een ipvoedienge in e metropool, of jobs by een elitair blad lyk *The New York Times*. De bevindienghn suggereern dat er voor e vrouwelikke kandidate een ôhger niveau van ipleidienge en connecties vereist is oem de prys te winn'n ten opzichte van uunder mannelikke collega's.[70]
Zie ôok
[bewerkn | brontekst bewerken]- Alfred I. duPont–Columbia University Award vo tilleviesjejournalistiek
- Commonwealth Writers Prize
- Lyste van Pulitzerpryzn toegekend an The New York Times
- Lyste van pryzn gekend ols de Nobel of d' hogste eere van e vaktërein
- The Booker Prize
- Miguel de Cervantes Prys
- National Book Award
- National Magazine Awards
- Prix Goncourt
Voetnota's
[bewerkn | brontekst bewerken]- ↑ D' uutsproake PEW-lit-ser, oewel verkêerd, is styf geweune en wudt ipgenoomn in de grôte Britse en Amerikoansche woordnboekn.
Referensjes
[bewerkn | brontekst bewerken]Citaties
[bewerkn | brontekst bewerken]- ↑ "The Pulitzer Prizes". pulitzer.org.
- ↑ "FAQ". The Pulitzer Prizes / Columbia University (15 april 2019). Citaat: "24. How is 'Pulitzer' pronounced? The correct pronunciation is 'PULL it sir.'"
- 1 2 3 4 Topping, Seymour. "History of The Pulitzer Prizes". The Pulitzer Prizes / Columbia University (2008, geüpdatet in 2013 deur Sig Gissler).
- ↑ "Pulitzer Prize Board Announces New Book Category". Pulitzer.
- ↑ "Pulitzer Board raises prize award to $15,000". The Pulitzer Prizes / Columbia University (3 januoari 2017).
- ↑ Topping, Seymour. "Administration". The Pulitzer Prizes / Columbia University (2008, geüpdatet in 2013 deur Sig Gissler).
- ↑ "The Medal". The Pulitzer Prizes / Columbia University.
- ↑ Morris, James McGrath. "Pulitzer: A Life in Politics, Print, and Power". HarperCollins, New York (2010), p. 461. ISBN 978-0-06-079870-3.
- ↑ Reardon, Patrick T. "A Parade of Pulitzers". Chicago Tribune (8 juni 1997). Citaat: "for more than two decades [...] the Tribune refused to compete for the awards."
- ↑ Epstein, Joseph. "The Colonel and the Lady". Commentary (ogustus 1997), p. 48. Citaat: "He viewed the Pulitzer Prize as a 'mutual admiration society,' and hence not to be taken seriously."
- ↑ "Entry Form for a Pulitzer Prize in Journalism". The Pulitzer Prizes / Columbia University.
- ↑ "Pulitzer Prize Board Amending Citizenship Requirement in Books, Drama and Music". Pulitzer Prize (12 september 2023).
- 1 2 "Frequently Asked Questions". The Pulitzer Prizes / Columbia University (18 november 2018).
- ↑ Abad-Santos, Alexander. "Journalists, Please Stop Saying You Were 'Pulitzer Prize-Nominated'". What Matters Now / The Atlantic Wire via Yahoo News (26 juni 2012).
- ↑ "The 2000 Pulitzer Prize Winner in Public Service: The Washington Post, notably for the work of Katherine Boo". The Pulitzer Prizes / Columbia University.
- ↑ "The 1996 Pulitzer Prize Winner in Public Service: The News & Observer (Raleigh, NC), for the work of Melanie Sill, Pat Stith and Joby Warrick". The Pulitzer Prizes / Columbia University.
- ↑ "The 2009 Pulitzer Prize Winner in Local Reporting: Detroit Free Press Staff, and notably Jim Schaefer and M.L. Elrick". The Pulitzer Prizes / Columbia University.
- ↑ "2017 Journalism Submission Guidelines, Requirements and FAQs". The Pulitzer Prizes / Columbia University.
- 1 2 "Pulitzer Board Widens Range of Online Journalism in Entries". The Pulitzer Prizes / Columbia University (27 november 2006).
- ↑ "Pulitzer Prizes Broadened to Include Online-Only Publications Primarily Devoted to Original News Reporting". The Pulitzer Prizes / Columbia University (8 december 2008).
- ↑ "Expanded eligibility for three journalism categories". The Pulitzer Prizes / Columbia University (26 oktober 2015).
- ↑ "2016 Pulitzer Prizes". The Pulitzer Prizes / Columbia University.
- ↑ "Pulitzer Prizes open all journalism categories to magazines". The Pulitzer Prizes / Columbia University (18 oktober 2016).
- ↑ "Pulitzer Board Expands Eligibility in Breaking News Prize Category". The Pulitzer Prizes / Columbia University (4 december 2017).
- ↑ "2020 Plan of Award". The Pulitzer Prizes / Columbia University (Ogustus 2020).
- ↑ Audio Reporting: Winners 2020–2022, The Pulitzer Prizes. Geroadpleegd ip 6 moarte 2023.
- ↑ "Elizabeth Alexander elected to Pulitzer Prize Board". The Pulitzer Prizes / Columbia University (30 meie 2016).
- 1 2 "Journalist Marjorie Miller is Elected Administrator of the Pulitzer Prizes". The Pulitzer Prizes (31 moarte 2022).
- ↑ "Journalist, Author Dana Canedy Is Elected Administrator of the Pulitzer Prizes". The Pulitzer Prizes / Columbia University (12 juli 2017).
- ↑ "The 2001 Pulitzer Prize Winner in National Reporting". The Pulitzer Prizes / Columbia University.
- ↑ "Pulitzer Administrator Dana Canedy Steps Down To Accept Publisher Role at Simon & Schuster". The Pulitzer Prizes / Columbia University (6 juli 2020).
- ↑ Topping, Seymour. "Biography of Joseph Pulitzer". The Pulitzer Prizes / Columbia University (2013, geüpdatet deur Sig Gissler).
- ↑ Kihss, Peter. "Pulitzer Prizes Awarded 2 Biographers and Albee". The New York Times (6 meie 1975).
- ↑ Boylan, James. "Pulitzer's School: Columbia University's School of Journalism, 1903–2003". Columbia University Press (2003), p. 121. ISBN 978-0-231-50017-3.
- ↑ Oehlschlaeger, Fritz H. "Hamlin Garland and the Pulitzer Prize controversy of 1921". American Literature 51 (3): 409–414. (November 1979).
- ↑ Boylan, James. "Pulitzer's School: Columbia University's School of Journalism, 1903–2003". Columbia University Press (2003), p. 118. ISBN 978-0-231-50017-3.
- 1 2 Walls, Jeannette. "Dish: The Inside Story on the World of Gossip". Avon Books, Inc. (2000), p. 29–35. ISBN 0-380-97821-0.
- ↑ "Drew Pearson". Harry Ransom Humanities Research Center, School of Information, University of Texas.
- ↑ Adams, Cecil. "Did John F. Kennedy really write 'Profiles in Courage?'". The Straight Dope (7 november 2003).
- ↑ "Her Story, Their Words: Behind the Scenes of the Best-Sellers". (11 juni 2014).
- ↑ Farhi, Paul. "Who wrote that political memoir? No, who wrote it?". The Washington Post (9 juni 2014).
- ↑ Stewart, David O. "Impeached: The Trial of President Andrew Johnson and the Fight for Lincoln's Legacy". Simon & Schuster (2009), p. 185–86, 188–89, 242, 269, 278–80, 282, 285, 292, 297–99, 309.
- ↑ Lemann, Nicholas. "Redemption: The Last Battle of the Civil War". Farrar, Straus & Giroux (New York). ISBN 978-0-374-53069-3. p. 205–09.
- ↑ Simon, Scott. "At 50, a D.C. Novel With Legs". The Wall Street Journal (2 september 2009).
- ↑ Simon, Phil. "Classic Politics: The Works of Allen Drury Now Back in Print". The Huffington Post (28 meie 2014).
- ↑ Fischer, Heinz Dietrich; Fischer, Erika J. "Chronicle of the Pulitzer Prizes for Fiction". K.G. Saur (München, 2007), p. 21.
- ↑ McDowell, Edwin. "Publishing: Pulitzer Controversies". The New York Times (11 meie 1984).
- ↑ Hohenberg, John. "The Pulitzer Diaries: Inside America's Greatest Prize" (1997), p. 109.
- ↑ "A snub of Edward Albee". Pulitzer Prize.
- ↑ McDowell, Edwin. "Publishing: Pulitzer Controversies". The New York Times (11 meie 1984), C26.
- ↑ Fein, Esther B. "Book Notes". The New York Times (3 moarte 1993).
- ↑ "Judge Rules 'Roots' Original". Spokane Daily Chronicle / Associated Press (21 september 1978).
- ↑ "Suit against Alex Haley is dismissed". The Montreal Gazette / United Press International (22 september 1978).
- ↑ Fischer, Heinz D. en Fischer, Erika J. "Complete Historical Handbook of the Pulitzer Prize System 1917–2000: Decision-Making Processes in all Award Categories Based on Unpublished Sources". The Pulitzer Prize Archive, Walter de Gruyer (2003), p. 325.
- ↑ "Pulitzer Decision Angers Juror Ignoring Nominations, Panel Didn't Know History Prize". San Jose Mercury News (23 april 1994), p. 2B.
- ↑ "Next to Normal". Music Theater International (16 september 2015).
- ↑ McNulty, Charles. "Critic's Notebook: On this year's drama award, the Pulitzer board blew it". Los Angeles Times (13 april 2010).
- ↑ Simonson, Robert. "Playbill.com's Theatre Week In Review, April 10-April 16: The Pulitzer Paradox". Playbill (16 april 2010).
- ↑ Hussain, Ashiq. "3 Indian photojournalists from Jammu and Kashmir win Pulitzer Prize". Hindustan Times (6 meie 2020).
- ↑ "Kashmiri Pulitzer Prize winners caught in political debate". Outlook / Indo-Asian News Service (5 meie 2020).
- 1 2 "Pulitzer Prize questions India's legitimacy over Kashmir". National Herald (5 meie 2020).
- ↑ "Pulitzer Board Must Revoke Nikole Hannah-Jones' Prize by Peter Wood". nas.org.
- ↑ "We Respond to the Historians Who Critiqued The 1619 Project". The New York Times (20 december 2019).
- 1 2 Harris, Leslie M. "I Helped Fact-Check the 1619 Project. The Times Ignored Me.". Politico (6 moarte 2020).
- ↑ "Russia Slams NYT for 'Russophobia' Following Pulitzer Prize Win". The Moscow Times (5 meie 2020).
- ↑ Bozell, Brent. "Pulitzers' liberal legacy". Pittsburgh Tribune-Review (22 april 2007).
- ↑ Hagey, Keach. "Kathleen Parker: 'Smallish-town girl' hits cable". Politico (4 oktober 2010).
- ↑ Theroux, Alexander. "Einstein's Beets". Fantagraphics Books (2017), p. 328. ISBN 978-1-60699-976-9.
- ↑ Volz, Yong Z.; Lee, Francis LF. "Who wins the Pulitzer Prize in international reporting? Cumulative advantage and social stratification in journalism". Journalism 14 (5): 587–605. (30 ogustus 2012). DOI:10.1177/1464884912455905.
- ↑ "Female Pulitzer Prize winners require higher qualifications, study finds". Phys.org / University of Missouri (18 oktober 2012).
Algemêne bronn'n
[bewerkn | brontekst bewerken]- Auxier, George W. (Moarte 1940). "Middle Western Newspapers and the Spanish–American War, 1895–1898". Mississippi Valley Historical Review, 26 (4): 523–534. Organization of American Historians. DOI:10.2307/1896320.
Externe koppeliengn
[bewerkn | brontekst bewerken]- Officiële website
- Pulitzer Prizes Collection, 1917–2017 an de Columbia University – Rare Book and Manuscript Library
- Writers of African Descent to Win Pulitzer Prizes (includes Finalists) – African American Literature Book Club
- BIPOC Pulitzer Prize Winners