Riot.im

Van Wikipedia
Naar navigatie springen Naar zoeken springen

Riot.im is e chatprogramma gebaseerd ip ’t Matrix-protocol en wordt uutgegeevn ounder d’Apache-licensje 2.0, e vryesoftwarelicensje. Met da Riot ’t gefedereerd Matrix-protocol gebruukt, kut de gebruker kiezn welke server da t’n wilt gebruukn.

Riot oundersteunt ook end-tout-end-versloterienge, groepn, kanoaln en bestandn deeln met andere gebrukers.[1] J’en è geen telefongnummer nodig vo je te registreern.[2] Riot is beschikboar as e webtoepassienge, as a geweun programma vo Windows, MacOS en Linux en as een app vo Android en iOS.[3] D’ountwikkelienge is vo ’t grotste deel in handn van ’t bedryf New Vector Limited,[4] dat ook vele werkt an d’ountwikkelienge van ’t Matrix-protocol zelve.[5]

Technologie[bewerkn | brontekst bewerken]

Riot.im is gemakt met de Matrix React SDK,[6] een ip React gebaseerde softwareountwikkeliengskit vo d’ountwikkelienge van Matrix-cliëntn gemakkeliker te moakn. Riot.im is voor e grot stik gebouwd ip webtechnologieën en makt ook gebruuk van Electron, e softwareroamwerk vo bureaubladtoepassiengn te moakn an d’hand va webtoepassiengn, vo de programma’s vo Windows, MacOS en Linux. D’apps vo Android en iOS wordn ontwikkeld me ’t specifiek gereedschap voun hunder platforms.

Ip Android is den app beschikboar in de Google Play Store[7] en F-Droid.[8] De versie van F-Droid èt e poar anpassiengn en èt bevoorbeeld geen propriëtaire plug-in vo Google Cloud Messaging.

Historiek[bewerkn | brontekst bewerken]

Toen dan ze juste begostn met d’ountwikkelienge noemdege Riot.im nog Vector,[9] mo vanaf da ’t in juli van 2016 nie mi in bètaversie was èn ze ’t hernoemd.[10] ’t Zelfste joar is ook den app hernoemd noa Riot.[11] Ton in november wierd d’eerste implementoasje van d’end-tout-endversloterienge van Matrix geïmplementeerd en in betàversie vo de gebrukers beschikboar gemakt.[12]

West-Vlams[bewerkn | brontekst bewerken]

Riot is gehelegans vertoald gewist in ’t West-Vlams. A je ’t e ki wilt probeern, moe je geweune in de lyste van toaln klikkn ip ‘West-Vlaams’, ton goa je der allichte entwa meer van verstoan of van ol da computer-Iengels.

Externe koppeliengn[bewerkn | brontekst bewerken]

Referensjes[bewerkn | brontekst bewerken]

  1. https://directory.fsf.org/wiki/Riot.im
  2. https://about.riot.im/
  3. https://about.riot.im/%7C
  4. http://vector.im/#products-services
  5. https://techcrunch.com/2016/09/19/riot-wants-to-be-like-slack-but-with-the-flexibility-of-an-underlying-open-source-platform/
  6. https://github.com/vector-im/riot-web#riot
  7. https://play.google.com/store/apps/details?id=im.vector.alpha
  8. https://f-droid.org/de/packages/im.vector.alpha
  9. https://directory.fsf.org/wiki/Riot.im
  10. https://medium.com/@RiotChat/say-hello-to-vector-2d33b23a787
  11. https://medium.com/@RiotChat/lets-riot-f5b0aa99dc8e
  12. https://medium.com/@RiotChat/exciting-new-riot-release-get-ready-for-chatting-securely-acc93ecfe0a