Naar inhoud springen

Roblox

Van Wikipedia
Roblox
't Loho von Roblox
Logo sedert 2022
Ountwikkeloare Roblox Corporation
Uutgever Roblox Corporation
Ountwerpers David Baszucki
Erik Cassel
Platformn Windows
macOS
iOS
Android
Xbox One
Meta Quest 2
Meta Quest Pro
PlayStation 4
Release
1 september 2006
Windows: 1 sept 2006
iOS: 11 dec 2012
Android: 16 juli 2014
Xbox One: 20 nov 2015
Meta Quest 2, Quest Pro: Sep 2023
PS4: 10 okt 2023
Genre Spelountwerpsystêem, Massoal online spel vo mêerdere spelers
Modus Singleplayer, Multiplayer

Roblox (/ˈroʊ.blɒks/ ⓘ, ROH-bloks) is e online spelplatform en spelountwerpsystêem ountwikkeld deur Roblox Corporation da gebrukers in stoat stelt vo speln te programmeern en speln te speeln die deur underzelve of andere gebrukers gemakt zyn. 't Wierd in 2004 gemakt deur David Baszucki en Erik Cassel, en is in 2006 vo 't grôot publiek uutgebrocht. Teegn februoari 2025 meldde 't platform e gemiddelde van 85,3 miljoen dageliks actieve gebrukers. Volgens 't bedryf bestoat under moandelikse spelersboasis uut den helft van ol d' Amerikoansche kienders ounder de 16 joar.

't Platform host miljoenn speln die deur gebrukers gemakt zyn (sedert 2021 officieel "ervoariengn" of "experiences" genoemd), ollemolle gemakt met e dialect van de programmeertoale Lua en de game engine van 't platform, Roblox Studio. Olwel da Roblox grotis te speeln is, zyn der in-game ankoopn meugelik via de virtuele munte gekend lik "Robux", en spelountwikkeloars ip 't platform kunn stikkn moakn die Robux kostn. Doarboovnip et 't platform e grôte virtuele economie round die stikkn en Robux. Via 't "Developer Exchange"-programma van 't platform kunn moakers under verdiende Robux omwisseln vo echt geld. 't Platform is ook ol gebruukt vo virtuele concertn en evenementn te houdn, juuste lik recloamespeln.

Olwel da Roblox klêne begost—zowel in 't antal spelers of lik bedryf—begost het in den twiddn helft van de joarn 2010 zêre te groein. Die groei wierd nog versneld deur de COVID-19-pandemie. Teegn 2020 woarn der mêer of 5.000 speln ip Roblox ol mêer of e miljoen kêers gespeeld, en mêer of 20 woarn ol mêer of e miljard kêers gespeeld. Olwel da de beoordêeliengn van critici positief woarn, et 't ook zwoare kritiek gekreegn ip zyn contentmoderuoatie, vanwege de grôte oeveelheid sexueel of politiek extremistisch materioal ip 't platform. 't Is ook bekritiseerd vo de beweerde uutbuutiengspraktykn tegenover kienders en microtransacties. 't Platform is beperkt of hêlegans geblokkeerd in verschillige landn, woarounder China, Rusland, Turkeye, en Irak.

Overzichte

[bewerk'n | brontekst bewerken]
't App-icoontje van Roblox sedert 2025

Roblox is e online spelplatform en spelountwerpsystêem da gebouwd is round content gemakt deur gebrukers en speln,[1][2] die officieel "ervoariengn" of "experiences" genoemd wordn.[3] Speln kunn deur eender wien gemakt wordn via de game engine van 't platform, Roblox Studio,[4] en doarnoa gedêeld wordn met en gespeeld wordn deur andere spelers.[1] De speln ip Roblox variëren in genre, van rollnspeln (RPG's) toet speln woarin da je moet ountsnappn uut 't prison, ounder andere.[5] 't Platform is gemakt vo e familievriendelik publiek an te trekkn, en is ol beschreevn lik e Massoal online spel vo mêerdere spelers (MMO).[6]

Olwel da Roblox grotis te speeln is, et 't e virtuele munte gekend lik "Robux" die gekocht kan wordn met echt geld. Robux kunn gebruukt wordn vo virtuele stikkn (items) te koopn die de speler kan gebruukn ip zyn virtueel personoage (of "avatar") ip 't platform, of vo toegang te krygn toet ervoariengn woarvoôrn da j' moet betoaln.[1] Juuste lik by de speln, zyn avatar-stikkn ip Roblox surtout gemakt deur gebrukers,[7] ol woarn de mêeste stikkn ip 't platform vo 't grotste dêel van de geschiedenisse deur Roblox zelve gemakt.[8] Via 't "Developer Exchange"-programma van 't platform kunn moakers ip 't platform under verdiende Robux omwisseln vo echt geld.[9] Doarboovnip et Roblox e moandelikse service die "Roblox Premium" noemt. Abonnees doavan krygn toegang toet mêer functies ip 't platform en e moandeliksn uutkêerienge van Robux.[1]

Virtuele economie

[bewerk'n | brontekst bewerken]
't Loho van de virtuele munte "Robux"

Roblox et e grôte virtuele economie round Robux, zyn virtuele munte.[10][11] De munte stelt gebrukers in stoat vo virtuele stikkn te koopn, te verkôopn en te moakn.[7] Roblox et ook e service die "Roblox Premium" noemt, e moandeliks abonnement dat de gebrukers e moandeliksn uutkêerienge van Robux gift (woavan da 't bedrag afhangt van 't gekoozn abonnement), kortiengn by 't koopn van stikkn, mêer Robux per ankoop, en toegang toet 't ruilsystêem vo stikkn.[1][12]

Juuste lik by de speln, zyn vele stikkn ip Roblox gemakt deur gebrukers.[8][10] Ol kostn allêene Roblox-ountwikkeloars in 't begun avatar-stikkn moakn,[8] de meugelikheedn vo content gemakt deur gebrukers zyn in de loop van den tyd stief uutgebreid.[13] Sedert 2019 et e selecte groep gebrukers de meugelikheid gekreegn vo avatar-accessoires, animoaties,[8] bundels en mêer te publiceren.[10][14][13] Sommige stikkn ip Roblox en e "limited" (beperkte) stoatus. Doavan zyn der moar e poar beschikbaar en de prys wordt bepoald deur vroage en anbod in plekke van e vaste prys. Die stikkn werkn bykan lik NFT's. De pryzn van limited stikkn variëren, woaby da de mêest weirdemolle miljoenn Robux kostn.[15] Achter da d' ôorsprounkelike vôorraad van da stik up is, kunn spelers under vodder verkôopn vo 'n ogere prys. Doarboovnip kunn gebrukers met e actief Roblox Premium-abonnement under limiteds ounder mekoar ruiln.[16] Limited stikkn die gemakt zyn deur de gemêenschap kunn nie geruild wordn, die functie is beperkt toet officiële stikkn.[17]

Ountwikkeloars ip 't platform kunn ankoopboare content moakn via eenmoalige ankoopn.[18] Via 't "Developer Exchange"-programma van Roblox kunn gebrukers under verdiende Robux omwisseln vo echt geld,[19] zolange da ze minstens 30.000 Robux en.[9] In 2020 meldde Roblox da ruwweg 345.000 spelountwikkeloars ip 't platform geld verdiend adn via 't programma.[7][20] Moakers van avatar-stikkn kunn ook winste moakn ip 't platform, woaby da sommige menschn stikkn ountwerpn ols under voltydse job. 't Is gemeld da de mêest verdienende moakers mêer of $100.000 per joar verdiend en an de verkoop van stikkn.[21]

Der is e grôot antal scams (iplehteryen) ip Roblox, die mêestal droain round berichtn die recloame moakn vo websites en speln die gemakt zyn om 't te doen lykn alsof ze grotis Robux weggeevn.[22] Doarboovnip zyn der menschn in de gemêenschap gekend lik "beamers" die Roblox-accounts kraakn (Computermisdoad) om under stikkn te steln en te verkôopn ip de zwarte mart van 't platform. Ze gebruukn verschillige techniekn, lik 't moakn van phishing websites of 't uutviendn van listn om e sessietoken van e slachtoffer te bemachtign.[23] E ki da ze toegang en toet 't account van 't slachtoffer, steln die "beamers" weirdevolle limited stikkn van under slachtoffers en verkôopn z' achterof vo echt geld of cryptomunte via mart-websites of Discord chatruumtes. De slang-term "beaming" wordt vele gebruukt om da hêle proces ip Roblox te beschryvn. Roblox biedt slachtoffers van hackers wel e "rollback" an vo under stikkn were te krygn, ol wordt da moar êne ki per account angeboodn.[24]

Roblox Studio en spelountwerp

[bewerk'n | brontekst bewerken]

Roblox Studio is de game engine van 't platform[25] en de software vo speln t' ountwikkeln.[26][27] Den engine en ol de speln gemakt ip Roblox gebruukn surtout Luau,[28] e dialect van de programmeertoale Lua 5.1.[29] Sedert november 2021 is de programmeertoale open-source gemakt ounder de MIT-licensje.[28][30] Sommige dêeln van den engine zyn gemakt in C++.[31] Vô t' helpn by 't moakn van speln, et Roblox Studio verschillige vôoraf gemakte platsn (templates) die gebrukers kunn anpassn.[26]

In 2020 meldde Roblox da mêer of 2 miljoen ountwikkeloars Roblox Studio gebruuktn vô mêer of 20 miljoen speln per joar te moakn. Ze zeidn ook da de mêerderheid van d' ountwikkeloars mienderjoarign woarn.[7][20]

Speln

[bewerk'n | brontekst bewerken]

Zie ôok: Lyste van Roblox-speln

Omdat 't e platform is woar ip da gebrukers under eign speln moakn, et Roblox e grôte variëteit an populaire speln; teegn juli 2020 woarn der ol minstens 20 speln mêer of e miljard kêers gespeeld, en minstens 5.000 speln woarn mêer of e miljoen kêers gespeeld.[32] De speln ip Roblox variëren stief in genre,[5] en de content van die speln et invloed ip de leeftydsbeoordêelienge.[33] Die categorieën zyn verdêeld in verschillige leeftydsgroepn: ollemolle (everyone), en spelers ouwer of 9, 13, of 17 joar.[34] Speln die beperkt zyn toet spelers ouwer of 17 joar vereisn e ID-verificoatie vo toegang te krygn.[34]

TechCrunch merkte in moarte 2021 ip da Roblox-speln over 't algemêen stief verschilln van de vaste tradiesjes in free-to-play (groatis-te-speln) computerspeln. Ze voundn da succesvolle Roblox-speln gericht zyn ip onmiddellike voldoenienge, en da 't toevoegn van tutorials (handleidiengn) de betrokknheid van de speler serieus verminderde, wa da hêlegans teegn d' algemêne ipvattingn over free-to-play speln ingoat.[35] Vele bedryvn en Roblox ol gebruukt vo recloamespeln te hostn om under productn te promotn.[36][37][38]

Communicoatie en leeftydsinschattiengn

[bewerk'n | brontekst bewerken]

Roblox lat spelers toe vo met mekoar te communiceern ip verschillige maniern, lik via in-game chat en directe berichtn.[39] sproakchat is ook bruukboar vo spelers ouwer of 13 joar die under leeftyd geverifieerd en.[40] Spelers kunn ook by 'gemêenschappn' (communities, vroeger gekend lik Groepn) goan, woar da gebrukers berichtn kunn zendn in een omgevienge die trekt ip een internetforum.[41] Spelers kunn andere gebrukers toevoegn lik moatn (officieel gekend lik "connecties" of "connections" sedert 2025). Een extra 'niveau' van da systêem, gekend lik "Trusted Connections" (Vertrouwde Connecties), lat gebrukers toe vo oungefilterde chatberichtn en persôonlikke informoatie noar mekoar te zendn. Ot êen van de gebrukers ouwer is of 18 binst dat den andern tusschn de 13 en 17 is, ton moetn beide partyen bewyzn da ze mekoar in 't echt kenn. Da wordt gedoan deur ofwel weerskantig e QR-code te scann, of under telefooncontactn t' importeern.[42][43]

Gebrukers kunn allêene met mekoar communiceern achter da ze een leeftydscontrole doen, wa da gebeurt via ofwel e controle van under identiteitskoarte of deur e video van underzelve te loatn analyseern deur software vo leeftydsinschattienge.[44][45] Communicoatie is vodder beperkt om ollêne gebrukers in vergelykboare leeftydsgroepn toe te loatn met mekoar te communiceern. Byvôorbeeld, e gebruker die twolve joar oud is, kan ollêne communiceern me gebrukers van 9 toet 15 joar.[44] Leeftydsverificoatie en inschattiengn wordn ofg'andeld via Persona, e derde party die software vo leeftydscontrole anbiedt. Olwel da d' inschattienge van de leeftyd kan leidn toet e verkêerde toewyzienge van e leeftydsgroep, kan de gebruker zyn ID ipgeevn om zyn leeftyd handmoatig te corrigeern.[46]

Geschiedenisse en ountwikkelienge

[bewerk'n | brontekst bewerken]

2004–2009: Oprichtienge en vroege geschiedenisse

[bewerk'n | brontekst bewerken]
Mede-oprichter en udihe CEO van Roblox, David Baszucki, in 2025

Roblox wierd in 2004 gemakt deur mede-oprichters en software-ingenieurs David Baszucki en Erik Cassel. Vôorn de creatie van 't platform werktn zowel Baszucki ols Cassel vo Knowledge Revolution, e bedryf da gespecialiseerd was in 't moakn van educatieve en fysica-simuloatiesoftware. Achter da Knowledge Revolution overgepakt wierd deur MSC Software, verlietn de twêe 't bedryf en begost Baszucki t' investeern in vroege sociale media-sites lik Friendster. Round dien tyd kwam Baszucki met 't idee van e fysica-sandbox met ountwerpinstrumentn en e sociaal netwerk-aspect. Baszucki en Cassel begostn kort doarp met d' ountwikkelienge van Roblox, gebaseerd ip Baszucki zyn visie, en richtn ook de Roblox Corporation ip. In 't begun van d' ountwikkelienge was Roblox gekend lik "DynaBlocks". 't Wierd ol zêre in 't ountwikkelingsproces bepoald da ze Roblox vullêdig zoudn loatn ofhangn van content gemakt deur gebrukers, woaby da ze allêene d' instrumentn anreiktn die nôdig woarn vo menschn om speln t' ountwikkeln, tegoare met de serverhostienge loater in d' ountwikkelienge.[2]

Baszucki en Cassel werktn allêene binst 't moakn van de vroege versies van Roblox, en ze maktn under eign speln ip 't platform vôorn da d' ountwerpinstrumentn hêlegans kloar woarn. Die vroege versies van Roblox woarn stief simpel; de avatars van de spelers woarn nog nie g'animeerd en verschillige functies woarn allêene moar in under mêest simpele vorm anwezig. Ze maktn ook recloame vo Roblox ip e poar websites, wa der toe leidde da e poar dozyn spelers by 't platform kwamn lik playtesters (proefspelers). Midden 2006 wierdn d' êeste twêe werknemers angenomen die nie Cassel of Baszucki noemdn, om te werkn an d' andere functies van 't platform. Die werknemers woarn Matt Dusek en John Shedletsky, woaby da Dusek verantwoordelik was vo te werkn an de communicoatie-aspectn van 't platform.[2]

Roblox wierd officieel uutgebrocht ip 1 september 2006,[47] en Roblox Studio kwam dazelfde joar beschikbaar. Speln die in 't begun van de geschiedenisse van 't platform deur de gemêenschap wierdn gemakt, woarn ounder andere paintball-speln, spookuuzn en modeltrings woar da spelers in kostn ryen. In 2008 stopte de Roblox Corporation met 't actief moakn van under eign speln om de meugelikheedn van 't platform te toogn, en wierdn ze vullêdig afhankelik van speln gemakt deur gebrukers.[2] In 2007 introduceerde Roblox 't "Builders Club"-abonnement. Da liet gebrukers toe vo mêer speln te moakn ounder under account, virtuele klêern te verkôopn, externe recloame van de site te oaln en dageliks Robux te krygn.[48] Loater voegdn ze nog twêe extra niveaus toe: Turbo Builders Club en Outrageous Builders Club.[12] Vroeg in de geschiedenisse ad 't platform twêe aparte muntn: Robux en Tickets, woaby da die latste vele "Tix" wierd genoemd.[49]

2010–2015: Vroege groei

[bewerk'n | brontekst bewerken]

2004
2004–2005

2005–2006
2006–2015

2015–2017
2017–2018

2018–2022
2022–nu
Evolutie van 't Roblox-loho[50]

De groei van Roblox gienk vodder in 2010 en de joarn doarp. Teegn ogustus 2011 ad Roblox oungevêer 6,8 miljoen actieve moandelikse gebrukers, woamee da 't de ip êen noa populairste entertainment-site vo kienders wierd. De winst bleef ook stygn; de winst van 't platform lag da joar 75% oger of in 2010;[51] in juni 2011 hield 't bedryf e fondsnwervienge die mêer of $4 miljoen ipbracht.[52] Teegn januoari 2014 was 't moandelikse antal spelers van 't platform gestegen noar 10 toet 12 miljoen, ol ad de mêerderheid van die spelers gin geregistreerd account en speeldn ze in de plekke doarvan lik "gaste" (guests).[53]

Ip da moment in de geschiedenisse van 't platform woarn der ol verschillige speln miljoenn kêers gespeeld. Êen van de mêest succesvolle moakers ip 't platform was toen Luke Weber, ip Roblox gekend lik "Stickmasterluke", die mêer of tien miljoen plays ad in ol zyn speln tegoare.[51] In ogustus 2011 wierd d' êeste fysieke conventie round Roblox, gekend lik de Roblox Rally, gehouden in San Francisco.[54] Der woarn mêer of 1.000 menschn anwezig.[51] In 2013 stierf de mede-oprichter van 't platform, Cassel, an kanker.[2]

Binst 2012 wierdn der versies van Roblox ountwikkeld vo mobiele toestelln. Teegn meie adn ze ol een uutgeklêde versie van 't platform uutgebrocht vo iOS die allêene de sociale functies bevatte, moar woarip da gebrukers gin speln kostn speeln. E versie van 't spel vo macOS was teegn dien tyd ook ol uutgebrocht. Ip 11 december van da joar wierd e vulweiridge versie van Roblox vo iOS uutgebrocht woamee da gebrukers wel speln kostn speeln,[55] ol kostn ze Roblox Studio nie gebruukn. Achter 't ofwerken van de iOS-versie begost Roblox te kykn noar 't uutbriengn van e versie vo Android-toestelln, juuste lik vo spelconsoles.[56] De versie vo Android wierd ip 16 juli 2014 uutgebrocht.[57] E versie van Roblox vo Xbox One wierd in september 2015 angekondigd en uutgebrocht ip 20 november.[58] Die versie kwam êest uut met e selectie van 15 speln gekoozn deur 't Roblox-personeel, vanwege zörgn round de standoardn van de Entertainment Software Rating Board. Loater wierd een systêem gelanceerd da gebrukers in stoat stelde vo under speln ip 't platform te publiceren ip basis van een goedkeuriengsproces.[59]

Van 2013 toet 2014 brocht Roblox verschillige updates uut vo under ountwikkelingsinstrumentn, woaby da der nieuwe functies wierdn toegevoegd.[6] Êen van die nieuwe functies was 't Developer Exchange-programma,[6][60] da in 't begun ollêne uutbetoaliengn toet $500 toeliet.[53] Andere updates die in dien tyd wierdn uutgebrocht woarn ounder andere oundersteunienge vo karakteranimoaties, Roblox Studio-plugins, en Developer Stats, e functie die ountwikkeloars verschillige statistiekn over under speln tôogde, lik oevele menschn under spel speeldn en vo oe lange.[6] In meie 2015 brocht Roblox een update uut die zyn fysica-engine anpaste om soepelder en realistischer te zyn, in plekke van ip blokkn gebaseerd te zyn. Da ging ook gepoard me e functie die Smooth Terrain (vloeiend terrein) noemde, wa da de grafische kwaliteit van 't in-game terrein verbeterde.[61]

2016–2020: Versneldn groei en COVID-19

[bewerk'n | brontekst bewerken]

In den twiddn helft van de joarn 2010 begost Roblox stief zêre te groein in populariteit. Teegn december 2016 ad 't platform oungevêer 30 miljoen moandeliks actieve gebrukers, e getal dat teegn april 2019 was gestegen noar 90 miljoen.[2] De groei van 't platform wierd vodder versneld deur de COVID-19-pandemie vanaf 2020, woaby da lockdowns der toe leiddn da tientalln miljoenn kienders Roblox begostn te gebruukn lik e middel vo te communiceern.[62][63] Tusschn moarte en april meldde Roblox da ze mêer of 120 miljoen moandeliks actieve spelers adn. 't Bedryf zei da dit ip da moment mêer of den helft van ol de kienders in de Verênigde Stoatn ounder de 16 joar omvatte.[62] Doarboovnip was 't gemiddeld antal dageliks actieve spelers in 2020 met 85% gestegen vergeleekn met 2019.[64] Ip da moment woarn ol mêer of 20 speln mêer of e miljard kêers gespeeld, en minstens 5.000 woarn mêer of e miljoen kêers gespeeld.[32] 't Mêest populaire spel ip 't platform round dien tyd was 't rollnspel Adopt Me!, dat teegn juli 2020 mêer of 10 miljard kêers was gespeeld en e platformrecord ad gezet van mêer of 1,6 miljoen gebrukers die tegelykertyd online woarn.[65]

Vanwege de nieuwe populariteit en 't gebruuk binst de lockdowns, introduceerde Roblox e nieuw "Party Place"-systêem. Dat woarn specifieke ruumtes die spelers kostn gebruukn om meetups en evenementn t' organiseern, lik virtuele concertn.[62] Round dien tyd begost Roblox vodder te werkn an e visie die Baszucki beschrêef lik een 30-joarig plan woaby da gebrukers e "vulweiridge digitale identiteit" en in een omgevienge lik Roblox.[2] In juli 2020 kondigde Baszucki officieel plann en doeln an vo Roblox-ountwikkeloars en gebrukers om e "metaverse" te bouwn, e concept da verwyst noar verschillige an mekoar gekoppelde virtuele weireldn. Ols stik van die plann wierdn verschillige andere functies angekondigd die moakers mêer vryheid zoudn geevn in under werk, in de hoope om under mêer "immersief" te moakn en de soamenwerkienge tusschn ountwikkeloars makkeliker te moakn. Functies die round dien tyd wierdn geïntroduceerd woarn ounder andere Developer Events, e service woamee moakers in-game evenementn kostn moakn en beêern, en gebrukers die evenementn makkelik kostn ountdekkn. J' ankondigde ook e soamenwerkienge an tusschn Roblox en 't ploatenlabel Monstercat, wa gebrukers en moakers de meugelikheid gaf om under catalogus in speln te gebruukn.[65] In ogustus 2019 begost Roblox bepoalde gebrukers toe te loatn om under eign accessoires t' uploadn, e service die loater wierd uutgebreid met verschillige andere sôortn accessoires.[8]

Round dien tyd optimaliseerde Roblox de maniere woarip da zyn verschillige versies in de loop van 3 joar wierdn ountwikkeld. Ze bereiktn e punt woarip der moar e minimum an ingenieurs nôdig was om de platformn woarip 't beschikbaar was t' ounderhoudn, en ol de versies werktn via dezelfste API's.[2] In april 2016 wierd Roblox beschikbaar vo Oculus Rift, tegoare met e reekse 'quality-of-life' functies die speciaal vo da platform woarn gemakt. 't Bedryf uutte ook interesse om Roblox in de toekomst noar andere virtual reality-toestelln te briengn.[66] In juni van da joar brocht 't bedryf ook een speciale app uut vo Windows 10.[67] Der wierd ook moeite gedoan om Roblox toegankeliker te moakn, woaby da der automatische vertaliengssoftware wierd toegevoegd an d' in-game chat in 2020, met in 't begun oundersteunienge vo 9 toaln.[65] In 2019 têekende de Roblox Corporation e soamenwerkiengsoverêenkomst met Tencent om Roblox noar China te briengn,[68] en krêeg toestemmienge om 't ip 3 december 2020 in die regio uut te briengn.[69]

Binst die periode wierdn verschillige functies van 't platform verwyderd. In 2016 stopte Roblox met zyn twidde munte, "Tickets", woardeure Robux de ênigste munte van 't platform wierd. 't Wierd verwyderd omdat 't bedryf docht da nieuwere spelers in de war zoudn groakn deur de anwezigheid van twêe aparte muntn.[49] In oktober 2017 verwyderde Roblox de meugelikheid om ols "gaste" (guest) te speeln, een optie woamee da gebrukers speln ip 't platform kostn speeln zounder een account te moetn gebruukn.[70] Dazelfde joar stopte Roblox om een ounbekende redn met zyn officiële spelersforums.[71] Doarboovnip brocht Roblox in 2019 Roblox Premium uut, da de vôorgoande Builders Club-abonnementn verving.[12]

2021–2025: Beursgank en platform

[bewerk'n | brontekst bewerken]

De groei van Roblox, zowel ols platform en ols bedryf, gienk vodder in 2021 en de joarn doarp.[72][73][74] In moarte 2021 gienk de Roblox Corporation noar de beurs en wierd gewoardeerd ip $45 miljard.[73] In gans 2021 ad Roblox gemiddeld 45,5 miljoen dageliks actieve gebrukers, e stygieng van 40% vergeleekn met 't ende van 2020.[72] In 2023 brocht Roblox ip 27 juli publieke bètaversies van 't platform uut vo Quest 2 en Meta Quest Pro, met de vulweiridge versies in september.[75] Tegelykertyd wierd e poorte van Roblox noar de PlayStation 4 angekondigd,[76] en loater uutgebrocht ip 10 oktober.[77] 't Is ook speelboar ip de PlayStation 5 via backward compatibility.[78] In 2021 zörhde Roblox derveurn da speln ip 't platform "experiences" (ervoariengn) genoemd wierdn achter de betrokknheid van 't platform in de Epic Games v. Apple-rechtzoake.[79] In juni van da joar wierd Roblox anhekloagd deur de National Music Publishers' Association (NMPA). Ze beweerdn da 't platform gebrukers toeliet vo auteursrechtelik beschermde muziek t' uploadn zounder juste licensjes, en da kienders doardeur dochtn da 't kopiëren van muziek anveirdboar was.[80] De rechtzoake wierd in september loatn volln, woaby da de Roblox Corporation en de NMPA e soamenwerkienge vormdn om e koader ip te zettn vo toekomstige soamenwerkiengn met uutgevers.[81]

Achter da ze lates 2020 toestemmienge adn gekreegn, wierd Roblox in juli 2021 in China uutgebrocht.[82] Die versie van 't platform, officieel gekend lik LuoBu,[83] wierd uutgebrocht en beheerd deur Tencent,[82] en wierd zwoar beperkt vanwege de Chinese regels round computerspeln.[84] LuoBu slaagde der nie in om deftig te groein binst zyn geschiedenisse, en kost bykan gin winst moakn.[84] In januoari 2022 wierd LuoBu stopgezet. Roblox verkloarde da ze de release giengn herountwikkeln, en da LuoBu assan moar bedoeld was lik e testversie.[82] In juli van da joar lekten der documentn van bedryfspresentoaties uut 2017 online deur een ounbekende hacker. Uut die documentn bleek da de Roblox Corporation van plan was om weireldwyd verschillige veranderiengn an 't platform an te briengn om te voldoen an de Chinese internetcensuurwettn, en da ze vôorn 't stopzettn van de presentoaties schrik adn da Tencent 't platform zou kraakn om e concurrent te moakn.[85]

Roblox zyn businessmodel is round dien tyd bluuvn droain round 't moakn van e metaverse en 't probeern te vergrotn van d' antrekkingskracht van 't platform.[86][87][88] In 2021 gaf Baszucki vodder uutleg over de visie van 't bedryf om van Roblox e metaverse te moakn, woaby da j' "acht verschillige kenmerkn" benoadrukte woarip da 't platform zou focussn. J' ad et ook over de boekn Ready Player One en Ready Player Two lik inspiroatie vo d' ideeën van 't bedryf.[86] Functies die round dien tyd an Roblox wierdn toegevoegd woarn ounder andere sproakchat[89] vo gebrukers ouwer of 13 joar van wien da de leeftyd geverifieerd was via ID.[40] Voicechat wierd gevolgd deur gezichtsanimuoaties gebaseerd ip real-world motion tracking van 't gezicht van de speler, wa da in 2022 wierd angekondigd[33] en in 2023 uutgebrocht.[90] In moarte 2024 wierdn der twêe generatieve AI-instrumentn an Roblox Studio toegevoegd in e pogienge om 't moakn van content te versnelln. Die instrumentn dienden vo 't automatisch anpassn van avatars en 't genereern van textuurn, woaby d' êeste automatisch driedimensionoale lichoamen in live-g'animeerde avatars kost omzettn en de twidde textuurn van objectn makte ip basis van een tekst-naar-ofbeeldienge model.[91][92]

Ook wierdn der in 2022 leeftydsbeoordêeliengn vo speln angekondigd,[33] een systêem da deur 't bedryf was gemakt om d' antrekkingskracht van 't platform by joungvolwassenn te vergrotn. Da was de rapst groeiende demografische groep ip Roblox, doardeure da der mêer vulwassn ervoariengn toegeloatn wierdn.[93] In 't begun was den ôogste beoordêelienge die speln kostn krygn 13+,[34] moar in juni 2023 wierd een 17+ beoordêelienge geïntroduceerd woamee da speln mêer expliciet geweld, romantische thema's en alcoholgebruuk mochtn toogn.[94] Dazelfste dee Roblox in november 2024, ot het zyn systêem vo ouderlik toezicht vernieuwde en nieuwe veiligheidsmoatregeln toevoegde vo gebrukers ounder de 13 joar, lik schermtyd en d' optie of e kiend privéberichtn me andere gebrukers mag uutwisseln, en ouders de meugelikheid gaf om aparte accounts an te moakn om 't account van under kiend te beêern.[95][96][97]

2026–nu

[bewerk'n | brontekst bewerken]

Beginnend met bepoalde landn in december 2025 en weireldwyd in januoari 2026, makte Roblox leeftydsverificoatie verplicht om ip eender wukke maniere ip 't platform te communiceern.[98][44][45] Die veranderiengn kwamn der achter da Roblox te moakn krêeg me verschillige rechtzoakn round beweerde probleemn me kienderveiligheid ip 't platform.[99]

Gemêenschap en cultuur

[bewerk'n | brontekst bewerken]

Teegn februoari 2025 ad Roblox mêer of 85,3 miljoen dageliks actieve gebrukers gemeld.[100] Volgens 't bedryf bestoat de moandelikse spelersbasis vo den helft uut ol d' Amerikoansche kienders ounder de 16 joar.[7][62][101] Neviëst de traditionele speln, host 't platform ook sociale hangouts;[102] spelers en 't platform gebruukt vo polletiek activisme t' uutn, woaby da sommigte gebrukers under steun uutspraakn vo de George Floyd-protestn en Black Lives Matter,[103] en andern 't platform gebruuktn vo activiteitn t' organiseern die gepauzeerd woarn deur COVID-19 lockdowns, lik religieuze processies.[104] Roblox zyn origineel geluudseffect vo wanêer dat e karakter dôodgoat, vele uutgeschreevn en benoemd lik 't "oof"-geluud, wierd e populaire internetmeme.[105] 't Geluud was ôorsprounkelik gemakt vo 't computerspel Messiah (2000), en 't wierd in 2022 vervangn achter da Roblox en de moaker van 't geluud in een auteursrechtelik conflict belandn.[106][107] In juli 2025 wierd 't geluudseffect officieel were by Roblox gevoegd, achter da ze de rechtn adn gekreegn om d' audio te gebruukn.[108] E muziekscene gebaseerd ip hyperpop, gekend lik "Robloxcore", wierd eind 2020 online populair achter da verschillige artiestn under muziek noar 't spel adn g'üpload.[109]

Merchandise

[bewerk'n | brontekst bewerken]

In januoari 2017 begost speelgoedmoaker Jazwares me 't moakn van officiële speelgoedfiguurtjes gebaseerd ip 't Roblox-platform.[110][111] De setjes bevattn e code die kost wordn ingewisseld vo virtuele vôorwerpn, juuste lik blinde deuzn die willekeurige figuurtjes bevattn.[112][113] In april 2021 brocht Hasbro Roblox-thema Nerf-geweern uut en e Roblox-versie van Monopoly.[114]

Evenementn

[bewerk'n | brontekst bewerken]

Roblox organiseert nu en ton fysieke en virtuele evenementn. In 't verleedn en ze evenementn g'hieldn lik BloxCon, e conventie vo geweune spelers ip 't platform,[115] moar ook virtuele poaseierzoektochtn,[116] Halloween-evenementn, "Giftsplosions", en ze hieldn ook een joarliks evenement gekend lik de "Bloxy Awards", e prysuytreikienge die ook diende lik fondsnwervienge. D' editie van 2020 van de Bloxy Awards, die virtueel ip 't platform wierd g'hieldn, trok 600.000 kykers.[117][118] In 2022 wierdn de "Bloxy Awards" omgedopt toet de "Roblox Innovation Awards".[119] De Roblox Corporation organiseert joarliks de Roblox Developers Conference, een driedoags evenement ollêne ip uutnôdigienge in San Francisco, woar da de beste moakers ip de site bygelêerd wordn over toekomstige veranderiengn an 't platform.[120] 't Bedryf et ook gelykoardige evenementn g'hieldn in steedn lik Londen.[121]

Gecertificeerde en anverwante evenementn

[bewerk'n | brontekst bewerken]

Roblox is somtyds betrokkn by evenementn om films te promotn, lik de deze die wierdn g'hieldn vo Wonder Woman 1984 en Aquaman.[122][123] Roblox et ook virtuele concertn georganiseerd, lik dat êne me Lil Nas X in d' ôofdrolle; binst da concert brocht Lil Nas X zyn liedje "Holiday" in première.[124][125][126] Loatere virtuele concertn woarn ounder andere me de Zweedse zangeres Zara Larsson[127] en d' Amerikoansche band Twenty One Pilots.[128][129] In oktober 2021 werkte Roblox soamen me Chipotle Mexican Grill om vo $1 miljoen an burrito's weg te geevn an d' êeste 30.000 menschn olle doagn, ols ounderdêel van Chipotle's "Halloween Boorito"-promotie.[130]

Ountvangste

[bewerk'n | brontekst bewerken]

Zie ôok: Kienderveiligheid ip Roblox

De kritische ountvangst van Roblox is over 't algemêen positief. Common Sense Media gaf Roblox 4 ip 5 sterrn en prees de variëteit an speln ip de website en de meugelikheid om creativiteit by kienders te stimuleern. Ze voundn wel da 't gedecentraliseerde karakter van 't platform betêeknde da de kwaliteit van de speln varieerde, en ze raaddn an om chatfuncties vo jounge spelers uut te schoakeln om meugelik schoadelikke interacties te vôorkommn.[131] Patricia E. Vance van 't Family Online Safety Institute adviseerde ouders om d' interacties van under kiend ip 't platform in d' oge t' houdn, moar prees 't platform omdat et "...kienders toelat om ip een zelfsturige maniere te speeln, t' ountdekkn, sociaal te zyn, te moakn en te lêern", met extra lof vo Roblox Studio omdat et kienders anmoedigt om spelountwikkelienge t' ervoarn.[132] Trusted Reviews prees in under overzichte van 't platform ook Roblox Studio en stelde: "vo idereen die zyn computeroardigheedn wil ountwikkeln of projectn wil moakn die direct feedback krygn van een enorm publiek, is d' antrekkingskracht dudelik".[133]

Roblox et ol verschillige kêers kritiek gekreegn vanwege de content die ip 't platform te viendn is,[134] in 't byzounder de anwezigheid van sexueel[135][136] of politiek extremistisch materioal.[137][138][139][140] Ook under chat- en spelfiltersystêem is negatief ountvangn.[141][142] Vôorbeeldn van sexuele of polletiek extreme content die binst de geschiedenisse ip 't platform is verscheenn, zyn ounder andere plekken me thema's round virtuele sexclubs en nachtclubs, die in 't algemêen "condo"-speln wordn genoemd,[135] en content gerelateerd an extreemrechtse ideologieën lik neofascisme en neonazisme.[138][140] Vôorbeeldn zyn speln woarip da spelers een rollenspel te speeln lik nazi's, of woarip da ze echte massamoordn lik de ansloagen in Christchurch,[140][138] 't bloedbad ip Columbine High School en de schietpartye in Uvalde noabootsn.[143] Om d' anwezigheid van die content teegn te goan, et Roblox mêer of 1.600 menschn in dienst die werkn om da materioal van 't platform te verwydern,[141] en 't biedt ook privacy-instelliengn en ouderlik toezicht an;[144] een ounderzoek in 2020 deur Fast Company wees uut da sexuele content vrêe vele vôorkwam ip Roblox en vergeleek de pogiengn om 't materioal te verwydern me e spelletje whack-a-mole.[145][146] 't Platform zag ook vele rapportn van seksueel roofdiergedrag noar kienders,[147][136] wa da een artikel van Bloomberg Businessweek in 2024 toeschreef an ountoereikende moderoatie die te vele zou steunn ip kunstmoatige intelligentie, en ook doardeure da gebrukers ip 't platform anoniem zyn.[136] Sinds januoari 2025 et de poliesje in de Verênigde Stoatn ten minste zesse menschn g'arresteerd die verdacht wordn van 't gebruuk van Roblox om kienders te viendn en seksueel uut te buutn, inclusief "'t dwiengn van minderjoarign om pornografie te moakn".[148] Ols reactie ip de vermeende moderoatieprobleemn zyn der gevolln gewist woarby da spelers "burgerwacht-groepn" en gevormd om massoal roofdier-content en -gebrukers ip 't platform te rapporteer'n.[149][150][151] Roblox et em uutgesprookn teegn 't bestoan van die groepn, en beweert da ze mêer kwoad of goed doen, byvôorbeeld deur roofdiern te lokkn deur under uut te geevn vo kienders. In ogustus 2025 stuurde Roblox e cease and desist-brief noar e YouTuber omdat em betrokkn zou gewist zyn by die burgerwachtn, wa da leidde toet brêde kritiek ip 't bedryf.[152][150][149]

Roblox zyn businessmodel et ook kritiek gekreegn, woaby da 't platform beschuldigd wierd van uutbutende praktykn die gericht zyn ip kienders;[153][154] Professor Jane Juffer an de Cornell University beschuldigde Roblox dervan da 't consumentisme by kienders stimuleert. Sommigte menschn voundn da 't platform et stief makkelik makte om microtransacties te doen, wa da leidde toet tal van gevolln woarby da kienders grôte sommn geld ip 't platform adn uutgegeevn zounder da d' ouders 't wistn.[155][156] In april 2022 diende de organisoatie Truth in Advertising een anklacht in teegn Roblox by de Federal Trade Commission vanwege misleidende recloame, hoofdzakelik vo 't nie vermeldn wanêer da der recloame anwezig is, lik by recloamespeln en merkambassadeurs.[36] Ols reactie verborgh Roblox vanaf moarte 2023 recloames vo gebrukers ounder de 13 joar.[157] Die beperkiengn gooldn echter nie vo recloamespeln, wa da leidde toet voddern kritiek van Truth in Advertising en 5Rights, een organisoatie vo digitale rechtn van kienders.[38] 't Ounderzoeksjournalistiek YouTube-kanoal People Make Games beschuldigde 't platform dervan joungere spelountwikkeloars "uut te buutn" deur under grôte sommn geld te beloovn vo 't moakn van speln, om doarachter grôte dêeln van d' ipkomstn in t' houdn woardeure da moakers winnig of gin inkomstn overhieldn. Ze vergeleekn 't businessmodel van 't platform met bedryfsgeld (company scrip). [153][154] Achter da Roblox 't kanoal vroeg om de video te verwydern, brocht People Make Games nog mêer beschuldigiengn uut an 't adres van Roblox. Die focustn ip een vermeend gebrek an toezicht ip ountwikkeloars en een maniere vo menschn om misbruuk van ountwikkeloars an te koartn, wa da der toe leidde da kiender-ountwikkeloars wierdn uutgebuut vo arbeid ip platformn van derde partyen. Ze bekritiseerdn ook de virtuele economie van 't platform en vergeleekn de beperkte mart vo verzoamelobjectn met gokkn.[71][158][159][160] Roblox is ook deur Hindenburg Research beschuldigd van 't kunstmoatig ipbloazn van under moandelikse actieve spelersantalln.[161]

Beperkiengn per land

[bewerk'n | brontekst bewerken]

Zie ôok: Censuur van Roblox en Kienderveiligheid ip Roblox

Koarte van Roblox-beperkiengn per land

Roblox is geblokkeerd of verboodn in verschillige landn: Algereye,[162] China,[163] Egypte,[164] Irak,[165] Nôord-Korea, Oman,[163] Palestina,[166] Qatar,[167] Rusland,[168] en Turkeye.[163] 't Was ook verboodn in de Verênigde Arabische Emiroatn van 2018 toet 2021.[169] Koeweit verbood 't spel kort van ogustus toet oktober 2025; 't land hief 't verbod ip achter da Roblox akkôord gienk om e reekse nieuwe veiligheids- en contentbeperkiengn in te voern die deur de Koeweitse autoriteitn woarn gevraagd.[170][171] De redens vo die verboodn verschilln: Turkeye verwees noar content die gokkn en seksueel kiendermisbruuk zou kunn bevordern,[172][147][173] binst da Qatar verwees noar zörgn over de veiligheid van kienders.[167] Rusland verbood 't platform vanwege 't promotn van "extremistisch materioal" en content gerelateerd an de LGBTQ-gemêenschap.[168] Nederland en België en bepoalde speln ip 't platform beperkt vanwege under wettn round in-game "lootboxn" , die vôorwerpn uutdêeln ip basis van willekeurige of ounbekende kanzn, om de blootstellienge van kienders an gokkn te vermindern.[174]

In februoari 2025 meldde Bloomberg News da Roblox ounder ounderzoek was deur de U.S. Securities and Exchange Commission vo ounbekende redens.[175][176] Loater da joar, in ogustus, vroeg Indonesië an Roblox om zyn chatfilters te versterkn om schoadelikke content te verwydern en de veiligheid van kienders te verbetern,[177] met de woarschuwing da 't nie noaleevn dervan zou kunn leidn toet e verbod.[178] Leedn van 't parlement van Bahrein begostn e wetsvôorstel ip te stelln om Roblox in 't land te verbiedn uut bezorgdheid over kienderveiligheid in 2025.[179]

Verschillige andere landn of regio's en woarschuwingn uutgegeevn an under bevolkienge over 't platform. Guatemala gaf in 2021 e woarschuwing an ouders.[180] De autoriteitn in de stad Surabaya voerdn in 2025 lokoale verboodn ip Roblox in ip basis- en middelboare schooln, verwyzend noar mêerdere incidentn woarby seksuele roofdiern minderjoarign adn lastiggevolln via 't platform, ip verzoek van 't lokoale Ministerie van Ounderwys.[181] Dazelfde joar stuurde 't Comité vo de Bescherming van de Rechtn van 't Kiend van 't Ministerie van Ounderwys van Kazachstan[182] e woarschuwing noar ouders vo vergelykboare redens. 't Algemêen Directoroat van Binnelandse Zoakn van de stad Bisjkek in Kirgizië dee loater dazelfste.[183] In september 2025 gaf de overheid van de Mêxicoansche stoat Nuevo León, via under civiele poliesje en cyberpoliesje, een openboare woarschuwing an ouders da Roblox vo gelykoardige redens gin veilig platform was vo kienders.[184]

Inkomstn

[bewerk'n | brontekst bewerken]

Binst de Roblox Developers Conference van 2017 zeiden d' officieeln da moakers ip 't spelplatform, woarvan dat er in 2017 oungevêer 1,7 miljoen woarn,[185] in da joar tegoare minstens $30 miljoen verdiendn.[186] De iOS-versie van Roblox overschreed in november 2019 de $1 miljard an totoale inkomstn,[187] $1,5 miljard in juni 2020,[188] en $2 miljard in oktober 2020,[189] woarmee 't d' iOS-app is met de ip êen noa ôogste inkomstn.[63] Verschillige individuele speln ip Roblox en inkomstn van mêer of $10 miljoen verzoameld,[190] binst da de totoale ountwikkeloars ip 't platform noar schattienge round de $250 miljoen zoudn verdiend en binst 't joar 2020.[191] 't Wierd 't ip twêe noa mêest ipbriengende spel van 2020, met een inkomste van $2,29 miljard, achter de Tencent-titels PUBG en Honor of Kings.[192]

Referensjes

[bewerk'n | brontekst bewerken]
  1. 1 2 3 4 5 "What is Roblox?". Digital Trends (3 meie 2020).
  2. 1 2 3 4 5 6 7 8 "How Roblox avoided the gaming graveyard and grew into a $2.5B company". TechCrunch (12 juli 2019).
  3. ↑ "Apple said Roblox developers don't make games, and now Roblox agrees". The Verge (14 meie 2021).
  4. ↑ "All you need to know about Roblox". The Guardian (29 september 2019).
  5. 1 2 "Roblox's 10 biggest games of all time — each with more than a billion plays". VentureBeat (9 december 2019).
  6. 1 2 3 4 "MMO Family: Winter fun and cool cash in Roblox". Engadget (13 februoari 2014).
  7. 1 2 3 4 5 "You May Not Know This Pandemic Winner, but Your Tween Probably Does". The New York Times (16 ogustus 2020).
  8. 1 2 3 4 5 "Paving the Road to a User-Generated Catalog". Roblox Blog (16 ogustus 2019).
  9. 1 2 "Roblox developers to earn real currency on PC later this year". PocketGamer.biz (9 september 2024).
  10. 1 2 3 "Roblox is letting game creators sell 3D virtual goods as it looks for ways to boost revenue". CNBC (8 september 2023).
  11. ↑ "The growing influence of virtual gaming platforms like Roblox on how we interact online". The Conversation (1 juli 2024).
  12. 1 2 3 "Roblox 101: How to Pick a Roblox Premium Plan". PCMag (29 oktober 2021).
  13. 1 2 "Roblox is about to let users sell custom-made avatar bodies and heads". The Verge (16 ogustus 2023).
  14. ↑ "Roblox adds avatar bodies and heads to UGC marketplace". VentureBeat (16 ogustus 2023).
  15. ↑ "Roblox creators can now make and sell limited-run avatar gear". The Verge (14 april 2023).
  16. ↑ "New Roblox trading feature makes it easier to exchange items". PCGamesN (18 ogustus 2022).
  17. ↑ "Roblox UGC limiteds are now available in the marketplace". Pocket Tactics (6 april 2023).
  18. ↑ "Why is kids' video game Roblox worth $38 billion and what do parents need to know?". The Conversation (17 moarte 2021).
  19. ↑ "18 year olds are making $10K a month from user-generated games in Roblox". VentureBeat (1 meie 2014).
  20. 1 2 "Dubit Guide to Roblox for Brands". Dubit Limited (2020). p. 5.
  21. ↑ "22-year-old turned Roblox side hustle into a business bringing in over $100,000 a year". CNBC (30 meie 2024).
  22. ↑ "Action News Troubleshooters: Spotting video game scams". WPVI-TV (15 juni 2018).
  23. ↑ "A new report on Roblox reveals how hackers and scammers are continuing to rip off kids". PC Gamer (14 februoari 2022).
  24. ↑ "How Roblox 'Beamers' Get Rich Stealing from Children". Vice (14 februoari 2022).
  25. ↑ "Roblox is using the metaverse and AI to make creating games accessible". TechRadar (14 november 2022).
  26. 1 2 "Roblox 101: How to Make Your First Game". PCMag (16 september 2021).
  27. ↑ "Roblox says 70 user-created games have crossed a billion plays". VentureBeat (18 januoari 2023).
  28. 1 2 "Roblox beefs up its developer tools as it looks to a future beyond games". TechCrunch (24 juli 2022).
  29. ↑ "Why Luau?". Luau (Roblox Corporation).
  30. ↑ "Luau Goes Open-Source". Luau (3 november 2021).
  31. ↑ "Roblox CEO podcasts about the rise of the metaverse". VentureBeat (21 juli 2021).
  32. 1 2 "Gamers are logging millions of hours a day on Roblox". The Economist (21 ogustus 2020).
  33. 1 2 3 "Roblox is rolling out voice chat, high-fidelity avatars, and age recommendations". VentureBeat (9 september 2022).
  34. 1 2 3 "Roblox is starting to allow 17+ rated experiences with 'violence, blood or crude humour'". Video Games Chronicle (21 juni 2023).
  35. ↑ "5 mistakes creators make building new games on Roblox". TechCrunch (27 moarte 2021).
  36. 1 2 "Roblox is 'exploiting' users with deceptive advertising, watchdog group says". Polygon (22 april 2022).
  37. ↑ "Roblox grows up". Fast Company (19 april 2023).
  38. 1 2 "'Advergames': how games platform Roblox became a corporate marketing playground". The Observer (13 juli 2024).
  39. ↑ "Roblox will restrict kids under 13 from chatting outside of games". The Verge (18 november 2024).
  40. 1 2 "Roblox voice chat checks ID to keep kids safe, but slurs and sex sounds slip through". The Washington Post (16 november 2021).
  41. ↑ "Roblox Developer's Conference 2024: Everything Announced". IGN (6 september 2024).
  42. ↑ "Roblox will require a facial scan or government ID to have unfiltered chats". The Verge (17 juli 2025).
  43. ↑ "Roblox Rebrands 'Friends' Feature as Gaming Platform Launches New Age-Estimation Teen Safety Tools". Variety (17 juli 2025).
  44. 1 2 3 "Roblox now requires an age check if you want to chat". The Verge (7 januoari 2026).
  45. 1 2 "Roblox, Where Kids Game and Chat, Will Analyze Users' Faces to Verify Age". The New York Times (21 november 2025).
  46. ↑ "I got an up-close look at Roblox's new safety feature. Here's what I found.". USA TODAY (5 januoari 2026).
  47. ↑ "Roblox". Rock Paper Shotgun (7 november 2024).
  48. ↑ "Builders Club is Here!". Roblox Blog (16 ogustus 2007).
  49. 1 2 "Saying Goodbye to Tickets". Roblox Blog (14 moarte 2016).
  50. ↑ "New Roblox logo and tagline show the company is growing up". PCGamesN (30 ogustus 2022).
  51. 1 2 3 "18-year-old's games get 10M plays in Roblox game world". VentureBeat (22 ogustus 2011).
  52. ↑ "Roblox raises $4M for kids virtual world". VentureBeat (14 juni 2011).
  53. 1 2 "Roblox Wants to Be a Gateway Drug for Indie Game Development". Vox (28 januoari 2014).
  54. ↑ "Kid Creates Games in ROBLOX, Gets Over 10 Million Followers". Tom's Hardware (4 ogustus 2011).
  55. ↑ "Block-builder Roblox goes mobile in time for the holidays". VentureBeat (12 december 2012).
  56. ↑ "Interview With David Baszucki, Founder & CEO of Roblox". Wired (2013).
  57. ↑ "ROBLOX Unveils Android Version of Award Winning Game Creation Platform". PR Newswire (16 juli 2014).
  58. ↑ "Roblox comes to Xbox One". VentureBeat (24 september 2015).
  59. ↑ "Roblox launches on Xbox One with 15 player-created games". VentureBeat (27 januoari 2016).
  60. ↑ "Roblox is gaming's quiet giant – and it's only getting bigger". VentureBeat (6 juni 2014).
  61. ↑ "Roblox user-generated world moves from blocky terrain to smooth 3D". VentureBeat (1 juni 2015).
  62. 1 2 3 4 "Roblox is now the game of choice for over half of all US kids". PC Gamer (22 juli 2020).
  63. 1 2 "While parents Zoom, their kids are flocking to an app called Roblox to hang out and play 3D games". CNBC (8 april 2020).
  64. ↑ "Roblox, explained". The Verge (7 juli 2021).
  65. 1 2 3 "Roblox expects to pay $250 million to its mostly young-adult developers this year". VentureBeat (28 juli 2020).
  66. ↑ "This Company Just Introduced 20 Million People to Oculus Rift". Fortune (15 april 2016).
  67. ↑ "After Xbox One success, Roblox now has a dedicated Windows 10 app". VentureBeat (10 juni 2016).
  68. ↑ "Roblox raises $150M Series G, led by Andreessen Horowitz, now valued at $4B". TechCrunch (27 februoari 2020).
  69. ↑ "Roblox cleared for launch in China". GamesIndustry.biz (3 december 2020).
  70. ↑ "Roblox guest - what are guests and what happened to them". Pocket Tactics (14 november 2022).
  71. 1 2 "Roblox is facing accusations of being unsafe for children". USA Today (15 december 2021).
  72. 1 2 "If Roblox's daily users were a country, it would be bigger than Canada". PC Gamer (16 februoari 2022).
  73. 1 2 "Roblox goes public and the gaming platform is instantly worth more than $45 billion". CNN (10 moarte 2021).
  74. ↑ "Why is everyone talking about Roblox?". Polygon (11 moarte 2021).
  75. ↑ "Roblox is now available to try on Meta Quest VR headsets". The Verge (27 juli 2023).
  76. ↑ "Roblox is finally coming to PlayStation". The Verge (8 september 2023).
  77. ↑ "Roblox launches on PlayStation in October". Eurogamer (14 september 2023).
  78. ↑ "Roblox Is Now Available On PS5 And PS4". PlayStation Universe (10 oktober 2023).
  79. ↑ "Roblox backs Apple in ongoing battle against Epic's appeal". GamesIndustry.biz (1 april 2022).
  80. ↑ "Music publishers sue Roblox in $200 million copyright infringement lawsuit". CBS News (10 juni 2021).
  81. ↑ "National Music Publishers Assn. Drops $200 Million Roblox Lawsuit, Forms Partnership For Metaverse". Forbes (27 september 2021).
  82. 1 2 3 "Roblox Shuts Down In China As It Works On Rebuild". TheGamer (9 januoari 2022).
  83. ↑ "Roblox China affected by layoffs". GamesIndustry.biz (24 oktober 2023).
  84. 1 2 "Roblox's China ambitions risk falling flat". Financial Times (20 november 2021).
  85. ↑ "Revealed: Documents Show How Roblox Planned to Bend to Chinese Censorship". Vice (26 juli 2022).
  86. 1 2 "Roblox CEO Dave Baszucki believes users will create the metaverse". VentureBeat (27 januoari 2021).
  87. ↑ "Roblox: How the children's game became a $30bn bet on the Metaverse". BBC News (10 moarte 2021).
  88. ↑ "What is the metaverse, and do I have to care?". The Verge (4 oktober 2021).
  89. ↑ "Roblox is getting voice chat, starting first with 'Spatial Voice'". The Verge (3 september 2021).
  90. ↑ "Roblox's new face tracking feature is for the memes". Polygon (4 ogustus 2023).
  91. ↑ "Roblox unveils new AI-powered creation tools". GamesIndustry.biz (20 moarte 2024).
  92. ↑ "Roblox Launches New Generative AI Texture and Avatar Tools for Creators". PCMag (18 moarte 2024).
  93. ↑ "Roblox wants to advertise to gamers ages 13 and up in the metaverse". The Washington Post (9 september 2022).
  94. ↑ "Roblox will allow exclusive experiences for people 17 and over". The Verge (20 juni 2023).
  95. ↑ "With new safety update, Roblox aims to boost protection for young gamers". NPR (18 november 2024).
  96. ↑ "Roblox gives parents more power to protect the safety of young gamers". NBC News (18 november 2024).
  97. ↑ "Roblox tightens messaging rules for under-13 users amid abuse concerns". Reuters (22 november 2024).
  98. ↑ "Roblox's selfie verification is a preview of an annoying internet future". Polygon (19 november 2025).
  99. ↑ "Roblox now requires all users globally to complete age checks to access chat". TechCrunch (7 januoari 2026).
  100. ↑ "Roblox plummets 11% on disappointing bookings, daily active users miss". CNBC (6 februoari 2025).
  101. ↑ "Over half of US kids are playing Roblox, and it's about to host Fortnite-esque virtual parties too". The Verge (21 juli 2020).
  102. ↑ "Roblox Is Putting Restrictions On Kids In Social Hangouts". GameSpot (10 februoari 2025).
  103. ↑ "How to Raise an Anti-Racist Kid". The New York Times (24 juni 2020).
  104. ↑ "'Virtual' na paggunita sa Pista ng Nazareno nagsimula na". ABS-CBN News (3 januoari 2022).
  105. ↑ "Roblox will soon charge for the memey "oof" death noise". Rock, Paper, Shotgun (12 november 2020).
  106. ↑ "Say goodbye to Roblox's iconic 'oof' sound effect". Polygon (27 juli 2022).
  107. ↑ "Oof, the iconic Roblox death noise has been replaced with a way uglier sound". PC Gamer (27 juli 2022).
  108. ↑ "A comeback so good it hurts". Twitter (18 juli 2025).
  109. ↑ "How Roblox Sparked a Chaotic Music Scene". The New York Times (16 meie 2021).
  110. ↑ "Roblox launches toys based on its user-generated games". VentureBeat (10 januoari 2017).
  111. ↑ "The best Roblox toy". Chicago Tribune (23 april 2020).
  112. ↑ "Roblox Gets Into The Toy Business". Kotaku Australia (12 januoari 2017).
  113. ↑ "Roblox Toys Wave 2 Hits Store Shelves This August". Heavy (2 ogustus 2017).
  114. ↑ "Roblox shares up after gaming platform partners with Hasbro for Monopoly and Nerf products". CNBC (13 april 2021).
  115. ↑ "Roblox: 5 Fast Facts You Need to Know". Heavy (12 juli 2017).
  116. ↑ "Roblox Easter Egg Hunt 2020 will make being in isolation the best thing this Easter". The Canberra Times (8 april 2020).
  117. ↑ "Roblox's in-game Bloxy Awards draw 600,000 spectators". VentureBeat (23 moarte 2020).
  118. ↑ "Roblox's continuing construction of a social, creative space". Gamasutra (4 juni 2020).
  119. ↑ "Roblox Innovation Awards will happen in-person on September 10". VentureBeat (14 juli 2022).
  120. ↑ "Roblox announces new game-creation tools and marketplace, $100M in 2019 developer revenue". TechCrunch (13 ogustus 2019).
  121. ↑ "$100m dev payouts, 1.2 billion hours of engagement a month: What we learned at the Roblox Developers Conference". Pocket Gamer (11 ogustus 2019).
  122. ↑ "Roblox teams with Warner Bros. and DC on Wonder Woman: The Themyscira Experience". VentureBeat (26 juni 2020).
  123. ↑ "How Warner Bros. Uses a Video Game to Fuel Interest in Its Movies". Variety (21 december 2018).
  124. ↑ "Lil Nas X to Play Virtual Concert on Roblox". Rolling Stone (10 november 2020).
  125. ↑ "Roblox to host its first virtual concert, featuring Lil Nas X". TechCrunch (11 november 2020).
  126. ↑ "Lil Nas X Will Debut New Single 'Holiday' During Virtual Roblox Concert". Billboard (10 november 2020).
  127. ↑ "Roblox: Zara Larsson performing new album – and other virtual concerts". BBC Newsround (21 meie 2021).
  128. ↑ "Roblox will launch Twenty One Pilots virtual concert". VentureBeat (8 september 2021).
  129. ↑ "Twenty One Pilots to Stage Elaborate Roblox 'Concert Experience'". Variety (8 september 2021).
  130. ↑ "CHIPOTLE Launches a Truly 'Virtual' Restaurant via Roblox". Restaurant Business Online (26 oktober 2021).
  131. ↑ "Roblox". Common Sense Media (14 november 2019).
  132. ↑ "What Parents Need To Know About Roblox". Family Online Safety Institute (19 december 2018).
  133. ↑ "What is Roblox? The world's most popular game you might not have heard of". Trusted Reviews (15 december 2016).
  134. ↑ "People hate Roblox more than any other app in 21 countries". PCGamesN (31 ogustus 2022).
  135. 1 2 "Roblox teen gamers engage in sexual behavior in platform's 'red light district': report". Fox Business (25 ogustus 2020).
  136. 1 2 3 "Roblox's Pedophile Problem". Bloomberg Businessweek (22 juli 2024).
  137. ↑ "Extremists creep into Roblox, an online game popular with children". NBC News (22 ogustus 2019).
  138. 1 2 3 "How 'Roblox' Became a Playground for Virtual Fascists". Wired (10 juni 2021).
  139. ↑ "US Congress "disappointed" with companies' response to extremism concerns". GamesIndustry.biz (3 moarte 2023).
  140. 1 2 3 "Roblox is struggling to moderate re-creations of mass shootings". The Verge (17 ogustus 2021).
  141. 1 2 "Kids gaming platform Roblox faces hurdles ahead of public listing: rough words". Reuters (19 november 2020).
  142. ↑ "Roblox: 'I thought he was playing an innocent game'". BBC News (29 meie 2020).
  143. ↑ "The Dark Side of Roblox: 'Active Shooter Studios' Create Maps Based on Real-Life Mass Shootings". Anti-Defamation League (21 april 2025).
  144. ↑ "Larry Magid: Keeping kids safe on Roblox". The Mercury News (5 november 2020).
  145. ↑ "Sex, lies, and video games: Inside Roblox's war on porn". Fast Company (19 ogustus 2020).
  146. ↑ "Roblox Goes Public, Says Child Pornography Is a Risk to Its Business". Motherboard (21 november 2020).
  147. 1 2 "Turkey just straight-up banned Roblox for 'child exploitation'". PCGamer (8 ogustus 2024).
  148. ↑ "Roblox Accused Of Allowing Sexual Exploitation In Four Separate Lawsuits". Aftermath (25 juni 2025).
  149. 1 2 "Roblox faces backlash after banning YouTuber Schlep, a vigilant figure exposing predators on their platform. Controversy unfolds.". Windows Central (12 ogustus 2025).
  150. 1 2 "YouTuber caught sexual predators on Roblox. Now he's facing ban from the platform.". NJ.com (12 ogustus 2025).
  151. ↑ "Roblox Child Safety Controversy Grows: Louisiana Sues Gaming Platform". Forbes (15 ogustus 2025).
  152. ↑ "'Predator hunter' YouTuber hit with cease and desist letter from Roblox CEO". The Independent (14 ogustus 2025).
  153. 1 2 "Roblox "exploiting" young game developers, new investigation reports". Eurogamer (20 ogustus 2021).
  154. 1 2 "'Roblox' is allegedly exploiting young game developers". NME (20 ogustus 2021).
  155. ↑ "Roblox: Wrexham mum's warning after daughter's iPad bill". BBC News (31 januoari 2020).
  156. ↑ "My kids spent £600 on their iPads without my knowledge". The Guardian (11 moarte 2020).
  157. ↑ "Roblox will hide ads for users 13 and under". GamesIndustry.biz (31 moarte 2023).
  158. ↑ "Roblox accused of being an unsafe environment for children". Eurogamer (14 december 2021).
  159. ↑ "Roblox faces new allegations of being unsafe for children". PC Gamer (14 december 2021).
  160. ↑ "Roblox criticized for lack of safeguards for kids, stock-market-like collectibles". GamesIndustry.biz (13 december 2021).
  161. ↑ "Roblox refutes allegations of inflating metrics for investors and failing to protect minors". GamesIndustry.biz (9 oktober 2024).
  162. ↑ "Algeria bans Roblox over child safety concerns". Proton VPN (16 september 2025).
  163. 1 2 3 "Why Turkey Banned Roblox, Explained". The Escapist (13 ogustus 2024).
  164. ↑ "Egypt Blocks Roblox Over Child Online Safety Concerns". CairoScene (1 februoari 2026).
  165. ↑ "Iraq bans US gaming platform Roblox over child safety concerns". Reuters (20 oktober 2025).
  166. ↑ "Palestine Announces Ban on "Roblox" Platform to Protect Children Digitally". sadanews.ps (17 november 2025).
  167. 1 2 "Popular game platform Roblox inaccessible in Qatar". thepeninsulaqatar.com (13 ogustus 2025).
  168. 1 2 "Russia blocks access to US children's gaming platform Roblox". Reuters (3 december 2025).
  169. ↑ "Fact check: Is Roblox unbanned in UAE?". Gulf News (16 moarte 2021).
  170. ↑ "Roblox blocked in Kuwait over child safety and content concerns". Gulf News (21 ogustus 2025).
  171. ↑ "Roblox Returns to Kuwait with New Rules for Kids' Safety". Arab Times Kuwait (28 oktober 2025).
  172. ↑ "Turkey blocks access to Roblox". www.pocketgamer.biz (7 ogustus 2024).
  173. ↑ "Popüler oyun platformu Roblox 'çocuk istismarı' gerekçesiyle engellendi". BBC (7 ogustus 2024).
  174. ↑ "Loot box State of Play 2023: A global update on regulation". GamesIndustry.biz (5 december 2023).
  175. ↑ "SEC Says Game Service Roblox Part of 'Active Investigation'". Bloomberg News (7 februoari 2025).
  176. ↑ "'Roblox' is being investigated by the US government". NME (11 februoari 2025).
  177. ↑ "Indonesia Pressures Roblox to Rein In Chat Features, Remove Harmful Content for Child Safety". Jakarta Globe (15 ogustus 2025).
  178. ↑ "Indonesia considers Roblox ban over child safety concerns, 'immoral' content". South China Morning Post (12 ogustus 2025).
  179. ↑ "Following Qatar, Bahrain moves to ban Roblox". Al Bawaba (30 ogustus 2025).
  180. ↑ "Gobierno de Guatemala alerta a padres de familia por videojuego Roblox". Agencia Guatemalteca de Noticias (8 januoari 2021).
  181. ↑ "Surabaya Bans Roblox for Students Over Harmful Content". Jakarta Globe (8 ogustus 2025).
  182. ↑ "Игра Roblox и педофилы: к казахстанским родителям обратились с предупреждением". Регистр ТВ Казахстан (2025).
  183. ↑ "ГУВД Бишкека призывает родителей не разрешать детям играть в Roblox". vesti.kg (28 ogustus 2025).
  184. ↑ "Policía Cibernética de Nuevo León alerta sobre riesgos a menores en este videojuego". PostaMx (1 januoari 2021).
  185. ↑ "This game turned players into $50,000-a-month entrepreneurs – now it has a plan to help them make $1.68 million a year". Business Insider (9 meie 2017).
  186. ↑ "Hobbyist developers will make $30 million via 'Roblox' this year". Engadget (22 juli 2017).
  187. ↑ "'Roblox Mobile' Crosses $1B in Lifetime Revenue". The Hollywood Reporter (25 november 2019).
  188. ↑ "Roblox Mobile hits $1.5 billion in lifetime revenue". Pocket Gamer (26 juni 2020).
  189. ↑ "Roblox surpasses $2 billion in player spending on mobile". Pocket Gamer (22 oktober 2020).
  190. ↑ "Adopt Me: The most popular game you've never played". Games Industry (21 juli 2020).
  191. ↑ "Roblox Developers To Make $250 Million In 2020 Thanks To Explosive Growth". Screen Rant (28 juli 2020).
  192. ↑ "Games and interactive media earnings rose 12% to $139.9B in 2020". SuperData Research (6 januoari 2021).

Externe koppeliengn

[bewerk'n | brontekst bewerken]
Wikimedia Commons
Overgenomen van "https://vls.wikipedia.org/w/index.php?title=Roblox&oldid=324509"