Sevastopol

Sevastopol (Oekraïens en Russisch: Севастополь Sevastopolʹ) is de grotste stad ip de Krim en e belangrykn hoavn an de Zwarte Zêe. De stad hèt e goeie 379.000 inweuners. 't Grotste dêel van de bevolkienge (71,6 %) is etnisch Russisch.

Vlagge
Woapnschild

By 't uutêenvalln van de Sovjet-Unie in 1991 kwam Sevastopol (lik de reste van de Krim) ounderdêel van de ton nieuwgevormde stoat Oekraïne, achter dan ze sedert 1954 ounderdêel gewist woarn van de Sovjetdêelrepubliek Oekraïensche SSR. Rusland pachtte wel e marineboasis in Sevastopol, woar da 't hoofdkwartier van de Russische Zwarte Zêevlote was gevestigd. In 2014 zyn de Krim en Sevastopol g'annexeerd deur de Russische Federoasje. D' internationoale gemêenschap en Oekraïne erkenn die annexoasje nie en anzien hêel 't gebied lik dêel van Oekraïne.

Sevastopol wordt bestierd lik e federoale stad van de Russische Federoasje en stoat administratief los van de Republiek van de Krim. Volgns de Russische administratieve indêlienge zyn z' alletwêe ounderdêel van 't Zuydelik Federoal District. Ook ounder Oekraïens bestier had de stad een aparte stoatus.

Boaie in Sevastopol
Promenade in Sevastopol
Monument vo de gezounkn scheepn

Ofbeeldiengn die ier by passn ku je vien in de categorie Sevastopol van Wikimedia Commons.