58 v.Chr.

Van Wikipedia
61 v.Chr. - 60 v.Chr. - 59 v.Chr. - 58 v.Chr. - 57 v.Chr. - 56 v.Chr. - 55 v.Chr.

't Joar 58 v.Chr. is e joar in d' 1e eiwe v.Chr. volgenst de julioansche kalender.

Gebeurtenisn[bewerkn | brontekst bewerken]

De Romeinsche weireld in 58 v. Chr. vo da Gallië veroverd wierd deur Julius Caesar
  • Marcus Tullius Cicero wordt deur de Senoat beschuldigd vo 't executeern van oenschuldige Romeinn, binst de Catilineeschn ipstand. Cicero wordt uyt Rome verbann èn vlucht noa Cyzicus.
  • Julius Caesar wordt benoemd toet proconsul van de Romeinsche provinsjes Gallia Cisalpina, Gallia Transalpina èn Illyrië (Balkan), vor en ambtsperiode van 5 joar.
  • 26 moarte - De Keltische Helvetiërs zyn t'hope gekomn an de riviere de Rhône vo te migreern. In Zwitserland hèn z' hunder dorp'n achter hunder verbrand. Hunder gezant'n vroagn deurtocht an de Romeinsche proconsul Julius Caesar deur de Provincia noa 't kustgebied van Gallië.
  • 13 april - Julius Caesar refuseert deurtocht an d' Helvetiërs. Ie hèt oendertusschn de brugge over de Rhône loat'n ofbreek'n èn langst de deurwoadboare plèk'n lat ie vestiengn anlègn. D' Helvetiërs trèk'n nowrdwoars, woar da by 't Juragebergte nog e smalle deurwoadboare plèkke over is.
  • D' Helvetiërs krygn toestèmmynge van de Sequenzn en d' Eduenzn vo deur hunder gebied te trèk'n. Julius Caesar reist noa Nowrd-Itoalië vo verstèrkyngn te verkrygn.
  • Achter e passage zoender gewèld deur 't land van de Sequenzn voern d' Helvetiërs e plundervèldtocht in 't gebied van d' Eduenzn. D' Eduenzn zoek'n hulpe by de Romeinn, woar da Caesar juste arriveert mèt e Romeins leger.
  • juli - 't Romeins leger versloat d' Helvetiërs. Begun van de Gallischn Oorloge.
  • september - Julius Caesar versloat de Germoansche stamme de Sueevn oender leidynge van Ariovistus.
  • wynter - In Nowrd-Gallië vormn de Belgae en alliansje teegn de Romeinn.

Geboorn[bewerkn | brontekst bewerken]

Gestorvn[bewerkn | brontekst bewerken]

  • Ptolemaeus, keunynk van Cyprus