Beitem

Van Wikipedia
Beitem langst de stêenweg Roeseloare-Mêende
Sint-Godelievekerke

Beitem is een gehucht in de provincie West-Vloandern. ’t Ligt ip ‘t groundgebied van Rumbeke, een dêelgemêente van de stad Roeseloare. Beitem ligt een goeie vier kilometer ten zuudn van ‘t stadscentrum, ip de stêenweg van Roeseloare noa Mêende (N32). ‘t Grenst an Môoslee en Legem.

Geschiedenisse[bewerkn | brontekst bewerken]

In de loate middelêeuwn stond, temin van uthestrekte bussn langst den oude heirweg Roeseloare-Meende, 't "Gasthuis Ten Bunderen". ’t Was een kljin klwoster, beweund deur nunn die ondrdak goavn an bedevoarders ip deurtocht. Ip ode koartn, lik ip een koarte van Mercator in 1570, stoat de noame “Ten Bunderen”, “Bunderen” of “Bunder”, woa da Beitem nu ligt.

Loater tot olverwege de 19e êeuwe was ’t er ip die plekke een gehucht rond ’t café “De Meerlaan”. De noame “Beitem” bestound ton nog nie. De menschn mostn ’n eure te voete goan noa de parochiekerke van Rumbeke, Legem of Môoslee. De familie Beheydt skonk in 1865 grond vo den bouw van e kerke, Sint-Godelieve. Olgauwe wos ’t gebied in de volksmound “Beheydtem” genoemd, moa ’t deurde nog tot 1889 jir da de parochie erkend wos onder de noame Beitem.

Binst den Êeste Weireldoorloge is de kerke zwoar beskoadigd gewist, moar in 1922 ist 'n were èr ipgebouwd.

Beitem kreeg in 1889 een tringstoashe langst de nieuwe spworlinne Roeseloare-Mjinde. Die spworlyne bestoat nu nie mi en de stoashe is nu een uus. Der bestoat ip dit moment nog een café-restorang juste neffest da' us, genoamd "Beitem Statie".