De Dolle Brouwers
De dolle Brouwers is ee brouwerye uut Êesn.
Sôortn[bewerkn | brontekst bewerken]
- Oerbier (9 %)
- Arabier (8 %)
- Boskeun (7 % )
- Dulle Teve (10 % )
- Stille Nacht (12 % )
- Stout (9 % )
Geschiednisse van de brouwerye[bewerkn | brontekst bewerken]
De brouwerye zevve is gesticht in 1835 deur dokteur Louis Nevejan. Ee poar joar loater werd der doar ook ee stokerye by gezet. In 1882 werd de brouwerye overgenoomn deur Alois Costenoble die der toe in 1927 brouwde. Doarachter pakte ze zeune, Louis, de brouwerye over die der toe in 1957 brouwde. Doarachter werd der een ende nie gebrouwd in 't gebouw, toet dat in 1980 de brouwerye gekocht werd deur de dolle brouwers die der sedertdien in brouwn.
Geschiednisse van de dolle brouwers[bewerkn | brontekst bewerken]
De geschiednisse van de dolle brouwers begunt eigenlyk met de dolle dravers. Ee klein fietsclubtje van ee man of 4: de broers Herteleer, Dirk Coussée en Bernard Veranneman. Der was èè voorwoarde voe lid te zyn van de club en da was deur met de villo in èèn dag van Roeseloare no "Cap Gris Nez" en weere te ryn. Oendanks dat de dolle dravers nie mi bestoan, wordt de rit (die al sedert 1975 gereen wordt) alle joare gedoan. Doaneffest werden der ook klassiekers gereen me bergsjes lik 'n Kemmelberg derin.
In 1980 werdn de dolle dravers de dolle brouwers ton da ze ee leegstoande brouwerye in Êesn over paktegen. 't Gedacht was van der Oerbier te goan brouwn, up basis van ee recept da ze zeeve bedisseld an by under tuus. Doaneffest en ze sedert dien tyd nog ee poar soortn toegevoegd an under assortiment. Al tegoare brouwn ze apepri 1000 ectoliter per joar.
Bezoek[bewerkn | brontekst bewerken]
De brouwerye in Êesn is alle zundagachternoens ten drieën te bezoekn. Ee bezoek kost 2,5 euro en deurt een eure. Achter 't bezoek kuj een oerbier proevn in de bar (inbegreeen in de prys). Groupn van mêer of dertig man moetn reserveern.