Donatianus van Reims

Donatianus me zyn woagnwiel me vuuf brandnde keirsn, detail uut de (Madonna mè kanunnik Joris van der Paele deur Jan van Eyck)

Donatianus van Reims (†389) was de zeevnstn bisschop van Reims, van 360 tout 389. J’is de patrôonhillign van ’t bisdom Brugge.

Volgns e legende zoun z’hem ols kiend in den Tiber gesmeetn en, en reddehe paus Dionysius hem med e woahnwiel mè vuuf brandnde keisn. Doadeure is da zin attribuut, te ziejn èp ‘t schilderieje Madonna mè kanunnik Joris van der Paele deur Jan van Eyck, woa dat ’n èp stoat ols patrôonhèllègn van de Sint-Donaaskerke.

In de 9ste êeuwe gaf aartsbisschop Hincmar van Reims de bêenders van Donatianus an keunink Karel den Kletsn van West-Francië, vo z’an zyn schonzeune Boudewyn I van Vloandern te geevn. Boudewyn gaf z’an ’t klôoster van Tourhout en ze zettegn ze doar in de kerke. In 864 wierdn ze deur ’t gevoar van de Vikings verplatst no ’t versterkte Brugge, in de O.L.Vrouwekerke, die loater de noame St-Donaaskerke krêeg. Ounder Arnulf I van Vloandern volgdn de monnikn van Tourhout de relikwie no Brugge en vormdn doa de kern van ‘t St-Donaaskapittel.

Van 1559 was de kerke e kathedroale en beinst de Fransche Revolutië wierd ’t gebouw vernield en nie mè herbouwd.

In 1834 brochtn ze de reliekn van Donatianus over no de Sint-Salvatorskerke, die ton de kathedroale gewordn is.

Donatianus is ook patrôon van schryvers en drukkers en vo dedie die ’t geloovn zoudt ’n beschermn teegn dunder en bliksem, droogte, hoagel, overstromiengn en storm.