Goose

Van Wikipedia
de groep
Dit artikel es geschreevn in 't Kortryks, en da zou best ozô bluuvn.


Goose es ne muziekgroep uut Kortryk. Ze zyn voorol bekend omda ze den êesten prys van Humo's Rock Rally gewonn ein in 2002 (z'oan oal ne kêe meegedoan onder nen anderen noame, Loamy Soil, en ton zyn ze in de finale gerakt). Z'ein nen cd utgebrocht in 2006, 'Bring it On'.

Ze spelen synthrock, en under ne gitarist eit nog meegespeeld ip de latste Soulwax-ploate (die live wel nie vele mêe ip zyn gitare speelt, moa tegenwoordig mêer ip de synthesiser). In 2006 troadn ze vele ip ip zommerfestivals, de mêest tot de verbeelding sprekende noamn woarn Pukkelpop, Reading en Dour. De pers wos 't unaniem êens da ze jeen van de reveloaties woarn ip Pukkelpop en uddern êeste cd es zowel in het binnland ols in 't buutnland ip enthousiaste reacties onthoald.

Leedn[bewerkn | brontekst bewerken]

  • Tom Coghe
  • Mickael Karkousse
  • Bert Libeert
  • Dave Martijn

De meneer van 't gelud is Frank Voet.

Discografie[bewerkn | brontekst bewerken]

Ploatn
  • 2006: Bring it on, utgebrocht deur het ploatnlabel Skint, van Fatboy Slim.
  • 2010: Synrise
  • 2012: Control Control Control
Singles
  • Audience
  • Good Times
  • Black Gloves
  • British Mode
  • Low Mode
  • Bring it on (single)
  • Can't stop me now
  • Words
  • Synrise
  • Real
  • Control

Varia[bewerkn | brontekst bewerken]

  • In 2007 zyn ze soamen mè Ozark Henry de vertegenwoordiger van België ip het Eurosonicfestival, een sôort alternatief Songfestival dat van 11 tot 13 januoari deureging in Groningen.
  • In dazelfde joar ein de prys voo best Belgische alternatieve groep gekreegn ip de TMF-awards.

Externe koppelingen[bewerkn | brontekst bewerken]