Groeningemuseum

Van Wikipedia
De vroegere poôrte van de proosdye van Onze-Lieve-Vrouw is nu den ingank van 't Groeningemuseum

't Groeningemuseum is 't Stedelik Museum van Schone Kunstn in Brugge, tegoare met 't Arentsuus.

Liggienge[bewerkn | brontekst bewerken]

't Ligt in 't erte van de stad an den Dyver en gift 'n overzicht van zes eeuwn kunst in de Zudelikke Nederlandn en België van Jan van Eyck tout Marcel Broodthaers. De verzoamelinge toogt de eeuwenlange, grote artistieke creativiteit van ons beperkt gebied.

't Groeningemuseum is gebouwd in 1929-1930 deur architect Joseph Viérin up 't terring van de vroegere Eekoutabdye, dichte by de Groeningewyk.

Collecties[bewerkn | brontekst bewerken]

't Zwoartepunt van de collectie ligt in d'ofdelinge oude meesters: enerzyds de Vlamsche Primitievn van de 15ste eeuwe en anderzyds de maniëristn van de 16ste eeuwe, die de Vlamsche picturoale traditie vernieuwdn ounder invloed van de Italioansche Renaissance. 't Feit da die unieke werkn te zien zyn in de stad woa dat e grôot deel van die meesters vuuf eeuwn geleen geweund en gewerkt èn makt e bezoek an 't Groeningemuseum nog interessanter.

Neffest de Brugsche interpretoatie van de barok en 't classicisme kommn d'r ook veel kunststromingn van de 19ste eeuwe an bod.

D'r is ook nog Belgische kunst van 1900 tout vandoage mè topwerkn van de Vlamsche expressionistn.

Wikimedia Commons