Hoagemusschn

Van Wikipedia

D' hoagemusschn (Prunellidae) zyn e familie van zangveugels mè moar één geslacht Prunella. De familie telt 13 soortn.

't Is d' eenigste veugelfamilie die endemisch is in 't Palearctisch gebied. Endemisch wil zeggn dat de soorte van nateure uutsluutnd voornkomt in da bepoald gebied. De meeste leevn nu in bergachtige streekn van Europa en Azië.

't Zyn kleene veugels die trekkn ip musschn (Passeridae), moa ze zyn der nie an verwant. Ze zyn 14 toet 18 cantimeter lank en ze weegn tusschn de 25 en 35 gram. Z' hèn e dinne, scherpn bek en z' eetn insectn in de zomer, angevuld mè zoadn en beyers in de wienter. Ze kunn ook gruus en zand inzwelgn vor hunder moage t' helpn mè 't breekn van de zoadn.

Soortn[bewerkn | brontekst bewerken]

  • Geslacht Prunella
    • Prunella atrogularis (Zwartkeelhoagemussche)
    • Prunella collaris (Alpnhoagemussche)
    • Prunella fagani (Arabische hoagemussche)
    • Prunella fulvescens (Bruune hoagemussche)
    • Prunella himalayana (Himalaya-hoagemussche)
    • Prunella immaculata (Bruunrikhoagemussche)
    • Prunella koslowi (Kozlows hoagemussche)
    • Prunella modularis (Geweune hoagemussche)
    • Prunella montanella (Berghoagemussche)
    • Prunella ocularis (Hoagemussche van Radde)
    • Prunella rubeculoides (Roodborsthoagemussche)
    • Prunella rubida (Japaneesche hoagemussche)
    • Prunella strophiata (Gestrèepte hoagemussche)
Wikimedia Commons