Jan Michiel Rijsbrack

Van Wikipedia

Portreit van Jan Michiel Rijsbrack geschilderd deur John Vanderbank

Jan Michiel Rijsbrack of in 't Iengels John Michael Rysbrack, (Antwerpn, 27 juni 1694 (gedopt) – Londn, 8 januoari 1770) was e Vlamschn beeldhouwer die 't grotste dêel van zyn werk gemakt èt in Londn.

Je was de zeune van de landschapsschilder Pieter Rijsbrack. Zyn broers Pieter Andreas en Gerard woarn ook schilders.

Achter zyn ipleidienge van 1706 toet 1712 in den atelier van beeldhouwer Michiel van der Voort, ist 'n anveird in d' Antwerpsche Sint-Lucasgilde in 1715.

In 1720 vertrokt 'n noa Londn, woa dat 'n e styf goeie reputoasje ipbouwde. Je kwam doar êen van de belangrykste beeldhouwers. Je makte beeldn en grafmonumentn van vele van de mêest prominente menschn van zyn tyd, lik 't grafmonument van Isaac Newton in Westminster Abbey en 't ruuterstandbeeld van Willem III van Oranje, keunienk van Iengeland, Schotland en Ierland, in Bristol.

Wikimedia Commons