Jef Planckaert
Joseph 'Jef' Planckaert (Poperienge, 5 meie 1934 - Otegem, 22 meie 2007) wos e coureur. Zyn beste periode wos by Flandria, woa dat 'n rêde by de zogenoamde Rode Garde van Rik Van Looy.
't Wounderjoar 1962[bewerkn | brontekst bewerken]
In 1962 wos Jef Planckaert Bels kampioen op de boane, e wont 'n Parys-Nice en Luuk-Bastenoakn-Luuk. E wos oek 'n twiddn in 't eindklassement van de Rounde van Vrankryk, achter Jacques Anquetil. In de klemtydrit na Superbagnères at 'n 't geel epakt en e wos leider toet op 'n latsn dag. Moar in de latsn tydrit van 68 kilometers, verlôor Jef zyn vôorsproung op Anquetil.
Belangrykste overwinniengn[bewerkn | brontekst bewerken]
- 1954: GP Isbergues
- 1955: Kuurne-Brussel-Kuurne
- 1956: 4e etappe Rounde van Zwitserland; etappe 3b van de Rounde van Belgie
- 1957: Vierdoagse van Duunkerke
- 1958: Omloop Het Volk
- 1960: Kuurne-Brussel-Kuurne, Vierdoagse van Duunkerke
- 1962: Bels kampioenschap, Luuk-Bastenoakn-Luuk, 3de etappe Rounde van Luxemburg & eindklassement, Parys-Nice, etappe Rounde van Vrankryk, etappe Rounde van Belgie
- 1963: Vierdoagse van Duunkerke
In 1965 stopte Planckaert mi koersn. E wos gin familie van de andere Planckaerts uut 't Meetjesland (Willy, Walter, Eddy, Jo en Francesco).
Hulde[bewerkn | brontekst bewerken]
Op 10 juli 2007, wonnêer da de Rounde van Vrankryk in Otegem passirt, briengt Bernard Hinault hulde an Jef Planckaert en an zyn weeuwe, Williane Verhellen.