Lieve

Van Wikipedia
De Lieve in 't centrum van Gent

De Lieve wos e kanoal uut de 13e eeuwe da liep van Gent na 't Zwin by Damme.

Geschiedenisse[bewerkn | brontekst bewerken]

D'uutgroavienge van de Lieve es begunn in 1251 en eit achttien joar lank gedeurd. Da wos 'n eestn kee da Gent mei de Noordzee verboundn gerochte. In Gent moundde de Lieve uut in de Leie ter ogte van et Groavnsteen.

De Lieve wos verschillende eeuwn lank vo Brugge, Damme en Gent economisch styf belangrik. Moa lik da 't Zwin begoste te verzandn, gerocht de Lieve minder gebruukt. 't Es doamei da Keizer Karel in 1547 toestemmienge eit gegeevn vo 't uutgroavn van de Sassevoart, zo kreeg Gent e meer directe verbindienge mei de Noordzee.

Toun da d'economie van Brugge, Damme en loater Sluus achteruut begoste te goan, verdween ook et belang van de Lieve. 't Kanoal wos osan eigendom van de stee van Gent, moa zyder ein 't in 1828 verkocht aan eigenoars van stikkn ground langs 't kanoal.

Vandoage[bewerkn | brontekst bewerken]

De Lieve es nu grootndeels toegesmeetn. D'r bluuvn nog moa drie stikkn over:

  1. et stik van Damme tot Moerkerke
  2. et stik tusschn et Schipdonkkanoal by Zomergem (Oost-Vloandern) en de Brugsche Voart by Gent
  3. e kort stik in et centrum van Gent tusschn 't Groavnsteen en et Rabot

't Kort stikske in Gent is vree toeristisch. Vo 't tracé in Damme ein ze nog nie zo lange geleen en anvroage ingediend vo erkennienge lik landschappelik monument.

Tusschn de Gentsche Nieuwe Voart en de Riengvoart lopt de Lieve lik e klene, styf vervuulde beke twistn deur Wondelgem moa ge kut ze moa moeilik mee volgn.