Reptieln

Van Wikipedia

Reptieln (Reptilia) of kruypbeist'n vormn e klasse van koedbloewdige, gewervelde beist'n. Z hèn e lankwerpig lyf bedekt mè schub'n en ze loop'n met hunder powt'n uyt mekoar en hunder lyf dichte by de groend.

Traditioneel bevat de klasse reptilia d' hoagedisn, slangn, schildpad'n en de krokodieln. Moa volgns vele moderne ipvattyngn over classificoasje is de traditionele klasse van de reptieln nie mè geldig omda ze parafyletisch is. E parafyletische groep is e taxonomische groep woarby dat de latste gemeinschappelyke vowroeder van e groep organismn zelve wel deil uytmakt van de groep, moa nie al d' ofstammelyngn dervan in de groep geplatst zyn. De veugels stamn noamelyk of van e groep dinosauriërs en krokodieln zyn nauwer verwant an veugels of an andere reptieln. Binn de cladistiek is 't doarom gebruykelyk van de definiesje Sauropsida toe te pasn woardeure dat ook de veugels toet de reptieln word'n gereeknd.