Willem-Alexander van de Nederlandn

Van Wikipedia

Willem-Alexander Claus George Ferdinand, keunienk van de Nederlandn, prins van Oranje-Nassau, jounkhêere van Amsberg (Utrecht, 27 april 1967) is siddert 30 april 2013 keunienk van de Nederlandn. Hy is den oudste zeune van prinsesse Beatrix en prins Claus.

Biografie[bewerkn | brontekst bewerken]

Krôonprinsesse Beatrix wierd in den oavond van 25 april 1967 upgenoomn in 't Academisch Zieknhuus in Utrecht. Twêe doagn loater kwam prins Willem-Alexander ter weireld. Up vuuf plekkn in 't keunienkryk wierdn noa traditie 101 saluutschootn ofgevierd. Vanof zyn gebôorte wos 't hy twiddn in lyne vo de trôonipvolgienge.

Zyn voader dêed up 2 meie de gebôorteangifte in 't stadhuus van Utrecht. "Me noemn hem Alexander", zei prins Claus over de roepnoame.

Zyn volledige vôornoamn zyn:

  • Willem-Alexander, Willem is traditionêel den êerste noame van een Oranje- trôonipvolger. Alexander is geweune e noame dan zyn ouders geirn hôordn. Der zou gêen historische betêkenisse zyn.
  • Claus, noa zyn voader
  • George
  • Ferdinand, noa Ferdinand Groaf von Bismarck-Schönhausen, Claus zyn beste vriend, die ook getuuge wos by zyn trouw.

Up 2 september 1967 wierd hy gedopt ols lid van de Nederlandsche Hervormde Kerke. Den dôopdienst gieng deure in de Grôte of Sint-Jacobskerke in Den Haag en wierd geleid deur hofpredikant dominee Henk Kater. De peetouders en dôopgetuugn van de prins woarn zyn grôotvoader prins Bernhard van Lippe-Biesterfeld, zyn grôotmoeder Gösta Freiin von dem Bussche-Haddenhausen, prinsesse (loater keuniginne) Margrethe van Denemarkn, Ferdinand von Bismarck-Schönhausen (1930) en de vroegere minister-president Jelle Zijlstra. Renée Elisabeth Bradbrooke Smith-Röell (1938), e vriendinne van Beatrix, is ook e peetouder. By den dôop wierd de latste verteegnwôordigd deur heur grôotmoeder M.A.E. del Court van Krimpen-van Loon (1891-1983).

Trôonswisselienge[bewerkn | brontekst bewerken]

Up 30 april 2013 dêed keuniginne Beatrix trôonsofstand vor heur zeune Willem-Alexander die heur dien dag ipvolgde ols keunienk.[1][2]

Huwelyk[bewerkn | brontekst bewerken]

Willem-Alexander is getrouwd mè Máxima Zorreguieta (17 meie 1971) uut Argentinië en 't huwelyk is up 2 februoari 2002 in de grôte zoale van de "Beurs van Berlage" voltrokkn deur burgemêester Job Cohen van Amsterdam.

Z' hen t'hope drie dochters:

Keunienk Willem-Alexander, keuniginne Máxima en de prinsesjes Catharina-Amalia, Alexia en Ariane

Referensjes[bewerkn | brontekst bewerken]

  1. Inhuldigienge keunienk Willem-Alexander npo.nl
  2. Inhuldigienge Willem-Alexander koningsdag27april.info
Wikimedia Commons Mêer ofbeeldiengn die ier by passn ku je vien ip Willem-Alexander van de Nederlandn ip Wikimedia Commons.