Hendrik VIII van Iengeland: verschil tussen versies

Van Wikipedia
Verwijderde inhoud Toegevoegde inhoud
TXiKiBoT (discuusjeblad | bydroagn)
k robot Erbij: br:Herri VIII
TXiKiBoT (discuusjeblad | bydroagn)
Regel 52: Regel 52:
[[da:Henrik 8. af England]]
[[da:Henrik 8. af England]]
[[de:Heinrich VIII. (England)]]
[[de:Heinrich VIII. (England)]]
[[el:Ερρίκος Η' της Αγγλίας]]
[[en:Henry VIII of England]]
[[en:Henry VIII of England]]
[[eo:Henriko la 8-a (Anglio)]]
[[eo:Henriko la 8-a (Anglio)]]

Versie van 2 ogu 2008 20:33

Hendrik VIII
1491-1547
Hendrik VIII
Prins van Wales
Periode1502-1509
VôorgangerArthur Tudor
IpvolgerEduard VI
Keunink van Iengeland
Periode1509 – 1547
VôorgangerHendrik VII
IpvolgerEduard VI
VoaderHendrik VII
MoederElizabeth van York

Hendrik VIII, van ’t Uus Tudor, (Greenwich, 28 juni 1491Londn, 28 januoari 1547) was ertog van York, prins van Wales en keunink van Iengeland en Ierland.

Zyn leevn

Je was de twidde zeune van Hendrik VII en Elisabeth van York.(Margaretha van York was eur tante)

’t Was de bedoelinge dat ‘n an e carrière in de kerke zou begunn, mo z’n oudere broere Arthur stierf in 1502. Hendrik voldeg em ip ols Prins van Wales. Je was azo trôonsipvolger gewordn en vô were e verbound mè Spanje t’en trouwde Hendrik in 1509, korts achter d’n dôod van z'n voader en e bitje vô z’n krôninge, met de weeuwe van z’n broere, Catharina van Aragón, de joungste overleevnde dochter van keunink Ferdinand II van Aragon en Isabella I van Kastilië. Hendrik was ip da moment zeevntien joar. D’n vierentwintigstn juni 1509 wierd ’n gekrôond in Westminster Abbey.

Hendrik VIII is surtout bekend vô z’n zes vrouwn, z’n wreedeid, (iedereen die in z’n weg stound wierd van kant gemakt), en ôok vo d’Ingelsche Reformoatie mè z’n creoatie van de Kerke van Iengeland (Church of England), deur de Ingelsche Katholieke Kerke te schêen van de Rooms Katholieke Kerke (1534). Je bleef wel oudn an de meeste Katholieke tradities.

De reedn was da z’n êeste vrouwe Catharina van Aragón em gin zeune koste geevn. Z’aa zes dochters, woavan dat ollene Mary in leevn bleef. Doarom wildegt ie z’n uwelik oungeldig loatn verkloarn. Paus Clemens VII gingt doa nie mee akkôord omda Catharina van Aragón ‘n tante was van Karel V. Van da moment brakt ie definitief mè Rome.

Hendrik dêed olles vor an e zeune te geroakn vô de Tudor-dynastie te kunn voortzettn en ip die maniere Iengeland te bespoarn van nieuwe burgeroorlogn lik de Rôoznoorloogn.

Zyn zes vrouwn

  • Catharina van Aragón (1509, geschêed in 1533)
  • Anna Boleyn (1533, ountoofd in 1536)
  • Jane Seymour (1536, gestorvn in 1537)
  • Anna van Kleef (1540, ‘t zelfste joar geschêed)
  • Catharina Howard (1540, ountoofd in 1542)
  • Catharina Parr (1543, zy et em overleefd)

Zyn kinders

  • Mè Catharina van Aragón: êen kind: Maria I van Iengeland (18 februoari 1516 - 17 november 1558), trouwde mè Filips II van Spanje. Under zeune Hendrik van Cornwall eet in 1511 mor e poar weekn geleefd.
  • Met Anna Boleyn: êen kind: Elizabeth I van Iengeland (7 september 1533- 24 moarte 1603), loater keuniginne van Iengeland
  • Met Jane Seymour: êen kind: de loatern keunink Eduard VI van Iengeland (12 oktober 1537 – 6 juli 1553)

In 1513 veroverde keunink Hendrik VIII Doornik. ‘t Is d’n enigstn stad in België die ooit Ingels was. Je bouwde ’n citadel woavan dat ollene de torre is overgebleevn. Vo dien ofbroak zorgde Lodewyk XIV minder of ’n decennium loater.

Hendrik VIII is gestorvn in ‘t Paleis van Whitehall in Londn en begroavn in de St Georgekapelle in ‘t Kasteel van Windsor.