Reus

Reus deur Goya (1808)

Blanknbergsche reuzn: Korno, Colette en Seven

Een reus of reuze is een styf grôot en sterk weezn met een menschelik uterlik, die vele vôornkomt in de mythologie, in sagen en sprooksjes en ook in den bybel. ’t Woord reus wordt ook gebruukt vor uutzounderlik grôte menschn. In volksvertelsels zyn reuzn over ’t algemêen uutgestorvn moa ze bluuvn tout de verbeeldinge spreekn.

D'r zyn vele steedn die reuzn en, die de stad verteegnwoordign en die in stoetn en processies loopn. Dat is e styve oude traditie en da kan een echte of fictieve figeure zyn. In Vloandern allêne zyn d’r mêer of 1700 reuzn.

In november 2005 et den UNESCO verschillige reuzn erkend lik Weirelderfgoed.

Gekende reuzn

• Lange Wapper: e reuze uut Antwerpn.
• Goliath: e reuze uut 'n Bybel die verlôor van e klêen mannege.
• De reuze uut 't sprooksje van Klêen Duumtje

Reuzn in nuze streke

In West-Vloandern en Frans-Vloandern en sommigte steejs en dorpn e reuze die de plekke vertegenwôordigt in stoetn. E beknopt overzicht ('t joar van nunder êeste gebruuk stoat tusschen aksjes).

West-Vloandern

• Blanknberge: Korno, Colette en Seven, Gusten Kwik
• Kortryk: Manten en Kalle
• Madône: Celten den Trimard
• Nieuwpoort: Jan Turpin
• Oarienge: Karel de Blauwe
• Poperienge: Cyrus (17sn êeuw), Piere de Keikop (1958), Maai en Tjeppen (1963), Judok
• Roeseloare: Rolarius
• Wendune: Louw, Wanne, Scuteman, Pol de Kruwer
• Wervik: Mance, Pee, Jan Buuc, Marie Spillaert, Sos den Blauwer
• Yper: Goliath, Robrecht de Fries, Godfried de Tempelier, Nikolaas de Kanonnier, Cieper, Minneke Poes, Piepertje, Pietje Pek

Frans-Vloandern

• Boeschepe: Djoos de Bolder
• Kassel: Reuze Papa, Reuze Maman
• Caëstre: Pet'Je Boelder
• Oazebroeke: Tisje Tasje, Roland,...
• Stêenvôorde: Jan den Houtkapper,...

Ofbeeldiengn die ier by passn ku je vien in de categorie Reuzn van Wikimedia Commons.