Maximiliaan II: verschil tussen versies

Van Wikipedia
Verwijderde inhoud Toegevoegde inhoud
VolkovBot (discuusjeblad | bydroagn)
VolkovBot (discuusjeblad | bydroagn)
Regel 89: Regel 89:
[[sk:Maximilián II. Habsburský]]
[[sk:Maximilián II. Habsburský]]
[[sv:Maximilian II (tysk-romersk kejsare)]]
[[sv:Maximilian II (tysk-romersk kejsare)]]
[[tr:II. Maximilian (Kutsal Roma İmparatoru)]]
[[uk:Максиміліан II Габсбурґ]]
[[uk:Максиміліан II Габсбурґ]]
[[zh:马克西米利安二世 (神圣罗马帝国)]]
[[zh:马克西米利安二世 (神圣罗马帝国)]]

Versie van 23 okt 2008 17:57

Maximiliaan II
1527-1576
Maximiliaan II
Keizer van ‘t Illig Rôoms Ryk
Periode1564-1576
VôorgangerFerdinand I
IpvolgerRudolf II
Aartsertog van Oostnryk
Periode1564-1576
VôorgangerFerdinand I
IpvolgerRudolf II
Keunink van Ongareye en Boheemn
Periode1564 - 1576
VôorgangerFerdinand I
IpvolgerRudolf II
VoaderFerdinand I
MoederAnna van Boheemn

Maximiliaan II (Weenn, 31 juli 1527 - Regensburg, 12 oktober 1576), was keunink van Ongareye en Boheemn, aartsertog van Oostnryk en keizer van et Illig Rôoms Ryk.

Zyn jeugd

Maximiliaan is geboorn in Weenn en je was d’n oudste zeune van keizer Ferdinand I, de broere van Karel V, en van Anna van Boheemn en Ongareye, de dochter van keunink Ladislaus II van Boheemn en Ongareye. Z’n kinderjoarn brocht ’n deure by z’n ouders in Innsbruck, woa dat ’n Tirools leerde klappn.

An z’n zeevntien joar liet z’n nounkel keizer Karel V em no Spanje kommn vo z’n eeste politieke en militaire ervoaringn ip te doen.

In september 1548 trouwdegt ie in Valladolid mè z’n nichte Maria van Spanje, dochter van Karel V en je mocht van ton z’n schôonvoader in Spanje verteegnwoordign.

In december 1550 keerdegt ie were no Duutsland vo mee te doen an de besprekingn over d’ipvolginge. Karel wilde da z’n zeune Filips II (loater keunink van Spanje) em zoudt ipvolgn ols keizer, mo z’n broere Ferdinand I, die ol angeduud was vo die functie, en Maximiliaan woarn teegn da voorstel. Da zorgde vor e serieus conflict tusschn de twi takkn van de Habsburgsche familie. In 1552 is Maximiliaan zelfs ziek gewist achter dan z’em vergif gegeevn aan.

Zyn loater leevn

Maximiliaan vestigdeg em in Weenn woa dat ’n em surtout bezig ield mè de regeringe over de Oostnryksche gebiedn en under verdediginge teegn de Turkn van ’t Ottomoansche Ryk. Maximiliaan regeerdege binst de Luthersche ervormingn en je luusterde no d’argumentn van de protestantn. Teegn de gouste van z’n voader liet ‘n Luthersche prekers, adviseurs, dokteurs en weetnschappers kommn no z’n of en je rakte bevriend mè de Luthersche preker Sebastian Pfauser. O z’n voader Ferdinand I in 1558 keizer wierd most ‘n beloovn an paus Paulus IV da z’n zeune em ollene mo gink ipvolgn ot ’n em ield an ‘t officiëel geloof van Rome.

D’n veertienstn meie 1562 wierd ’n tout keunink van Boheemn gekroond in Praag, en d’n vierentwintigstn november van ’t zelfste joar tout Rooms-Duuts keunink in Frankfurt, achter dat ‘n publiekelik verkloarde dat ’n em ossan gink oudn an ‘t katholiek geloof. In 1563 volgde z’n kroninge tout keunink van Ongareye en o z’n voader stierf in juli 1564 volgdegt ie em ip ols keizer van ’t Illig Rôoms Ryk en de keuninkrykn Ongareye en Boheemn.

In 1566 was de Turkschn oorlog were erbegost. Maximiliaan wilde liever vrede mo je was verplicht van de grenzn van de christelikke weireld te verdedign en de Turkn zettegen druk ip z’n keizerryk en surtout ip Weenn. Maximiliaan kwam of met e groot leger vo z’n gebiedn te verdedign. In 1568 kwoamn ze uuteindelik tout ’n overeenkomste.’t Vredesverdrag, da Ferdinand I binst zyn regeringe geslootn aad mè Süleyman I, deur joarliks 30.000 dukoatn te betoaln, wierd verlengd.

De reloatie tusschn Maximiliaan en Filips II was nu stilletjes an verbeterd. Filips’ zeune Don Carlos was gestorvn en da makte de weg were oopn vo Maximiliaan of een van z’n zeuns, vo de Spoansche trone te kunn ipvolgn. Doarom probeerdegt ie zo vele meugelik van goed te stoan mè Filips en je gaf meer en meer toe ip gebied van godsdienst. In 1570 trouwde Filips II mè Maximiliaans oudste dochter Anna van Oostnryk. Ze was z’n vierde vrouwe. Under zeune Filips III is loater keunink van Spanje gewordn.

Vrouwe en kinders

D’n dertienstn september 1548 trouwde Maximiliaan mè z’n nichte Maria van Spanje. Z’aan neegn zeuns en zes dochters:

  • Anna van Oostnryk (1549-1580), trouwde mè Filips II en was de moeder van Filips III
  • Ferdinand van Oostnryk (1551-1552)
  • Rudolf II (1552-1612), keizer van et Illig Rôoms Ryk
  • Aartsertog Ernst van Oostnryk (1553-1595), Landvoogd van de Nederlandn
  • Elisabeth van Habsburg (1554-1592), trouwde mè Karel IX van Frankryk
  • Maria van Oostnryk (1555-1556)
  • Matthias (1557-1619), keizer van et Illig Rôoms Ryk
  • E doodgeboorn zeune (1557)
  • Aartsertog Maximilian III van Oostnryk (1558-1618)
  • Aartsertog Albrecht van Oostnryk VII (1559-1621), landvoogd van de Nederlandn, trouwde mè Aartsertoginne Isabella
  • Wenzel van Oostnryk (1561-1578)
  • Friedrich van Oostnryk (1562-1563)
  • Maria van Oostnryk (februoari 1564-moarte 1564)), genoemd achter eur gestorvn zuster
  • Karl van Oostnryk (1565-1566)
  • Margaretha van Oostnryk (1567-1633), nunne
  • Eleonore van Oostnryk (1568-1580)

Maximiliaan stierf d’n twoalfstn oktober 1576 in Regensburg, juste vo dat ‘n Pooln wildeg anvolln. Ip z’n sterfbedde èt ’n de latste sacramentn van de kerke gerefuseerd.

J’is begroavn in de St. Vitus Kathedroale in Praag.

Z’n oudste zeune in leevn, Rudolf II, die in oktober 1575 verkoozn was ols Rooms-Duuts keunink, volgdeg em ip ols keizer van ‘t Illig Rôoms Ryk.