Zilvermêeuwe

Zilvermêeuwe
Zilvermêeuwe ip ‘t strange
Taxonomische indêlienge
Ryk: Animalia (Bêestn) Stamme: Chordata (Chordabêestn) Klasse: Aves (Veugels) Orde: Charadriiformes (Steltloperachtigen) Familie: Laridae (Mêeuwen) Geslacht: Larus
Sorte
Larus argentatus Linnaeus, 1758

De zilvermêeuwe (Larus argentatus) is een veugel van de familie van de mêeuwen.

Uutzicht

Een zilvermêeuwe kan 60 cm grôot wordn en de spanwydte van z’n vlerkn kan goan tout 145 cm. Z’n pluumn zyn wit, de bovenkant van z’n vlerkn zyn grysde en de toppn van zyn vlerkn zyn zwart me witte vlekkn. Je weegt tout 1,5 kg.

Zyn ogen en zyn bek zyn geel. Van ounderen an de vôorkant van zyn bek et ‘n een rooie vlekke. De vintjes en de wuvetjes en de zelfste kleur.

Een zilvermêeuwe kan 32 joar oud wordn.

Leefgebied

De zilvermêeuwe leeft surtout an de kustn van Nôord-en Middn-Europa.

Voedienge

Zilvermêeuwen zyn alleseters. Z’eetn vis, mussels, kokkels, krabbn, worms, eiers en klêne veugels. Ze zoekn ook eetn in vuulzakkn en ip vuulhoopn.

Vôortplantienge

’t Deurt vier tout zeven joar êer dat de zilvermêeuwe geslachtsrype wordt. ’t Wuvetje legt drie eiers in een nest gemakt van plantn. Achter 28 doagn broedn tusschn april en juli kommn de joungsjes uut.

Mêer ofbeeldiengn die ier by passn ku je vien ip Larus argentatus ip Wikimedia Commons.