Westbouw

Westbouw van de collegioale kerke Sint-Gertrudekerke in Neyvel

Ne westbouw, westkoor of westwerk es ne grootn uutbouw an 't westelik uutende van groddere kerkgebouwn lik kathedroaln en abdykerkn. Ze zyn vo 'n eestn kee gebruukt gewist by karolingische gebouwn en tout an de romoansche periode toegepast gewist.

Ne westbouw bestoat meestol uut e middnstik, soms groot, soms klene, soms mèi e grote torre d'r ip, en twee zytorretjes. 't Middnstik hèit twee verdiepn. Den beneen dient lik inkom en up 't eeste verdiep hèi je e twidde koor, et westkoor, dat in oopn verbindienge stoat mèi de kerke.

Oe d'r ne westbouw es, lykt et of da 't gebouw twee transeptn hèit nl. et westtransept, dat es den westbouw zelve, en de courantere oostelik geleegn dwarsbeuke. Den westbouw hèit soms ook één of meerdere absiden (zie foto).

Kerkn mèi westkoor in de Lege Landn

D'r zyn nie veel gebouwn nie mèi die nog ne westbouw hèin.

• Sint-Bartholomeuskerke, Luuk
• Sint-Gertrude, Neyvel
• Basilieke van Ouze-Lieve-Vrouwe Tenhemelupnemienge, Moastricht

Ofbeeldiengn die ier by passn ku je vien in de categorie westkoor van Wikimedia Commons.

Ofbeeldiengn die ier by passn ku je vien in de categorie romoanschn westbouw van Wikimedia Commons.