Gardameer: verschil tussen versies

Van Wikipedia
Verwijderde inhoud Toegevoegde inhoud
TXiKiBoT (discuusjeblad | bydroagn)
JAnDbot (discuusjeblad | bydroagn)
k robot Erbij: ms:Tasik Garda
Regel 64: Regel 64:
[[lv:Gardas ezers]]
[[lv:Gardas ezers]]
[[mk:Гарда (езеро)]]
[[mk:Гарда (езеро)]]
[[ms:Tasik Garda]]
[[nl:Gardameer]]
[[nl:Gardameer]]
[[nn:Gardasjøen]]
[[nn:Gardasjøen]]

Versie van 5 feb 2009 09:51

Et Gardameer (Italjoans: Lago Di Garda) es een meer in Itoalië.

Geografie

Et Gardameer vanuut de ruumte

Et Gardameer es et grôotste meer van Itoalië, en ligt in et nôordn van et land. Et ôort soamn me ounder ander et Comomeer en het Lago Maggiore tot de zogenoamde Nôord-Italioanse meern. Den omtrek van et meer es oungeveer 152km. Het meer eit nen typische vorm: lang en smol in 't nôordn, en brêed en round in 't zuudn. Da es een gevolg van zyn liggienge, want de nôorderpunt ligt volledig in de uutlopers van de Alpn en es vrêe bergachtig, terwijl het vlakke zuudn ol dêel uutmakt van de Po-vlakte. De diepte van et meer weirdt ôok bepoald deur de omliggnde geografie: in het nôorden goat et meer tot 350 meiters diepe, moar in 't zuudn eit et meer mêer et karakter van nen oundiepn bassing. Der zyn verschillnde klêene eilandjes in et meer te vinden, en in 't zuudn ei je een schiereiland.

Streekn en gemêentn

Et Gardameer ligt ip het groundgebied van 3 Italjoanse provincie: Trento in et nôordn, Brescia an de westkant en Verona an de ôostkant. Der zyn verschillnde gemêentn round het meer:

  • In Trento:
    • Riva del Garda
    • Torbole
  • In Brescia (van nôord noa zuud):
    • Limone sul Garda
    • Tremosine
    • Tignale
    • Gargnano
    • Toscolano-Maderno
    • Gardone Riviera
    • Salò
    • Manerba del Garda
    • San Felice del Benaco
    • Manerba del Garda
    • Moniga del Garda
    • Padenghe sul Garda
    • Lonato
    • Desenzano del Garda
    • Sirmione (geleegn ip et schiereiland)
  • Verona (van nôord noa zuud)
    • Malcesine
    • Brenzone
    • Torri del Benaco
    • Garda
    • Bardolino
    • Lazise
    • Castelnuovo del Garda
    • Peschiera del Garda

Toerisme

Weegns zyn unieke liggienge es et Gardameer êen van de grôotste toeristische trekpleisters van Itoalië, zowel by de binnelanse bevolkienge als by de buutnlanders. Ge keunt er vrêe gevarieerde toeristische activiteitn doen: de kiezelstrandn en het zoete, lauwe woater nôdigen uut voo relaxte standvakanties in 't zuudn. In't nôordn keun je het meer combineern me uutstappn in de bergn. In Malcesine bievôorbeeld es't er een koabellifte die noa een ôogte van 1800 meiters goat (de Monte Baldo), van woaruut da je wandeliengn noa toppn tot 2200 meiters keunt moakn. Mounten-biken en valschermspriengn zyn ôok vrêe populair in het nôordn van et meer. Deur de liggienge van et meer es er ôok redelyk vee wind ip het meer. Doardeure ei je vee activeitn ip het meer gelyk windsurfn, kyte-surfn, zeiln,... En da olles gecombineerd met de gekende Italioanse kwaliteitn gelyk goe were, goe eetn en drinkn,... In de wydere omgevienge zyn det typische Italiaonse steedn mè een ryke istory, gelyk Verona, Trento en Brescia.