Zwin

't Zwin is een oeden zeeoarm die in de middeleeuwn van de kust noa Bruhhe liep. 't Zwin verzandege en de (ton kljene) zilbootn kosten hoogstes nog noh Damme voaren. Loater was zelfs da nie mi meuhlik en moestn z'anlegn in Sluus. Napoleon trok ne voart van Bruhhe noa Sluus, de Zwinvoart, e stikske liep zelfs dwis deur Damme. In den omtrek van da kanoal lopt er nog een beke, 't Zwintjen en da volgt 't oede tracee van 't Zwin voer e stik, wan 't Zwin ed 'em in de middeleeuwn wok verschillende kjeern verleid. A't ard genoeg vriest, wordt er in de wienter de zwinsteedntocht georganiseerd.