Maximiliaan II: verschil tussen versies

Van Wikipedia
Verwijderde inhoud Toegevoegde inhoud
Pastel (discuusjeblad | bydroagn)
Geen bewerkingssamenvatting
Regel 74: Regel 74:
[[Categorie:Keizer van et Illig Rôoms Ryk]]
[[Categorie:Keizer van et Illig Rôoms Ryk]]
[[Categorie:Habsburg]]
[[Categorie:Habsburg]]

[[be:Максіміліян II Габсбург]]
[[be:Максіміліян II Габсбург]]
[[ca:Maximilià II del Sacre Imperi Romanogermànic]]
[[ca:Maximilià II del Sacre Imperi Romanogermànic]]
Regel 84: Regel 85:
[[et:Maximilian II (Saksa-Rooma keiser)]]
[[et:Maximilian II (Saksa-Rooma keiser)]]
[[fi:Maksimilian II]]
[[fi:Maksimilian II]]
[[fr:Maximilien II du Saint Empire]]
[[fr:Maximilien II du Saint-Empire]]
[[he:מקסימיליאן השני, קיסר האימפריה הרומית הקדושה]]
[[he:מקסימיליאן השני, קיסר האימפריה הרומית הקדושה]]
[[hr:Maksimilijan II., car Svetog Rimskog Carstva]]
[[hr:Maksimilijan II., car Svetog Rimskog Carstva]]

Versie van 21 apr 2009 22:49

Maximiliaan II
1527-1576
Maximilian II
Keizer van et HRR
Periode1564-1576
Vôorganger Ferdinand I
IpvolgerRudolf II
Aartshertog van Oostnryk
Periode1564-1576
VôorgangerFerdinand I
IpvolgerRudolf II
Keunink van Hongareye en Boheemn
Periode1564 - 1576
VôorgangerFerdinand I
IpvolgerRudolf II
VoaderFerdinand I
MoederAnna van Boheemn


Maximiliaan II (Weenn, 31 juli 1527 - Regensburg, 12 oktober 1576), was keunink van Hongareye en Boheemn, aartshertog van Oostnryk en keizer van et Hillig Rôoms Ryk.

Zyn jeugd

Maximiliaan is geboorn in Weenn en je was den oudste zeune van keizer Ferdinand I, de broere van Karel V. Zyn moeder was Anna van Boheemn en Hongareye, de dochter van keunink Ladislaus II van Boheemn en Hongareye. Zyn kienderjoarn brocht ’n deure by z’n ouders in Innsbruck, woa dat ’n Tirools lêerde klappn.

An z’n zeevntien joar liet z’n nounkel keizer Karel V em no Spanje kommn vo z’n êeste politieke en militaire ervoaringn ip te doen.

In september 1548 trouwdegt ie in Valladolid me z’n nichte Maria van Spanje, dochter van Karel V en je mocht van ton z’n schôonvoader in Spanje verteegnwoordign.

De joungn aartshertog Maximiliaan

In december 1550 keerdegt ie were no Duutsland vo mee te doen an de besprekiengn over d’ipvolgienge.

Karel V ha gewild da z’n zeune Filips II (loater keunink van Spanje) em zoudt ipvolgn ols keizer, mo z’n broere Ferdinand I, die ol angeduud was vo die functie, en Maximiliaan woarn teegn da voorstel. Da zorgde vor e serieus conflict tusschn de twi takkn van de Habsburgsche familie. In 1552 is Maximiliaan zelfs ziek gewist achter dan z’em vergif gegeevn han.

Zyn loater leevn

Maximiliaan vestigdeg’ hem in Weenn woa dat ’n hem surtout bezig hield me de regerienge over de Oostnryksche gebiedn en under verdedigienge teegn de Turkn van ’t Ottomoans Ryk. Maximiliaan regeerdege binst de Luthersche hervormingn en je luusterde no d’argumentn van de protestantn. Teegn de gouste van z’n voader liet ‘n Luthersche prekers, adviseurs, dokteurs en weetnschappers kommn no z’n hof en je rakte bevriend me de Luthersche preker Sebastian Pfauser. O z’n voader Ferdinand I in 1558 keizer wierd most ‘n beloovn an paus Paulus IV da z’n zeune hem ollêne mo gienk ipvolgn ot ’n hem hield an ‘t officieel geloof van Rome.

Den vêertienstn meie 1562 wierd ’n tout keunink van Boheemn gekrôond in Praag, en den vierentwientigstn november van ’t zelfste joar tout Rôoms-Duuts keunink in Frankfurt, achter dat ‘n publiekelik verkloarde dat ’n hem ossan gienk houdn an ‘t katholiek geloof. In 1563 volgde z’n krônienge tout keunink van Hongareye en o z’n voader stierf in juli 1564 volgdegt ie hem ip ols keizer van ’t Hillig Rôoms Ryk en de keuninkrykn Hongareye en Boheemn.

In 1566 was de Turkschn oorloge were herbegost. Maximiliaan wilde liever vrede, mo je was verplicht van de grenzn van de christelikke weireld te verdedign, en de Turkn zettegn druk ip z’n keizerryk en surtout ip Weenn. Maximiliaan kwam of met e grôot leger vo z’n gebiedn te verdedign. In 1568 kwoamn ze uuteindelik tout ’n overêenkomste. ’t Vredesverdrag, da Ferdinand I binst zyn regerienge geslootn had me Süleyman I, deur joarliks 30.000 dukoatn te betoaln, wierd verlengd.

De reloatie tusschn Maximiliaan en Filips II was nu stilletjes an verbeterd. Filips’ zeune Don Carlos was gestorvn en da makte de weg were oopn vo Maximiliaan of êen van z’n zeuns, vo de Spoansche trône te kunn ipvolgn. Doarom probeerdegt ie zo vele meugelik van goed te stoan me Filips en je gaf mêer en mêer toe ip gebied van godsdienst.

In 1570 trouwde Filips II me Maximiliaans oudste dochter Anna van Oostnryk. Ze was z’n vierde vrouwe. Under zeune Filips III is loater keunink van Spanje gewordn.

Vrouwe en jounges

Den dertienstn september 1548 trouwde Maximiliaan me z’n nichte Maria van Spanje. Z’han neegn zeuns en zes dochters:

  • Anna van Oostnryk (1549-1580), trouwde me Filips II en was de moeder van Filips III
  • Ferdinand van Oostnryk (1551-1552)
  • Rudolf II (1552-1612), keizer van et Hillig Rôoms Ryk
  • Aartshertog Ernst van Oostnryk (1553-1595), Landvoogd van de Nederlandn
  • Elisabeth van Habsburg (1554-1592), trouwde me Karel IX van Frankryk
  • Maria van Oostnryk (1555-1556)
  • Matthias (1557-1619), keizer van et Hillig Rôoms Ryk
  • E dôodgeboorn zeune (1557)
  • Aartshertog Maximilian III van Oostnryk (1558-1618)
  • Aartshertog Albrecht van Oostnryk VII (1559-1621), landvoogd van de Nederlandn, trouwde me Aartshertoginne Isabella
  • Wenzel van Oostnryk (1561-1578)
  • Friedrich van Oostnryk (1562-1563)
  • Maria van Oostnryk (februoari 1564-moarte 1564)), genoemd achter heur gestorvn zuster
  • Karl van Oostnryk (1565-1566)
  • Margaretha van Oostnryk (1567-1633), nunne
  • Eleonore van Oostnryk (1568-1580)

Maximiliaan stierf den twoalfstn oktober 1576 in Regensburg, juste vo dat ‘n Pooln wildeg’ anvolln. Ip z’n sterfbedde hèt ’n de latste sacramentn van de kerke gerefuseerd.

J’is begroavn in de St. Vitus Kathedroale in Praag.

Z’n oudste zeune in leevn, Rudolf II, die in oktober 1575 verkoozn was ols Rooms-Duuts keunink, volgdeg em ip ols keizer van ’t Hillig Rôoms Ryk.

Wikimedia Commons