Veugelpyk: verschil tussen versies

Van Wikipedia
Verwijderde inhoud Toegevoegde inhoud
TXiKiBoT (discuusjeblad | bydroagn)
k robot Erbij: az:Darts
SieBot (discuusjeblad | bydroagn)
k robot Anders: nl:Darts (sport)
Regel 60: Regel 60:
[[lt:Smiginis]]
[[lt:Smiginis]]
[[mn:Дартс]]
[[mn:Дартс]]
[[nl:Darten]]
[[nl:Darts (sport)]]
[[no:Dart]]
[[no:Dart]]
[[pl:Dart]]
[[pl:Dart]]

Versie van 2 mei 2009 14:08

Veugelpyk is e kaffeesport die officieel darts noemt. 't Is overol in de weireld espeeld, mo 't komt van Iengeland. Vroeger hiengt er in iedern kaffee e veugelpyk, nu is dat e bitje emienderd, mo 't zyn der ogliek nog vele. De bedoelienge is voun me drie pyltjes (‘’darts’’ in 't Iengels) zoe goed meugelik te smytn (en in e nermoal spel 501 te smytn).

E veugelpyk en de moatn

Ne veugelpyk

E veugelpyk is e rounde van e houtn ploate met doarup zwynhoar of synthetiesche vezels met doaround e metoaln band. Vanvôorn is 'n upedêeld in e rôze (groen=25 puntn, rôod=50 puntn) me doaround 4 riengels (vanbuutn=2x (e dubbeln), toune x1, toune x3 (e tripel) en toune were x1) ounderverdêeld in cyfers van êen toet twientig. A je dus in tripel 20 smyt, e je 60 puntn esmeetn. De riengels van de dubbels en de tripels zyn oftewel rôod, oftewel groene. De geweune riengels zyn gilf en zwort.

De numers stoan ezô up e veugelpyk, vanboovn te begun in wyzerzinne: 20-1-18-4-13-6-10-15-2-17-3-19-7-16-8-11-14-9-12-5. Roend olle vaksjes is er e metoaln droad (oek round dubbels, tripels en de rôozn).

De deursnee van e veugelpyk is bykan 46cm. En hangt 173cm hoge (emeetn van 't middn van de rôze toet de ground, oungeveer up d'hogte van d'oogn van e mens van e meiter tachentig) en de lyne ligt up 2 meiter 37 van de vôorkant van veugelpyk.

’t Spel zeve

Veugelpyk ounderdêlen

’t Bestoan e masse verschillige spelln, mo ’t mêest van ol smytn twêe menschn teegn makoar toet 501. De mêeste veugelpykers smytn achter de tripel 20, mo j’et er oek die achter de tripel 19 smytn.

De spelers smytn ek up ze toer met 3 pyltjes en ze smytn toet an ze 501 en. Uutsmytn moe wel gebeurn met e dubbeln of met de rôze. Oltemets is er oek espeeld toet 301 (voen 't e bitje zidder te loatn goan).

Mêestol is er vantevôorn ofesprookn hoevele spelletjes dan ze speeln.

Vroeger moest er in redelik vele kaffees begunn zyn met e dubbeln.

Puntn

  • 180: ’t ogste meugelik me 3 pyls (3x tripel 20)
  • 170: d’ogste uutsmete (2x tripel 20 en e rôo rôze)
  • Nine dart finish: 501 met neegn pyls (mêerder meugelikheedn, oundermêer 3xT20, 3xT20, T20 T19 D12)

Varia

  • Fabien Theeten (Poperienge) is voun 't mooment êen van de beste veugelpykers van België en smyt oek internationaal redelik mei.
  • ’n Latstn Belg die meiedoan et an 't Lakeside weireldkampioenschap, is Erik Clarys (The Sheriff). Deur en accident up zyn werk et 'n zyn arme ebrookn en got 'n nermoal gezien nie mi kunn smytn.
  • Up weireldvlak zyn der twêe boundn: BDO (dan ze toogn up 'n BBC) en PDC.
  • De bestn veugelpyker ôois is Phil Taylor, die 14 kirs 't weireldkampioenschap ewonn et (2 by 'n BDO en 12 byn 'n PDC) en nog indeliks vele aar grôte toernôoin. En et oek ol 6 nine dart finishes die up tilleviezje ekommn zyn, esmeetn.

Externe koppelienge