Fossiel

Ammoniet

Ichthyosaurus

Fossieln zyn d' overbluufsels of spôorn van prehistorisch leevn. Over 't algemêen zyn fossieln oud, 't is te zeggn minstens 10,000 joar oud, en mêestol veel ouder, omdat 't overgrôot dêel van de fossieln verstêend zyn deur de verplatsienge van d' ôorspounkelike overbluufsels deur rotse.

Fossilisoatie

Wa dat een mens moet onthoudn is da fossilisoatie vrê zelden gebeurt, en up 't land nog minder dan in de zêe. 't Is doavan dan de mêeste fossieln marien zyn, en dikwils van geschelpte bêestjes, omdat die minder rap rottn, en doadeure mêer kanse hen van te verstêenn.

Bêestnfossieln

De mêest olgemêne fossieln kommn van brachiopoodn, bivalvia, crinoiedn en cephalopoodn, afhankelik van waffer geologische periode da j' ounderzoekt.

Minder dikwils ku je gewerveldn viendn, gelik bêendern van ichthyosauruusn of wulhoarige neushôorns. Ge moe wel weetn woa da je der noa moe vôorn zoekn.

Plantnfossieln

Behalve in stêenkoollaagn zyn plantnfossieln nogol schoars, en dat is ton mêestol gepetrifieerd hout.

Spôorfossieln

Die zyn gemakkeliker te viendn, omdat een bêeste veel spôorn kan naloatn, mo moar êen lichaam

Viendplatsn in West-Vloandern

D' er zyn mo winnig plekkn in West-Vloandern woa da je fossieln kunt viendn. Ge kut oltyd noa de golfbrekers an de kust goan kykn, moa dat is eigentlik gin rotsen van hier. De dichtste plekkn woa da je kunt goeie fossieln viendn is Cap Blanc-Nez ten zuudn van Calais.

• 
  Verstêend stik hout
• 
  Ichthyosaurus coproliet
• 
  Crinoïde

• 
  Wulhoarige neushôorn
• 
  Skolithos spôorn

Ofbeeldiengn die ier by passn ku je vien in de categorie Fossieln van Wikimedia Commons.