Maria van Hongareye (1505-1558): verschil tussen versies

Van Wikipedia
Verwijderde inhoud Toegevoegde inhoud
TXiKiBoT (discuusjeblad | bydroagn)
TXiKiBoT (discuusjeblad | bydroagn)
Regel 57: Regel 57:
[[ru:Мария Австрийская]]
[[ru:Мария Австрийская]]
[[sr:Марија од Угарске]]
[[sr:Марија од Угарске]]
[[th:แมรีแห่งออสเตรีย สมเด็จพระราชินีแห่งฮังการีและโบฮีเมีย]]

Versie van 14 ogu 2009 17:39

Maria van Ongareye
15051558
Maria van Ongareye
Keuniginne van Ongareye en Boheemn
Periode1522-1526
VôorgangerAnna van Foix
IpvolgerAnna van Boheemn
Landvoogdesse van de Nederlandn
Periode15301555
VôorgangerMargaretha van Oostnryk
IpvolgerEmanuel Filibert van Savoye
VoaderFilips den Schoonn
MoederJohanna van Kastilië

Maria van Ongareye (Brussel, 18 september 1505Cigalos, 18 oktober 1558) was ‘n dochter van Filips den Schoonn en Johanna van Kastilië. Eur grôotouders langs moeders kant woarn Isabella I van Kastilië en Ferdinand II van Aragon. Eur grôotouders langs voaders kant Maria van Bourgondië en Maximiliaan I.

Eur jounk leevn

Maria is geboorn in Brussel. Tegoare met eur broere, keizer Karel V, en eur zusters Eleonora en Isabella is z’ipgebrocht in Mecheln deur eur tante Margaretha van Oostnryk, landvoogdesse van de Nederlandn. Nog vor eur eeste verjoardag beloofdeg eur grôotvoader Maximiliaan I eur an Wladislaus II, de keunink van Ongareye en Boheemn en z’n vierde vrouwe Anna van Foix, vo de vrouwe te wordn van under zeune die ton nog nie geboorn was. D’n eestn juli 1506 is eur toekomstign vint, de loateren keunink Lodewyk II van Ongareye geboorn.

D’n tweeëntwintigstn juli 1515 wast er 'n dubbele trouwfeeste in de Stephansdom in Weenn: vor eur mè Lodewyk en ook vor eur oudere broere Ferdinand mè Lodewyks oudere zuster Anna van Boheemn. Maximiliaan was platsvervanger vo zijn klêenzeune Ferdinand, die zelve nie anwezig was.

Van tonne voors wierd Maria in Innsbruck voorbereid ip eur rolle ols keuniginne van Ongareye. In ‘t vôorjaar van 1521 voarde ze mè d‘n boot van Linz no Weenn en ton no Boeda. Lodewyk was doa vo de dreiginge van de Turkn van ‘t Ottomoansche Ryk.

In 1522 was under officieeln trouw. Vier joar loater sneuvelde Lodewyk an z’n twintig joar binst de gevechtn teegn Süleyman I in de Slag by Mohács, (29 augustus 1526). Maria wierd ton regente in Ongareye tou an de kroninge van de nieuwn keunink, eur broere Ferdinand.

Z’is loater nie mêer ertrouwd.

Landvoogdesse van de Nederlandn

Achter d’n dood van eur tante Margaretha van Oostnryk in 1530, wierd Maria deur eur broere Karel V angesteld ols landvoogdesse van de Nederlandn.

In 1542 liet ze in ‘t zuudn van de provincie Naamn, ‘n versterkte stad anleggn die noar eur vernoemd is: Mariembourg. En in de Enegouwse stad Binche liet ze ’n paleis bouwn woa da ze vele verbleef.

D’n vuufentwintigstn oktober 1555 gaf z’eur besteursfunctie over de Nederlandn ip, tegoare mè ’t oftreedn van eur broere Karel V. Mo z’ielp nog ’n joar mee mè Filips II van Spanje die van 1555 Heer der Nederlandn was en mè Emanuel Filibert van Savoye, eur ipvolger ols landvoogd van de Nederlandn.

Spanje

D’n viftienstn september 1556 vertrok ze tegoare met eur broere Karel en eur zuster Eleonora no Spanje. Achter d’n dood van Eleonora in februari 1558 en loater ’t zelfste joar d’n eenentwintigstn september van Karel, is Maria styf ziek gewordn en d’n achttienstn oktober van ’t zelfste joar is ze gestorvn in Cigalos.