Arnulf I van Vloandern: verschil tussen versies

Van Wikipedia
Verwijderde inhoud Toegevoegde inhoud
Pastel (discuusjeblad | bydroagn)
links
Pastel (discuusjeblad | bydroagn)
Regel 40: Regel 40:
In 934 ist Arnulf getrouwd met [[Adele van Vermandois]], dochter van Herbert II van [[Vermandois]]. Hunder jounges woarn:
In 934 ist Arnulf getrouwd met [[Adele van Vermandois]], dochter van Herbert II van [[Vermandois]]. Hunder jounges woarn:
*Elftrude, round 932 geboorn, in 964 getrouwd me Siegfried den Deen, groaf van Guînes
*Elftrude, round 932 geboorn, in 964 getrouwd me Siegfried den Deen, groaf van Guînes
* Hildegarde van Vloandern (934-990), getrouwd round 943 me Dirk II van Holland, groaf van West-Friesland en van 965 groaf van [[Gent]]
* Hildegarde van Vloandern (934-990), getrouwd round 943 me Dirk II van Holland, [[Groafschap Holland#‘t Groafschap West-Friesland|groaf van West-Friesland]] en van 965 groaf van [[Gent]]
* Egbert (937-953)
* Egbert (937-953)
* Luitgarde van Vloandern (938-964), getrouwd in 950 me Wichman II van Hamaland
* Luitgarde van Vloandern (938-964), getrouwd in 950 me Wichman II van Hamaland

Versie van 7 sep 2009 15:21

Arnulf I van Vloandern
889 - 965
Groaf van Vloandern
Periode918-965
me Boudewyn III :
(958-962)
VôorgangerBoudewyn II
IpvolgerArnulf II van Vloandern
Groaf van Boulogne
Periode933 - 964
VôorgangerAdalolf
IpvolgerArnulf II van Boulogne
VoaderBoudewyn II
MoederÆlfthryth van Wessex
De môord ip Willem I van Normandië in ipdracht van Arnulf I (Grandes Chroniques de France deur Jean Fouquet, 1455-1460)

Arnulf I, bygenoamd den Grôotn (889 - 27 moarte 965), was de derdn groaf van Vloandern. Je was den oudste zeune van groaf Boudewyn II van Vloandern en d’Ingelsche Ælfthryth van Wessex, dochter van Alfred den Grôotn. J’is genoemd achter zyn verrn vôorouder Arnulf van Metz, vo dudelik te moakn dat ’n ofstamde van de Karoliengers.

Zyn voader had hem binst zyn regerienge styf kunn emancipeern van de Fransche krône, in teegnstellienge me zyn grôotvoader Boudewyn I, die nog dudelik minder zelfstandig was. Achter d’invoasies van de Vikings ha Boudewyn II hem kunn mêester moakn van de verloatn gouwn in de nôordelikke Scheldestreke.

Achter zyn dôod in 918 wierd zyn groafschap verdêeld ounder zyn twi zeuns. Arnulf den oudstn erfde ‘t grotste (nôordelik) stik, ’t eigentlikke Vloandern. Zyn joungere broere Adalolf krêegt de streke van Terwoan en Boonen (Boulogne) en de ryke Sint- Bertynsabdye.

Uutbreidienge van 't Groafschap Vloandern

Achter den dôod van zyn broere in 933 krêeg Arnulf nog zyn dêel d’r by en je kost zyn groafschap nog no ’t zuudn uutbreidn met Artesië, Ponthieu, Amiens en Oosterbant (Ostrevent), tout over de riviere de Somme.

Vo zyn groafschap te kunn uutbreidn had ‘n kunn profiteern van de conflictn vo de macht in West-Francië tusschn Karel den Simpeln en Robert I.

In 922 han bepoalde edeln w.o. Herbert II van Vermandois gerevolteerd teegn Karel den Simpeln en z’han Robert I, broere van Odo I gekrôond tout keunink. Den 15stn juni 923, in de Slag van Soissons, is Robert I gesneuveld, mo Karel den Simpeln wierd gevangn gezet en ze verkoozn Rudolf I tout nieuwn keunink van West-Francië.

Arnulf had êest de Karolienger Karel den Simpeln gesteund in de slag van Soissons en loater Rudolf I teegn de Deenschn Viking Rollo, de stamvoader van d’hertoogn van Normandië.

O Siegfried den Deen en zyn Vikings hunder in 928 mêester miekn van ’t loatere Guînes, stopte Arnulf zyn verzet. Je gaf zyn dochter en den titel van groaf van Guînes an Siegfried, die vazal van de groaf van Vloandern wierd.

In 936 wierd keunink Rudolf I ipgevolgd deur Lodewyk IV van Overzêe. ’t Was de zeune van Karel den Simpeln en dus wast er were e Karolienger an de macht. Moar Arnulf kwam in conflict met hem en je most Amiens ofstoan.

In 939 gerakte Arnulf in oorloge me Willem I van Normandië. Den 17stn december 942 wierd er e vergoarienge g’organiseerd vo te klappn over vrede. Ze kwoamn oungewoapnd tegoare in Picquigny ip ’n eilandje in de Somme. Moar achter dat iederêen weg was liet Arnulf Willem were roepn. Willem die niks ip had en were kwam wierd vermôord.

Vrouwe en jounges

In 934 ist Arnulf getrouwd met Adele van Vermandois, dochter van Herbert II van Vermandois. Hunder jounges woarn:

  • Elftrude, round 932 geboorn, in 964 getrouwd me Siegfried den Deen, groaf van Guînes
  • Hildegarde van Vloandern (934-990), getrouwd round 943 me Dirk II van Holland, groaf van West-Friesland en van 965 groaf van Gent
  • Egbert (937-953)
  • Luitgarde van Vloandern (938-964), getrouwd in 950 me Wichman II van Hamaland
  • Boudewyn III (940-962), groaf van Vloandern

J’had ook nog ’n ounwettige dochter, Hildegard.

Zyn loater leevn

Ounder zyn voader en grôotvoader Boudewyn I en II han z'ip den Burg in Brugge e versterktn burcht teegn de Vikings gebouwd. An de burcht wierd er ook e Pre-Romoansche kapelle gebouwd.

In 944 liet Arnulf de kapelle verbouwn tout e Karolingische kerke, de Sint-Donaaskerke. Je liet de kerke bouwn no ’t model van de Paltskapelle van Karel den Grôotn in Aakn. ’t Was e symbool van groafelikke macht.

J’het ook de kerke van Tourhout gesticht en de kapelle van St-Jan in Gent. In 945 gaft ’n ipdracht an Gerard van Brogne vo de klôosters in ’t groafschap t’hervormn. Je begost me de twi Gentse abdyen Sint-Pieters en Sint-Baafs en loater ook de Sint- Bertynsabdye, Sint-Omer en Sint Amand.

Round 960 het Arnulf in de Sint- Donaaskerke van Brugge e seculier kapittel gesticht met e college van prôost, deekn en 12 kanunnikn.

Arnulf miek zyn zeune Boudewyn III co-besteurder in 958, mo Boudewyn stierf ounverwachts in 962 an de pokkn of de moazels.

De zeuns van Arnulfs broere Adalolf kwoamn in ipstand en die crisis verplichtte Arnulf van e pact te sluutn me de nieuwn keunink van West-Francië Lotharius. Lotharius zoudt achter Arnulfs dôod, zo lange dat Arnulfs ipvolger Arnulf II nog minderjoarig was, ’t zuudn van ‘t groafschap bezettn, vo nog meugelikke ipstandn t’ounderdrukkn, en Arnulf most Artesië ipzeggn.

Achter zyn dôod wierd 'n in Vloandern ipgevolgd deur zyn klêenzeune Arnulf II van Vloandern en in Boulogne deur Arnulf II van Boulogne, de zeune van zyn broere Adalolf.