Yves Leterme: verschil tussen versies

Van Wikipedia
Verwijderde inhoud Toegevoegde inhoud
JAnDbot (discuusjeblad | bydroagn)
k robot Anders: ko:이브 르테름
SieBot (discuusjeblad | bydroagn)
k robot Erbij: sh:Yves Leterme
Regel 62: Regel 62:
[[ro:Yves Leterme]]
[[ro:Yves Leterme]]
[[ru:Летерм, Ив]]
[[ru:Летерм, Ив]]
[[sh:Yves Leterme]]
[[sr:Ив Летерм]]
[[sr:Ив Летерм]]
[[su:Yves Leterme]]
[[su:Yves Leterme]]

Versie van 11 sep 2009 01:27

Yves Leterme
Foto: Kristof Persoons

Yves Leterme (Wervik, 6 oktober 1960) is e West-Vlamschen polletieker.

Zyn ouders komn uut Koomn, en is opgekwikt in Zillebeke, moar e wunt anno 2007 in Yper. En is vôorzitter gewist van de polletieke party CD&V. E wos ouk Minister-President van Vloandern in de regering Leterme-I (20 juli 2004 - 27 juni 2007) tout achter de federale verkieziengn van juni 2007.

Aloewel dat'n overtyd e gryst imago adde (zyn bynoame is Boekouder), ist'n in de joungste joarn uutegroeid tout êen van Vloanderns populairste polletiekers. Yves Leterme goat er ton ouk prat op dat 'n e geweunn mens is gebleevn: e goat goa kykn na de koers a zyn zeune rydt, e zegt teegn olleman dat 'n e gête et in zyn of, en en is supporter van Standard.

Mislukt als formateur

Achter de federoale verkieziengn va juni 2007, wos Didier Reynders informateur. Toen da zyn rolle wos uutespeeld, kwam Leterme formateur: nem oalt by de verkieziengn de mounsterscore van om en by de 800.000 vôorkeursstemmn. Leterme beguste d'ounderandeliengn vour en oranje-blauwe coaliesje (christn-democroatn en liberoaln). Moa dat foeterde van ol gin kantn: Leterme zelve zou tactische foutn emakt en, moa surtout de Woalsche CDh spartelde teegn. Discuusjepunt wos surtout de communautaire kwestjes woaby da de Vloamiengn noch de Woaln toegeviengn wulnde doen. Op 23 oest 2007 zei Leterme an de keunienk da zyn opdracht mislukt wos. E tydje loater krygt Leterme e twidde kanse. Moa in december 2007 is 't dudelik da Oranje-blow gin regerieng ku vormn. Leterme is toun minister voo Institutionele Ervormiengn, Begrôtienge en Mobiliteit gekoomn in de interimregerienge van Verhofstadt. E wos ouk vice-premier.

Premier

Achter d'interimregerieng Verhofstadt III wos de PS betrokkn by d'ounderandeliengn. Uutendelik kwam er toch e regerieng mi Leterme an 't oofd: Leterme I. Op 21 moarte 2008 zweirde Leterme 'n êed by 'n keunienk. 't Beloovn toch moeilike tydn te komn vo zyn regerieng: ol de gazettn woarn sceptisch over de regeriengsverkloaring (veel te voag zeidn ze). En zelfs binn zyn eigen kartel zyn d'r menschen die begun twyfeln.

Ountslag

De probleemn begostn mi de weireldwyde crise by de bankn. Achter da de Belgische regerienge beslootn adde om Fortisbank te verkoopn an Paribas, kwam et uut da 't kabinet van Leterme contact zoud ad en mi de rechter die over de verkoop moest adviseern. En dat meugt niet, want in e democratie is 't er e schiddieng van de Machtn. Op 19 december 2008 wos Leterme verplicht om 't ountslag van zyn regerieng in te dienn by 'n keunienk.

Ambras me de Woaln

Leterme legt nie goed by de Franstoalige pers.

  • In ogustus 2006 et 'n vour e bitje communautaire spanning ezorgd deur te zeggn in de Fransche gazette La Libération da de Franstoaligen in de rand round Brussel, in de faciliteitngemêentn, nie capoabel zyn voun Nederlands te lêern. De reactie uut Woalschn oek wos scherp.
  • Twidde incident: op 'n Belgschen fêestdag (21 juli) vroagt e televisjejournalist van de RTBF of da Leterme de Brabançonne ('t Bels volkslied) kent. Vaneigens, zegt Leterme, en e begunt de Marseillaise ('t Frans volkslied) te ziengn.
  • Derde incident: in december 2007 vergelykt Leterme, onrechtstreeks, de RTBF mi Radio Mille Collines (en oatzender in Rwanda ten tyde van de genocide tusschen Hutu's en Tutsi's). Doamei bedoelt 'n da de Franschtoalign omroep nem diaboliseert.

Externe koppelienge