Jules Lagae

Beeld van Albrecht Rodenbach ip 't Pieter-De-Coninckpling in Roeseloare deur Jules Lagae

Beeld van Jules Lagae en Thomas Vinçotte in het Jubelpark

Jules Lagae (Roeseloare, 15 moarte 1862 – Brugge 1931) was e West-Vlamsche beeldhouwer.

Leevn

Jules Lagae was den derdn van acht jounges. Je krêeg zyn êeste ipleidienge in de kunst an d'academie van Roeseloare ounder Henri Horrie. Ost 'n vêertien joar oud was giengt 'n werkn in e winkel in Roeseloare woa dat 'n lêerdege zoagn, kappn, ornamentn snyen, iengeltjes en hillign beeldhouwn vo biecht-en prikstoeln. In 1880 kreegt 'n de keure vo zyn studies vôort te zettn in Brussel an d' Academie vo Schône Kunstn, met de steun van de stad en de provincië.

Je bleef ton een ende in Brussel weunen en je werktege êest by Charles Van der Stappen en loater by Jef Lambeaux.

In 1888 het 'n de prys van Rome gewonnen. Je trok ton noar Itoalië en je blêef doa drie joar lank in Firenze, woa dat 'n styf ounder den indruk kwam van Donatello.

Je kwam were uut Itoalië met e dêel werkn, lik de Boetelingen, nu in 't Museum van Gent en Moeder en Kind, da bekrôond wierd in München met de "grôte goudn êrepennienge".

Werk

• Standbeeld van Albrecht Rodenbach ip 't Pieter-De-Coninckpling in Roeseloare
• Standbeeld van Van Beneden in Mecheln
• Standbeeld van Ledeganck in Eeklo
• Standbeeld van Guido Gezelle ip 't Guido-Gezellepling in Brugge
• Borstbeeld van Guido Gezelle in den hof van 't Guido Gezellemuseum in Brugge
• Beeld van Maria van Bourgondië (Flandria Nostra) ip 't muntpling in Brugge
• Borstbeeld van Guido Gezelle an d' O.-L.-Vrouwekerke in Kortryk (1903)
• Beeld De vier generaties in de botaniekn hof in Brussel

Varia

• An de stoatie van Roeseloare stoat er e monument ter êre van Jules Lagae
• In Roeseloare ist er ook e stroate noar hem vernoemd

Beeld van Guido Gezelle ip 't Guido-Gezellepling in Brugge deur Jules Lagae

Ofbeeldiengn die ier by passn ku je vien in de categorie Jules Lagae van Wikimedia Commons.