Vaucluse

Ligginge van 't departement Vaucluse

Gordes

Roussillon

Romeinse brugge over de riviere Ouvèze in Vaison-la-Romaine

De Vaucluse (84) is e Frans departement in de regio Provence-Alpes-Côte d'Azur.

't Departement is vernoemd noa 't dorp Vaucluse, da sedert 1946 Fontaine-de-Vaucluse genoemd is vo 't verschil te weetn mè 't departement.

Geografie

Round de Vaucluse liggn de departementn Gard (30) en Ardèche (07) in 't Westn, Drôme (26) in 't Nôordn, Bouches-du-Rhône (13) en Var (83) in 't Zuudn en Alpes-de-Haute-Provence (04) in 't Ôostn. In 't zuudn ligt de Middellandsche Zêe.

De Vaucluse bestoat uut drie arroundissementn:

• Apt
• Avignon
• Carpentras

De Vaucluse telt 24 kantongs en 151 gemêentes.

Beziensweirdigheedn

Gekende plekkn zyn:

• Avignon mè zyn Palais des Papes (Pausenpaleis) en de Pont St-Bénezet, beter bekend lik de brugge van Avignon van 't liedje Sur le pont d'Avignon.
• Gordes, e toeristisch dorptje dat ip e rotse van 't Luberongebergte ligt.
• Roussillon mè vele oker in de bodem, woadeure da hêel 't dorp gilwe, oranje, rôod van kleur is.
• D' Abdye van Sénanque, e cisterciënzer abdye in Romoanschn styl, e poar kilometers van Gordes.
• Orange, e stad me twêe Romeinse monumentn die ip de Weirelderfgoedlyste van den UNESCO stoan: 't antiek theoater (103 m brêed en 36 m hoge) en de triomfboge.
• Vaison-la-Romaine me styf vele Romeinse overbluufsels, lik een antiek Romeins theoater en e Romeinse brugge over de riviere Ouvèze.
• De berg Mont Ventoux
• De bronne van de riviere Sorgue in Fontaine-de-Vaucluse

Externe koppeliengn

• Website Vaucluse (Frans)
• Préfecture de Vaucluse

Ofbeeldiengn die ier by passn ku je vien in de categorie Vaucluse van Wikimedia Commons.