Valine

Chemische formule van valine

3D-stoafvôorstellienge van valine

Valine es een natuurlyk aminozuur. Et weirdt ofgekort mè Val of V.

Chemische structuur

Valine bestoat, gelyk olle natuurlyke aminozuurn, uut nen ôofdkeetn en nen zykeetn. De ôofdkeetn es dezelfde gelyk olle aminozuurn en bestoat uut een aminogroep en nen carboxylgroep, mè doartussn een carbongroep. Ip de carbongroep stoat de zykeetn die de valine bepoald: een ofgetakte koolwoaterstofverbindienge mè chemische formule -CH(CH₃)₂.

Fysische karakteristiekn

Valine beôort by de hydrofobe amninozuurn, deurda de zykeetn allêne moar bestoat uut koolwoaterstoffn. Doardeure zul'd je valine mêestol vindn in't binneste van een proteïne of in de transmembraanregio van een eiwit.

Vôorkoomn en (bio)synthese

Valine es een essentieel aminozuur, wa wil zeggn da je et moe binnkrygn via uw eetn. Natuurlyke bronn van valine zyn koas, vis, kiekns en ander pluumvee, nootn,...

Genetische code

Valine weirdt gecodeerd deur de codons GUU, GUC, GUG en GUA.