Oost-Francië

De verdêlienge van 't Frankisch Ryk achter 't Verdrag van Verdun in 843

Oost-Francië

’t Verdrag van Verdun in 843 en ’t Verdrag van Meerssen in 870

Oost-Francië was ’t keunienkryk van Lodewyk den Duuts, achter dat ’t Frankisch Ryk in drieën verdeeld was by ‘t Verdrag van Verdun in 843.

’t Ryk wierd verdeeld ounder de drie zeuns van Lodewyk den Vroomn.

• Den oudstn, keizer Lotharius I, krêeg Middn-Francië
• Lodewyk den Duuts krêeg Oost-Francië
• Karel den Kletsn krêeg West-Francië

Oost-Francië bestound uut:

• Zwaabn
• Frankn (of Franconië)
• Saksn
• Beiern

In 870 wierd ‘t verdrag van Meerssen getêeknd. Lothariengn van Lotharius II van Middn-Francië wierd gelykig verdêeld ounder zyn twi nounkels:

• Lodewyk den Duuts krêeg Aken, twi derdn van Friesland, en ’t gebied ten ôostn van de Moas, de boovnlope van de Moezel en de nôordelikke Jura.
• Karel den Kletsn krêeg olles ten westn d’r van.

In 880 wierd ‘t Verdrag van Ribemont getêeknd. ’t Stik van Lothariengn, dat achter ’t verdrag van Meerssen by West-Francië gekommn was, kwam nu ook by Oost-Francië.

‘t Was de latste verdêlienge van ‘t Frankisch Ryk en die grenze tusschn Vrankryk en Duutsland blêeft de reste van de Middelêeuwn bykan ounveranderd.

Lodewyk et Kind (899-911), zeune van Arnulf van Karinthië, was de latstn Karolingischn keunienk van Oost-Francië. De volgnde keuniengn wierdn verkoozn:

• Koenroad I (911-918)
• Hendrik I de Veugeloare (919-936). Zyn zeune Otto I (936-973) wierd in 962 tout keizer gekrôond.

Hendrik de Veugeloare was den êestn keunienk van de dynastie van de Ottoonn van ‘t Hillig Rôoms Ryk van Duutsche keuniengn en keizers. Ip t’ende van zyn leevn woarn ol de Duutsche stammn verênigd in êen keuninkryk. Doadeure wordt er van ton geklapt van Duutsland in plekke van Oost-Francië.