Hendrik VIII van Iengeland: verschil tussen versies

Van Wikipedia
Verwijderde inhoud Toegevoegde inhoud
TXiKiBoT (discuusjeblad | bydroagn)
Regel 89: Regel 89:
[[nn:Henrik VIII av England]]
[[nn:Henrik VIII av England]]
[[no:Henrik VIII av England]]
[[no:Henrik VIII av England]]
[[oc:Enric VIII d'Anglatèrra]]
[[pl:Henryk VIII Tudor]]
[[pl:Henryk VIII Tudor]]
[[pt:Henrique VIII de Inglaterra]]
[[pt:Henrique VIII de Inglaterra]]

Versie van 22 jun 2010 20:30

Hendrik VIII
1491-1547
Hendrik VIII
Prins van Wales
Periode1502-1509
VôorgangerArthur Tudor
IpvolgerEduard VI
Keunink van Iengeland
Periode1509 – 1547
VôorgangerHendrik VII
IpvolgerEduard VI
VoaderHendrik VII
MoederElizabeth van York

Hendrik VIII, van ’t Uus Tudor, (Greenwich, 28 juni 1491Londn, 28 januoari 1547) was ertog van York, prins van Wales en keunink van Iengeland en Ierland.

Zyn leevn

Je was de twidde zeune van Hendrik VII en Elisabeth van York.(Margaretha van York was eur tante)

’t Was de bedoelienge dat ‘n an e carrière in de kerke zou begunn, mo z’n oudere broere Arthur stierf in 1502. Hendrik voldeg' em ip ols Prins van Wales en je was azo ôok trôonipvolger gewordn. Vo were e verbound t'en mè Spanje, trouwde Hendrik in 1509 met de weeuwe van z’n broere, Catharina van Aragón, de joungste overleevnde dochter van keunink Ferdinand II van Aragon en Isabella I van Kastilië. Den trouw was kort achter den dôod van z'n voader en je was ip da moment zeevntien joar oud. De vierentwintigstn juni 1509 wierd ’n gekrôond in Westminster Abbey.

Hendrik VIII is surtout bekend vo z’n zes vrouwn, z’n wreedeid, (iederêen die in z’n weg stound wierd van kant gemakt), en ôok vo d’Iengelsche Reformoatie me z’n creoatie van de Kerke van Iengeland (Church of England), deur d'Iengelsche Katholieke Kerke te schêen van de Rooms Katholieke Kerke (1534). Je blêef wel oudn an de mêeste Katholieke tradities.

De reedn was da z’n êeste vrouwe Catharina van Aragón em gin zeune koste geevn. Ze krêegn zes dochters, woavan dat ollene Mary in leevn blêef. Doarom wildeg't ie z’n uwelik oungeldig loatn verkloarn. Paus Clemens VII giengt doa nie mee akkôord omda Catharina van Aragón ‘n tante was van Karel V. Van da moment brakt 'n definitief me Rome.

Hendrik dêed olles vor an e zeune te geroakn, vo de Tudor-dynastie te kunn vôortzettn en ip die maniere Iengeland te bespoarn van nieuwe burgeroorlogn lik de Rôoznoorloogn.

Zyn zes vrouwn

  • Catharina van Aragón (1509, geschid in 1533)
  • Anna Boleyn (1533, ountoofd in 1536)
  • Jane Seymour (1536, gestorvn in 1537)
  • Anna van Kleef (1540, ‘t zelfste joar geschid)
  • Catharina Howard (1540, ountoofd in 1542)
  • Catharina Parr (1543, zy et em overleefd)

Zyn jounges

  • Mè Catharina van Aragón: êen kind: Maria I van Iengeland (18 februoari 1516 - 17 november 1558), trouwde mè Filips II van Spanje. Under zeune Hendrik van Cornwall eet in 1511 mor e poar weekn geleefd.
  • Met Anna Boleyn: êen kind: Elizabeth I van Iengeland (7 september 1533- 24 moarte 1603), loater keuniginne van Iengeland
  • Met Jane Seymour: êen kind: de loatern keunink Eduard VI van Iengeland (12 oktober 1537 – 6 juli 1553)

In 1513 veroverde keunink Hendrik VIII Doornik. ‘t Is d’ênigste stad in België die ôoit Iengels was. Je bouwdeg' e citadel woavan dat ollêne de torre overgebleevn is. Vo dien ofbroak zorgde Lodewyk XIV minder of e decennium loater.

Hendrik VIII is gestorvn in ‘t Paleis van Whitehall in Londn en begroavn in de St. Georgekapelle in ‘t Kastêel van Windsor.