Ermentiers

Ermentiers (Frans: Armentières) is e gemêente in 't Nôorderdepartement in Vrankryk. 't Is e klêne steej an de Leie da leeft van d'industrie. 't Weunn à peu près 25.000 menschen.

Geschiedenisse

't Dorp Ermentiers is vo 'n êeste ki vernoemd in 869: Atramentarias. 't Wos e dêel van 't Groafschap Vloandern, en 't lag êeuwnlank op de grenze tusschen et stik woa dan ze Vlams klappnde en Romoans-Vloandern. Deur et Verdrag van Oakn (1668) kwam et by Vrankryk, tope mi Rysel. In 'n 19sn êeuw kwam et en industriestad die leefde van 'n textil en de brouweryen.

"Armentières, pauvre mais fière"

Ton da Ermentiers by Vrankryk kwam, goenk er e delegoasje van de stad na keunienk Lodewyk XIV. Achter vele joarn van ôorlog wos 't oarmoe troef by de bevolkieng. Moa de burgers willnde nunder ni loatn kenn, en azo schôoinde ze chique klêers van ander menschen om by 'n keunienk te kommn. Lodewyk XIV adde ôord van nunder truuksje en e zei: Armentières, pauvre mais fière (Ermentiers, arme moa preus). Dat blêef, tout op vandoage, de spreuke van de stad.

Externe koppelienge

• Website van de gemêente