Ferdinand I van et Illig Rôoms Ryk

Ferdinand I (Alcala de Henares, 10 moarte 1503 - Weenn, 27 juli 1564) was de broere van keizer Karel V en de zeune van Johanna de Woanzinnige en Filips de Schoonn.

Je krêegt den titel van aartshertog van Oostnryk (in 1521) en van Rôoms-Duuts keunienk (in 1531) van zyn broere Karel. In 1526 kwamt 'n keunienk van Boheemn en Hongareye achter den dôod van zyn schônbroere. Achter de trôonsofstand van zyn broere Karel in 1556 kwamt 'n ook keizer van ‘t Hillig Rôoms Ryk (officieel in 1558).

Vrouwe en jounges

De 25e meie 1521 ist 'n getrouwd met Anna van Boheemn en Hongareye en z’haan viftien jounges:

• 1. Elisabeth van Oostnryk (1526-1545), trouwde mè Sigismund II van Pooln
• 2. Maximiliaan II (1527-1576), keizer van ’t Hillig Rôoms Ryk
• 3. Anna van Oostnryk (1528-1590), trouwde met Albrecht V van Beiern
• 4. Ferdinand II van Tirol (1529–1595)
• 5. Maria van Oostnryk (1531–1581), trouwde mè Willem V van Kleef, hertog van Kleef.
• 6. Magdalena van Oostnryk (1532-1590), nunne
• 7. Catharina van Oostnryk (1533-1572), trouwde mè Sigismund II van Pooln, weduwnoare van eur zuster Elisabeth van Oostnryk (1526-1545)
• 8. Eleonora van Oostnryk (1534-1594), trouwde mè Guglielmo I, hertog van Mantua
• 9. Margaretha van Oostnryk (1536-1567), nunne
• 10. Johan van Oostnryk (1538-1539)
• 11. Barbara van Oostnryk (1539-1572), trouwde met Alfonso II, hertog van Ferrara
• 12. Karel II (1540-1590), aartshertog van Oostnryk en voader van Ferdinand II, keizer van ’t Hillig Rôoms Ryk
• 13. Ursula van Oostnryk (1541-1543)
• 14. Helena van Oostnryk (1543-1574), nunne
• 15. Johanna van Oostnryk (1547–1578), trouwde in 1565 mè Francesco I de Medici, de loateren groothertog van Toscane

Ferdinand stierf in Weenn en j’is begroavn in de Sint-Vituskathedroale in Praag. Z’n zeune Maximiliaan II volgdeg hem ip.

Zyn woapn mè d’embleemn van Boheemn en Hongareye en 't schild van zyn grôtvoader Maximiliaan I

Ofbeeldiengn die ier by passn ku je vien in de categorie Ferdinand I (HRR) van Wikimedia Commons.