Markgroaf: verschil tussen versies

Van Wikipedia
Verwijderde inhoud Toegevoegde inhoud
k robot Erbij: ca:Marcgravi
Alexbot (discuusjeblad | bydroagn)
k robot Erbij: ko:변경백
Regel 78: Regel 78:
[[it:Margravio]]
[[it:Margravio]]
[[ja:辺境伯]]
[[ja:辺境伯]]
[[ko:변경백]]
[[lt:Markgrafas]]
[[lt:Markgrafas]]
[[nl:Markgraaf]]
[[nl:Markgraaf]]

Versie van 22 sep 2010 01:55

Markgroaf of markies was ’n oadelikkn titel in ‘t Frankisch Ryk ounder de Karoliengers en loater ounder de Ottoonn (of Liudolfingers) van et Duuts Hillig Rooms Ryk. De markgroaf haad e militaire verantwoordelikheid over zyn markgroafschap of mark, e grensprovinsje van ‘t keunienkryk die diende vo de grenze te beveilign.

In de 11e êeuwe kwamt de functie erfelik. Markgroavn stoundn hoger in rang of de groavn. Da kwam deur under belangryke militairn ipdracht en deurdat under groundgebied grodder was.

Markgroavn van Neustrië

In 861 creëerde Karel de Kletsn van West-Francië twê markn in Neustrië, vo ‘t gebied te verdedign teegn de Bretoenn en de Vikings.

Mark teegn de Vikings
  • 861-865 : Adalard, Udo en Berengar I
Mark teegn de Bretoenn
  • 865-878 : Gauzfrid van Maine
  • 878-885 : Ragenold
  • 884-886 : Henri
  • 886-896 : Berengar II, groaf van Bayeux
  • 896-911 :
  • 911- : Robert I
  • 886-888 : Odo I († 898), keunienk van West-Francië in 888
  • 888-922 : Robert I, tegoare van 911
Markgroaf van de twê markn

Markgroavn van ’t Hillig Rooms Ryk

In 925 kost Hendrik I de Veugeloare Lotharingen ounder Oost-Francië briengn, en van ton is ter sproake van ‘t Duuts Ryk. Mè Lotharingn derby grensde ’t Duuts Ryk nu an Vrankryk en heur vazalstoat Vloandern. De Schelde vormde de grenze.

Round 980 liet keizer Otto II drie sterke burchtn langs de Schelde bouwn en je richtte de markgroafschappn Antwerpn, Ename en Valenciennes ip. Ze vormdn e militair buffergebied an de westelikke grenze van ‘t Duuts ryk. Ze mostn under doa verdedign teegn Vrankryk en de groavn van Vloandern, die ossan mo mêer macht krêegn.

In oktober 1011 krêeg Boudewyn IV van Vloandern Valenciennes en de streke van Zêeland in lêen. Da was 't begun van Ryksvloandern (de gebiedn in lêen van ’t Ryk) tegenover Krôonvloandern (de gebiedn in lêen van Vrankryk). In 1033 stakt ie de Schelde over en je veroverde ’t markgroafschap Ename. Zyn zeune Boudewyn V van Vloandern die hem ipvolgde, was ook markgroaf van Valenciennes en Ename.

In 1045 benoemde keizer Hendrik III Boudewyn VI van Vloandern tout markgroaf van Antwerpn.

In 1076 kwam Godfried van Bouillon, hertog van Neder-Lotharingen, ook markgroaf van Antwerpn, en in 1106 krêegn de groavn van Leuven (loater van Broabant) et markgroafschap Antwerpn.

Markgroavn van Antwerpn:

  • 969 - 1002 Godfried van Verdun (ook van Ename)
  • 1008 - 1044 Gozelo I de Grôotn
  • 1045 Boudewyn VI van Vloandern
  • 1046 - 1065 Frederik van Luxemburg (Neder-Lotharingen)
  • 1065 - 1069 Godfried II met den Board
  • 1070 - 1076 Godfried III met de Bulte
  • 1076 - 1100 Godfried van Bouillon
  • 1101 - 1106 Hendrik I van Limburg
  • 1106 - 1139 Godfried I van Leuven
  • 1140 - 1142 Godfried II van Leuven
  • 1142 - 1190 Godfried III van Leuven
  • 1190 - 1235 Hendrik I van Broabant (êestn hertog van Broabant)