Ferdinand I van et Illig Rôoms Ryk: verschil tussen versies

Van Wikipedia
Verwijderde inhoud Toegevoegde inhoud
Pastel (discuusjeblad | bydroagn)
Geen bewerkingssamenvatting
k r2.7.1) (robot Anders: sk:Ferdinand I. (SRR)
Regel 99: Regel 99:
[[ro:Ferdinand I, Împărat Roman]]
[[ro:Ferdinand I, Împărat Roman]]
[[ru:Фердинанд I (император Священной Римской империи)]]
[[ru:Фердинанд I (император Священной Римской империи)]]
[[sk:Ferdinand I. Habsburský]]
[[sk:Ferdinand I. (SRR)]]
[[sl:Ferdinand I. Habsburški]]
[[sl:Ferdinand I. Habsburški]]
[[sr:Фердинанд I Хабзбуршки]]
[[sr:Фердинанд I Хабзбуршки]]

Versie van 5 feb 2011 08:43

Ferdinand I
1503 - 1564
Ferdinand I
Keizer van et HRR
Periode1556 (officieel 1558) -1564
Rôoms-Duutsche keunienk :
1531-1564
VôorgangerKarel V
IpvolgerMaximiliaan II
Aartshertog van Oostnryk
Periode1521 - 1564
VôorgangerKarel I
IpvolgerMaximiliaan II
Keunienk van Boheemn.
Periode1526 - 1564
VôorgangerLodewyk II
IpvolgerMaximiliaan II
Keunienk van Hongareye
Periode1526 - 1564
VôorgangerLodewyk II
IpvolgerMaximiliaan II
VoaderFilips de Schoonn
MoederJohanna de Woanzinnige
Zyn woapn mè d’embleemn van Boheemn en Hongareye en 't schild van zyn grotvoader Maximiliaan I

Ferdinand I (Alcala de Henares, 10 moarte 1503 - Weenn, 27 juli 1564) was de zeune van Johanna de Woanzinnige en Filips de Schôonn, en de broere van keizer Karel V.

Je krêegt den titel van aartshertog van Oostnryk (in 1521) en van Rôoms-Duutsche keunienk (in 1531) van zyn broere Karel.

Zyn trouw

In 1515 kwam zyn grotvoader Maximiliaan I in Weenn tegoare mè Wladislaus II van Boheemn en Hongareye, en zyn broere Sigismund I van Pooln. Ze sproakn of vo de twi klêenkienders van Maximiliaan (Ferdinand en Maria), en d’ênigste kienders van Wladislaus (Anna en Lodewyk) mè makoar te loatn trouwn.

De doar ofgesprookn dubbele trouwfêeste giengt deure ip 22 juli 1515 in de Stephansdom in Weenn en wierd de Wiener Doppelhochzeit genoemd, te zien ip ’n houtsnede deur Albrecht Dürer. Maximiliaan was platsvervanger vo Ferdinand, die zelve nie anwezig was.

Ferdinand trouwde officieel de 25ste meie 1521 met Anna van Boheemn, en zyn zuster Maria in 1522 met Anna heur broere Lodewyk II van Hongareye.

’t Dubbel huwelik zorgde der vôorn dat Hongareye en Boheemn (nu e stik van Tsjechië), elf joar loater ook by ’t huus Habsburg kwoamn.

In 1526 kwam Ferdinand keunienk van Boheemn en Hongareye, achter den dôod van zyn schonbroere Lodewyk II, en in 1531 ook Rôoms-Duutsche keunienk.

Achter de trôonsofstand van zyn broere Karel in 1556 kwamt ie keizer van et Hillig Rôoms Ryk (officieel in 1558).

Vrouwe en jounges

Ferdinand en Anna van Boheemn haan viftien jounges:

  • 1. Elisabeth van Oostnryk (1526-1545), trouwde mè Sigismund II van Pooln
  • 2. Maximiliaan II (1527-1576), keizer van ’t Hillig Rôoms Ryk
  • 3. Anna van Oostnryk (1528-1590), trouwde met Albrecht V van Beiern
  • 4. Ferdinand II van Tirol (1529–1595)
  • 5. Maria van Oostnryk (1531–1581), trouwde mè Willem V van Kleef, hertog van Kleef.
  • 6. Magdalena van Oostnryk (1532-1590), nunne
  • 7. Catharina van Oostnryk (1533-1572), trouwde mè Sigismund II van Pooln, weduwnoare van eur zuster Elisabeth van Oostnryk (1526-1545)
Houtsnede deur Albrecht Dürer van de Wiener Doppelhochzeit.
Van lienks: Maximiliaan I; zyn klêendochter MariaLodewyk II; Vladislav II mè zyn dochter Anna en zyn broere Sigismund II.
  • 8. Eleonora van Oostnryk (1534-1594), trouwde mè Guglielmo I, hertog van Mantua
  • 9. Margaretha van Oostnryk (1536-1567), nunne
  • 10. Johan van Oostnryk (1538-1539)
  • 11. Barbara van Oostnryk (1539-1572), trouwde met Alfonso II, hertog van Ferrara
  • 12. Karel II (1540-1590), aartshertog van Oostnryk en voader van Ferdinand II, keizer van ’t Hillig Rôoms Ryk
  • 13. Ursula van Oostnryk (1541-1543)
  • 14. Helena van Oostnryk (1543-1574), nunne
  • 15. Johanna van Oostnryk (1547–1578), trouwde in 1565 mè Francesco I de Medici, de loateren groothertog van Toscane

Ferdinand stierf in Weenn en j’is begroavn in de Sint-Vituskathedroale in Praag. Z’n zeune Maximiliaan II volgdeg hem ip.

Wikimedia Commons