Stamme (biologie)

De acht belangrykste taxonomische rangen.

De stamme (phylum) is e rank in de hiërarchie van de biologische taxonomie. De stamme komt ounder 't ryk en boven de klasse. E stamme wordt soms ook nog ounderverdêeld in een ounderstamme (subphylum) en in sommigte gevalln wordn verschillige stammn oundergebrocht in e superstamme (superphylum).

In totoal zyn der by de bêestn een 35-tal verschillige stammn.

By plantn en schimmels wordt de noame divisie en subdivisie gebruukt in plekke van stamme en ounderstamme.

Ounderstamme

Nie al de stammn zyn ounderverdêeld in ounderstammn. Stammn met ounderstammn zyn:

• Arthropoda (geleedpôtigen) met ounderstamme Trilobitomorpha, Chelicerata, Myriapoda, Hexapoda en Crustacea.
• Brachiopoda (oarmpôtigen), met ounderstamme Linguliformea, Craniformea en Rhychonelliformea.
• Chordata (chordabêestn) met ounderstamme Urochordata, Cephalochordata en Craniata.

Carolus Linnaeus

In de taxonomie van Carolus Linnaeus wast er nog gin sproake van stammn. Linnaeus verdêelde de bêestn in 6 klassn, de Pisces (vissn), Amphibia (amfibien), Aves (veugels), Mammalia (zoogbêestn), Insecta (insectn) en de Vermes (de reste).

Microbiologie

Microbiologen gebruken stamme ook vo e rank die leger ligt of species (soort) an te duden. E stamme is in da geval e bacteriële kolonie die ountstoan is uut één bacterie op e voediengsbodem, en morfologisch/genetisch te ounderscheidn is van andere stammn.

Externe koppelinge

• De stammn in 't bêestnryk (Ingels)