Santa Maria delle Grazie

Santa Maria delle Grazie

Interieur van de kerke

De Santa Maria delle Grazie (Onze-Lieve-Vrouwe van Genoade) in Milaan, is e kerke met e Dominicoans klôoster, die ip de weirelderfgoedlyste stoat van den UNESCO.

De kerke is ook bekend vo 't fresco 't Latste Avondmaal (Ultima Cena) van Leonardo da Vinci in de refter (Cenacolo) van 't klôoster. 't Werk, da tusschn 1485 en 1497 gemakt is in ipdracht van Ludovico il Moro, is zwoar beschoadigd, zowel deur den tyd of deur foutn van Da Vinci zelve deur e mislukt experiment, woaby dat 'n olieverwe- en frescotekniekn combineerde. 't Is al verschillige kêern gerestoreerd gewist.

An den overkant is de Kruusigienge (1495) te zien van Donato Montorfano.

Geschiedenisse

De kerke en 't klôoster zyn gesticht deur Francesco Sforza, hertog van Milaan. Den architect was Guiniforte Solari. 't Klôoster was gerêed in 1469, moa vo de kerke was ter mêer tyd nôdig, toet in 1490.

Binst de Twidde Weireldoorloge, de nacht van de 15stn ogustus 1943, zyn de kerke en 't klôoster gebombardeerd gewist deur Iengelsche en Amerikoansche vliegers. De refter was verre hêlegans vernield, moa de meur woa da 't Latste Avondmaal ip stoat is gespoard gebleevn omda 't beschermd was mè zandzakkn.

't Latste Avondmaal van Leonardo da Vinci

Mêer ofbeeldiengn die ier by passn ku je vien ip Santa Maria delle Grazie (Milan) ip Wikimedia Commons.