Boudewyn VI van Vloandern: verschil tussen versies

Van Wikipedia
Verwijderde inhoud Toegevoegde inhoud
k r2.7.1) (Robot Derby: id:Baldwin VI dari Flandria
EmausBot (discuusjeblad | bydroagn)
k r2.6.4) (Robot Anders: es:Balduino VI de Flandes
Regel 52: Regel 52:
[[el:Βαλδουίνος ΣΤ' της Φλάνδρας]]
[[el:Βαλδουίνος ΣΤ' της Φλάνδρας]]
[[en:Baldwin VI, Count of Flanders]]
[[en:Baldwin VI, Count of Flanders]]
[[es:Balduino VI, conde de Flandes]]
[[es:Balduino VI de Flandes]]
[[fr:Baudouin VI de Flandre]]
[[fr:Baudouin VI de Flandre]]
[[hu:VI. Balduin flamand gróf]]
[[hu:VI. Balduin flamand gróf]]

Versie van 27 jul 2011 04:34

Boudewyn VI van Vloandern
ca. 1030-1070
Groaf van Vloandern
Periode1067-1070
VôorgangerBoudewyn V
IpvolgerArnulf III
Groaf van Henegouwn
Periode1051-1070
Richilde
VôorgangerHerman van Bergn
IpvolgerArnulf III
VoaderBoudewyn V van Vloandern
MoederAdela van Mêesn

Boudewyn VI (ca. 1030 - 17 juli 1070), ook Boudewyn Hasnon of Boudewyn van Bergn genoemd, was groaf van Vloandern van 1067 tout 1070. Je was ook groaf van Henegouwn van 1051 tout 1070 ols Boudewyn I.

Boudewyn VI was de zeune van groaf Boudewyn V en van Adela van Mêesn, dochter van keunienk Robert II van Vrankryk.

Zyn leevn

In 1045 benoemde keizer Hendrik III van et Hillig Rooms Ryk hem tout markgroaf van Antwerpn.

Je most van zyn voader trouwn mè Richilde van Henegouwn, de weeuwe van Herman van Bergn, vo de macht over Henegouwn te kunn krygn. De kerke was nie akkôord vanwege bloedverwantschap, omda ze zyn verre achternichte was, moa loater kwamt de paus doar ip were.

Ze trouwdn in 1051 en Richilde arrangeerde dat heur jounges van heur êeste huwelik hunder voader nie kostn ipvolgn. Heur zeune Roger kwam bisschop van Châlons-sur-Marne en heur dochter gieng in ’t klôoster.

In december 1056, ip de Ryksdag van Keuln, wierd d’ipvolgienge van Herman van Henegouwn geregeld, en Boudewyn wierd officieel deur de jounge keunienk Hendrik IV van Duutsland met et groafschap Henegouwn belêend.

In 1068 stichtte Boudewyn VI e nieuwe stad an de westkant van de Dender, ip de grenze van Vloandern, Henegouwn en Broabant. J’haad doavôorn e vrylêen gekocht van Geraard van Hunnegem, achter wien dat ’n de stad Gerardi Mons noemde (Geraardsbergn, Frans: Grammont). De stad krêeg privileges.

Je restaureerdeg ook d’abdye van Hasnon, vandoa zyn bynoame.

Ot ’n hem ziek begost te voeln kwamt ’n tegoare in Oudenoarde vo zyn ipvolgienge te regeln. Zyn oudste zeune Arnulf III zou ’t groafschap Vloandern krygn ounder ’t regentschap van Boudewyns joungste broere Robrecht den Fries, en Boudewyn II zou ’t groafschap Henegouwn krygn ounder ’t regentschap van zyn moeder Richilde.

Boudewyn VI stierf in 1070 en j’is begroavn in d’abdye van Hasnon.

In 1071 begost zyn broere Robrecht den Fries e gevecht vo zyn erfrecht in de Slag by Kassel teegn Arnulf III. Arnulfs suzerein Filips I van Vrankryk en zyn moeder Richilde vochtn an zyn kant, moa je sneuvelde en je krêeg doaby zyn bynoame Arnulf den Oungelukkign. Je was moa 15 joar oud. Achter de slag erkende Filips I Robrecht den Fries ols nieuwn groaf van Vloandern.

Doamee kwamt er ’n ende an de verênigienge tusschn Vloandern en Henegouwn. Richilde en heur andere zeune Boudewyn II hieldn Henegouwn.

Hunder jounges

  • Arnulf III van Vloandern (1055-1071)
  • Boudewyn II van Henegouwn (1056-1098), groaf van Henegouwn van 1071 tout 1098
  • Gilbert van Gent
  • Agnes