Frederik III van et Hillig Rôoms Ryk: verschil tussen versies

Van Wikipedia
Verwijderde inhoud Toegevoegde inhoud
Amirobot (discuusjeblad | bydroagn)
EmausBot (discuusjeblad | bydroagn)
Regel 66: Regel 66:
[[es:Federico III de Habsburgo]]
[[es:Federico III de Habsburgo]]
[[et:Friedrich III (Saksa-Rooma keiser)]]
[[et:Friedrich III (Saksa-Rooma keiser)]]
[[fa:فردریش سوم، امپراتور مقدس روم]]
[[fa:فریدریش سوم، امپراتور مقدس روم]]
[[fi:Fredrik III (keisari)]]
[[fi:Fredrik III (keisari)]]
[[fr:Frédéric III du Saint-Empire]]
[[fr:Frédéric III du Saint-Empire]]

Versie van 20 sep 2011 00:18

Frederik III
14151493
Frederik III
Keizer van et HRR
Periode1452-1493
VôorgangerAlbrecht II
IpvolgerMaximiliaan I
Aartshertog van Oostnryk
Periode1463-1493
VôorgangerLadislaus Posthumus
IpvolgerMaximiliaan I
Hertog van Stiermarkn en Karinthië
Periode1424-1493
VôorgangerErnst den Yzern
IpvolgerFerdinand
VoaderErnst den Yzern
MoederCymburgis van Mazovië
Detail van "Aeneas Piccolomini introduceert Eleonora van Portugal an Frederik III" deur Pinturicchio (1454-1513)

Frederik III (Innsbruck, 21 september 1415 - Linz, 19 ogustus 1493), van ‘t Huus Habsburg, was de voader van Maximiliaan van Oostnryk.

Je was van 1424 hertog van Karinthië, van 1439 hertog van Oostnryk, van 1453 aartshertog van Oostnryk, van 1440 Rôoms-Duutsche keunienk en van 1452 keizer van et Hillig Rôoms Ryk.

Zyn leevn

Frederik was de zeune van Ernst, hertog van Stiermarkn en Karinthië. In 1424 stierf zyn voader, en zyn moeder vuuf joar loater. J'erfde Stiermarkn en Karintië an z'n neegn joar.

Den twiddn februoari 1440 wierd ie verkoozn tout Rôoms-Duutsche keunienk, ipvolger van Albrecht II.

In 1452 trouwde Frederik mè prinsesse Eleonora Helena van Portugal en da zelfste joar wierd ie in Rome deur paus Nicolaas V gekrôond tout keizer van et Hillig Rôoms Ryk. Je was de latste keizer die deur den paus van Rome gekrôond wierd. Achter hem liet ollêne Keizer Karel V hem nog krôonn deur den paus, mor in Bologna in 1530.

Binst zyn stryd vo de macht ha Frederik veel rivoaln, surtout de Boheemn, Turkn en Hongaarn. Zyn gevoarlikstn teegnstander was Mathias Corvinus, keunienk van Hongareye. In 1481 viel ‘t Hongaars leger Neder-Oostnryk binn en ‘t veroverde Weenn in 1485. Met den dôod van Mathias in 1490 kwamt er ‘n ende an de bezettienge van de stad en Frederik zyn zeune Maximiliaan veroverde de verloorn gebiedn were.

Zyn woapn
Zyn monogram

Achter da Karel de Stoutn, den hertog van Bourgondië, van juli 1474 tout juni 1475 ’t stadje Neuss belegerd haad, begost Frederik met hem t’ounderhandeln. Binst die ounderhandelienge wierd den trouw van zyn zeune Maximiliaan mè Karel zyn dochter Maria van Bourgondië gepland. Azo kost ie de bezittiengn van ‘t Huus Habsburg styf uutbreidn.

De latste tien joar van zyn leevn regeerdegt ie tegoare mè zyn zeune Maximiliaan.

In 1493, an zyn 77 joar, ist ie gestorvn in Linz, achter dat ie zyn lienkerbêen ha probeern t’amputeern. In 1513 wierd zyn stoffelik overschot bygezet in e proalgraf in de Sint-Stephanusdom in Weenn. 't Is êen van de belangrykste beeldhouwwerkn van de loate Middelêeuwn.

Zyn zeune Maximiliaan liet z’n biografie (Der Weiszkunig) schryvn.

Vrouwe en jounges

Frederik II trouwde met Eleonora van Portugal. Under jounges woarn:

  • Christophorus (1455 - 1456)
  • Maximiliaan I (1459 - 1519)
  • Helena (1460 - 1461)
  • Cunigonde (1465 - 1520)
  • Johann (1466 - 1467)
Wikimedia Commons