Turkeye: verschil tussen versies

Van Wikipedia
Verwijderde inhoud Toegevoegde inhoud
VolkovBot (discuusjeblad | bydroagn)
k r2.7.2) (Robot Derby: za:Dujwjgiz
FoxBot (discuusjeblad | bydroagn)
k r2.6.5) (Robot Derby: or:ତୁର୍କୀ
Regel 232: Regel 232:
[[nv:Tʼóok Bikéyah]]
[[nv:Tʼóok Bikéyah]]
[[oc:Turquia]]
[[oc:Turquia]]
[[or:ତୁର୍କୀ]]
[[os:Турк]]
[[os:Турк]]
[[pam:Turkey]]
[[pam:Turkey]]

Versie van 3 feb 2012 15:21

  Türkiye Cumhuriyeti
Republiek Turkeye

Officiële toale Turks
Hoofdstad Ankara
Stoatsvorm Republiek
Stoatshoofd President:
Abdullah Gül
Êerste minister Recep Tayyip Erdoğan
Ippervlak 783.562 km²
Inweuners

Bevolkiengsdichtheid

76.805.524
98 inw./km²
Munte Turkse lira
Tydzone UTC+2
(zomertyd: UTC+3)
Landcode TR, TUR
Telefongcode (+90)
Internet-TLD .tr
Nationale fêestdag 29 oktober

Turkeye (Nederlands: Turkije, Turks: Türkiye), es 'n republiek land da vo 't grotste dêel in Oazië ligt. E klêen dêel round de grotste stad Istanbul ligt in Europa. De ôofdstad van Turkeye es Ankara. 't Weunn in 't hêle 71 meljoen menschn.

Liggienge

Turkeye ligt voun 't grotste dêel in Azië, up e schiereiland die Anatolië noemt, tusschn de Zworte en de Middellandsche Zêe. 't Europees gedêelte ligt teegn Grieknland en Bulgareye. De twêe stikkn zyn van makoar eschid deur de Dardanelln, de Zêe van Marmara en de Bosporus. Istanbul, de grotste stee van 't land, ligt up olletwêe de stikkn. De landn die teegn Turkeye liggn, zyn Grieknland en Bulgareye up 't Europees gedêelte en Armenië, Georgië, Azerbeidjan, Irak, Iran en Syrië. Koerdistan, die gin officieel land is, ligt voun e grôot dêel up 't groundgebied van Turkeye.

Geschiedenisse

Ofbeeldienge:MustafaKemalAtaturk.jpg
Mustafa Kemal of Atatürk, uprichter en voader van de Republiek Turkeye
  • Cätäl Hüyük
  • Griekn
  • WO I
  • Mustafa Kemal: de groundlegger van 't moderne Turkeye. Deur nem is Turkeye e stoat ekommn woa da polletiek en godsdienst van makoars eschêen zyn. Zyn bynoame is Atatürk (voader van de Turkn).
  • ...

Steejn

  • Ankara: d'oofdstee en me ze 4 meljoen inweuners de twidde stee van Turkeye. 't Is Atatürk die byn de uprichtienge van de republiek Ankara ekoozn et, Istanbul wos up da moment bezet deur de geällieerdn en dus nie echt e stik van 't groundgebied.
  • Istanbul: in 'n tyde ouk Constantinopel en Byzantium enoemd, 't is oek de belangrykste stee. Ze noemn Istanbul de pôorte nor Azië omdan der zowel Ôostersche of Westersche invloedn zyn. In Istanbul weunn der tusschn de 10 en 15 meljoen menschn.
  • Izmir: 3 meljoen inweuners

Toale

D'ênigste officiële toale is Turks (e lid van de Altaïsche toalfamilie), die in verschillige vormn eklapt is deur 90 percent van de menschn in Turkeye. Doabuutn en is er mor êen grôte toale nemi: 't Koerdisch (e lid van de Indo-Europeesche toalfamilie), die deur oungeveer 18 percent van de menschn, surtout in 't ôostn van 't land. 't Zyn nog e masse aar toaln, mo dedie zyn deur nie ol te vele menschn gebruukt.

Teetn en drienkn

De bekendste gerechtn van Turkeye zyn de diengn daj ol ier in pitakootn viendt (dürüm, döner en kebab bevôorbeeld). Turkn zevve gebruukn 't wôord pita wel nôois.

Oloewel da Turkeye styf bekend is voun ze kaffie (kahve), drienkn ze in Turkeye zevve vele mêer thee (çay). Doamei daj doar oek indeliks vele "theetuunn" (çaybahçe) teegn komt. 't Bekendste dessert is baklava.

Turkeye is êen van de weinige landn woa dat er e platselikkn drank is die ku concurreern me Coca Cola: Colatürk. 't Bekendste bier is Efes, daj oek ier en doar in België ku viendn (oundermêer in Brussel). Wyn is er oek e masse verbouwd.

Beziensweirdigeedn

Pamukkale in 1987, 'n dag van vadoage meugn der gin menschn nemi by.
  • Istanbul (oundermêer Dolmabahçe, Topkapıpaleis, moskeejn (Ayasofya en nog e masse aar) en de Galatatorre)
  • Efeze (Turks: Efes) en hêel de westkust, woa dan der indeliks vele Grieksche ruïnn te viendn zyn. Oloewel dan der bykan gin Griekn nemi weunn an de westkust, angt er nog ossan e indeliks Grieksche sfere, oundermêer deur de gebouwn en de muziek.
  • Pammukale: tope met Hierapolis up de weirelderfgoedlyste van 'n UNESCO, 't ountstoan doa terrassn deur d' ofzettienge van kook.
  • Gallipolis (Turks: Gelibolu): loopgroavn uut 'n Êestn Weireldôorloge, woa dan de Turkn ounder leidienge van Atatürk de ANZAC's (geällieerdn uut Australië en Nieuw-Zêeland kloptn).
  • ...

Toerisme

Buutn de beziensweirdigeedn die ierboovn stoan, is Turkeye surtout ekend voun ze warm were en ze goedkope vakansn. Plekkn lik Antalya en Bodrum zyn indeliks populair.

Gallery

Sport & spel

  • Foetbol: de Turkn zyn zot van foetbol, surtout Galatasaray, Fenerbahçe en Beşiktaş (olledrie uut Istanbul, Galatasaray ligt in 't Europees gedêelte). Bekende foetbolliestn zyn oundermêer Hakan Şükür, Nihat Kahveci, Tungay Şanlı, Önder Turaci (vroeger by Standard) en Serhat Akin (Anderlecht).
  • Backgammon (Turks: Tavla): bordspel die deur e masse menschn espeeld is, up café, mor oek geweune buutn up stroate.
  • Okey: e spel die surtout espeeld is in e çaybahce, 't trekt e bitje up Rummikub.
  • Ottosport: sedert êentige joarn is er e rally voun 't weireldkampioenschap en e Grôte Prys Formule 1.


{{{ofb_links}}} Europese Unie (EU) Vlag van de Europese Unie {{{ofb_groot}}}

ak:Turki